CHAPITRE CCLXXXV

Le relief que firent messeigneun les électeurs et autres princes au roy des Romains , en la ville de Worms ; ensemble plusieurs advenues en ce temps ^ et le mariaige de madame Marguerite d*Austrice.

Très victorieulx prince Maximilian^ par la divine clémence, roy des Romains, tousjours auguste, estant à Worms, en habits royalz, ayant la couronne au chief , le sceptre et la pomme es mains; siant en siège royal, accompaigné de plusieurs grands princes de l'empire , récent à hommaige , et devant luy relevèrent leurs fiefs , les très illustres personnaiges , desquels les noms s'ensuivent : Premier^ le quatorziesme de juillet, monseigneur Bertol, arche vesque de Mayence, électeur; secondement^ monseigneur Herman, archevesque deCoulongne, électeur; tierchement, monseigneur Philippe, conte palatin du Rhin^ électeur; quartentent^ Frederick , duc de Saxonne , électeur.

'49^) DE JEAN HOLINET. 53

Le jour ensuivant , monseigneur Jehan ^ archevesque de Trêves , électeur ; monseigneur Jehan , marquis de Brandebourg , électeur ; monseigneur Albert , duc de Saxonne ; monseigneur Fréderich , marquis de Brandebourg; monseigneur. . . • , duc de Meckelembourg. Le joedj , seiziesme de juillet , messeigneurs Guillaume ( deux ensemble), lantgraves de Hesse ; monseigneur Bodohel , conte de Hanaw, lequel fut créé prince par le roj, nostre sire.

Le mardy ensuivant, vingt-uniesme de juillet, monseigneur Jehan , duc de Brunswicq ; monseigneur Evrard , conte de Wertemberg, qui fut créé duc de Teck ; monseigneur Otto , conte de Hemomberch. Ces besongnes accomplies, il fit chevaliers deux burguemestres , Tung d'Auxbourg, et l'autre deWine, avec les cérémonies à ce per-^ tinentes.

Et quant vint le dernier quartier du mois de juillet , 'horribles tonnoires s*esmeulrent fort espouventables et non accoustumés , en Flandres ^ Brabant , Haynault , Arthois et Cambresis , qui portèrent plus grand dommaige aux gens , aux bestes et aux édifices que aux biens de terre ; et le aghille ou flesche du closcher Nostre-Dame de Gambray fut grandement adommaigé par dehors œuvre , en brisant les crettes d*icelluy , que aulcunes gens nomment catz rampans. Pareillement en Anvers, au cloistre Sainct-Jehan et plusieurs aultres lieux. Et les eaulwes procédantes desdits.

oraiges , fouidres, tempestes et tonnoires, furent si grandes , qu'elles emportoient les estables des brebis ^ niaisons et hangars , fenimes et en fans estans en leurs berseaulz et repos ; et nonobstant la terre fut assez fer tille pour ceste année ; car bledz, avaines , vins et gros fruicts furent produicts en très grant habondance.

Le cinquiesme jour du mois de novembre ensuivant , furent célébrez les solempnitez de noepces de aultant qu'il s'en povoit faire par dechà , de madame Marguerite, unicque sœur de monseigneur l'archiduc, et monseigneur le prince de Castille , seul fils du roy et de la rpyne d'Espaigne. Icelle espousa en robbe d'or et couronne moult riche ; et fut menée de son hostel en l'esglise de Sainct* Pierre de Malines , à dextre de monseigneur l'archiduc et de monseigneur le marquis de Baden j et le chevalier qui représenloit ledit prince de Castille, estoit à dextre de monseigneur de Râvestain et de monseigneur le prince de Chimaj,

En ce temps, le roj des Romains estant en AUemaigne , en la ville de Worms , une femme , en un villaige assez près d'illecq , enfanta ung monstre qui fut tel , que deux corps féminins totalement coupzez et de mesme grandeur, n'avoient, comme il sembloit , que ung seul cervel par lequel ils lenoient ensemble.

En ce temps , le seigneur de Forest , fort prudent et honnorable chevalier, avecq le duc de Charolois et aultres , fut envoyé en ambassade par

('495) DB JBAN MOLINET. 55

monseignear l'archiduc , , vers le roj de France , lors estant à Lyon ; auquel ils présentèrent trois chevaulx de pris , au nom de mondit seigneur. Âulcuns disoient que leur cherge portoit la confirmation de la paix de Senlis ; et leur fut donné certain nombre de vasselles. Tost après ^ environ le commencement de febvrier ensujvant, vint une ambassade franchoise y par le roj de France , vers mondit seigneur l'archiduc. Le principal de ladite

ambassade estoit l'évesque de , accompaigné

de maistre Raoul de Lannoj et aultres; lequel évesque proposa fort honnorablement à l'honneur dudit archiduc , et besongnèrent tellement par son proposer^ que la ville et chasteau de Mortaigne sur l'Ëscault fut réduicte et remise en la main du roj Charles de France ; et les gens d'armes franchois se deslogèrent des villes qu'ils tenoient en Ârthoisy comme Béthune, Aire^ etc. Dudesloge- . ment d'iceulx furent fort joyeulx les Artisiens. Monseigneur l'archiduc desfroya lesdits ambassadeurs de tous despens > et leur fit donner cent marcz de vasselles dorées ; puis retournèrent en France. En ce temps, furent solempnellement faites et célébrez , au cloistre des Carmes , à Bruxelles y les obsecquesde monseigneur Adolphe de Clèves^ seigneur de Bavestain , nepveu du bon duc Philippe de Bourgogne , lequel , en son vivant^ avoit bien et léalement servi lé bon duc Philippe , le duc Charles , madame la ducesse Marie , espouze du roy des Romains , et à très grande diligence avoit

gardé et estoit conchierge de monseigoeur Tarchiduc et de madame Marguerite sa sœur , pendant la minorité de leurs ans. Ce très noble et vertueux seigneur fina ses jours , comme dict est , durant le siège de TEscluse , où monseigneur Philippe son fils estoit durement assiégé ; et à cause de la guerre qui lors régnoit à son quartier en Tan quatre-vingtdouze , ses obsecques ne povoient estre achevées, jusques à Fan présent , que monseigneur de Ravestain^ son fik, fut réconcilié avec le roy des Romains et monseigneur l'archiduc ; et quant le temps fut à ce convenable , il s'en acquicta honnorablement ^ sans riens e$pargnier , comme bon fils doibt faire pour son père , tant en allumeries autour de la bierre et salleurs , comme en cérémonies et offices d'armes* En ceste besongne se conduisit fort bien monseigneur l'archiduc , pareillement ceulx qui firent le doeil avec monseigneur de RavestaiA > comme messeigneurs l'évesque de Liège , le prince de Chimay , le conte de Nassou, Philippe, bastardde Bourgongne et aultres; semblablement s'acquictèrent honnestement les nobles personnaiges qui portèrent la banière, le guidon , l'escu , l'espée , le healme. Monseigneur Henri de Berghe», évesque de Cambray, assisté de plusieurs prélats mitrez , célébra la messe , après laquelle fut faict ung très grant et sumptueux convive , et duquel les mets et services, seroient trop longs à réciter..

f'^9^^ DE JEA» BiOLtNET. Zj