CHAPITRE CGXCIII

La coognoissajiice que donna volontairement de son nom et de son faict Pierqoin Wesebecque an roy d'Angleterre.

PiEKQUXisï Wesbecque , soy disant Richard d'Iorcq , fils du roy Edouard, ftit tellement nourrj en la querelle de la maison d'Iorcq , que par l'enbort de Jeban Water , Stimen Pomouni , Jehan Taillont> Hubert Bourd, et autres, leurs adhérens, faulteurs et rebelles, ennemysduroy Henry, qu'il print l'audace de soy renger en bataille, accompaigné d'aucuns seigneurs de Cornuailles, contre la puissance du roy d'Engleterre , et s'avancha d'entrer en la cité d'Excestre , ce. que lui fut refusé , puis tira vers la ville de Canton. Mais quant il fut adverty que le chambellan du roy, son maistre d'hostel, sire Jeban Chef, et autres chiefs de guerre, marchoient si avant que pour le rencontrer , le<iit Pierquin print avecq luy Jehan Héron , Ëdv^art Shelion, Nicolas Astelay, et aucuns autres, il habandonna ses gens de nuict^ et donna la fuyte. Le roy Henry , sachant leur manière de faire , fit à toute diligence garder les costes de la mer, pensant qu'ils iroîent celle part, comme ils a voient intention ; mais il leur fut defiendu , et lors furent

('497) DE MA.» MOLINBT. 79

constraincts , pour tout refuge , de querre le sanctuaire et eulx bouter en franchise de Beaulieu , où vistenient se trouvèrent les gens du roj pour congnoistre leur estât. Et quant ledit Pierquin et ceulx de sa sorte percheurent que le peuple du pais fit le guet sur eulx^ affin qu'ils n'eschappassent par la mer, ils requirent adx gens du roj estant illecq, qu'ils Tolsissent intercéder pour eulx affin d'avoir pardon , et dict Pierquin que se le roj le voloit asseurer de sa vie , il se trouveroit vers luy, et luy déclareroit tout son faict , en luj faisant si bon service qu'il se conteoteroit ; et par ce moyen le roj les asseura , et ils se misrent volontairement hors de franchise , et le roy les receut à sa grâce et mercy.

Et ainsi ledit Pierquin, pour entretenance de sa promesse, déclara ouvertement au roy et à son conseil et autres grans princes et barons illecq assistans , et cognent son nom , disant qu'il estoit Pierre Wesebecque , natif de Tournay , fils de Jehan Wesebecque et de Nicaise ou Katerine de Faron ; et , pour , plus ample cognoissance , dénomma ses grans pères , oncles , cousins , voisins , parins ^ madnnes et maistre d'escoUe , ensemble les lieux et villes où il avoit conversé en sa primitive josnesse, comme Audenarde^ Anvers, Berghes, Middelbourg , Lisebonne, puis à Cocq au pays d'Irlande. Et pour ce qu'il estoit fort gentiment habillé , aulcunes gens lui dirent qu'il estoit fils du ducdeClarence , car il le ressembloit aulcunement;

8o CHQONTQUES ('49?)

à quoi il respondit et jura sur les saincts évangiles qu'il n'estoit ne son fils^ ne de son sang. Autres dirent qu'il estoit le fils bastard du roy Richard , de quoi il s'excusa moult fort ; finablement praticquèrent Jehan Water et autres disans , alfin de quereller contre le roy Henry, qu'il se fit nommer Bichart d'Yorcq , fils maisné du roy Ëdouart , si que par les traficques et pourchas de ses faulteurs, fut tenu pour tel à la court des roys et des princes qui maintenantpoeltentestreadvertisdu contraire* Néanmoings, en son oultrecuider , il fut grandt^ment honouré , et espousa la niepce du roy d'Escoce, laquelle se rendit es mains du roy Henry, tost après sa folle entreprinse.

N'est merveil se petits compaignons sont à la fois deceuz et patelinez de pipperie, quant les plus grans personnaiges du monde sont abusez et tra* ficquez par ung garchon de bas estât et condition.

En ce temps, termina ses jours par mort monseigneur le prince de Castille , espoux de madame Marguerite d'Austrice , laquelle demoura enchainte d'enfant qui guaires ne vesquit, et monseigneur l'archiduc fit notablement célébrer les obsecqueâ dudit prince en la ville de Bruxelles, environ la fin de janvier , an dessus die t.

("hl) VB JtÀ.» SiOLIHteT. 8l