CHAPITRE CCXCV

Le trespas du roy Charles de France, huictiesme de ce nom.

Le septiesme jour d'apvril, Tan mil quatre cens quatre-vingt-quatorze , trespassa de ce siècle , assez hastivemeiit y en sa ville d'Amboise , où il avoit esté nay , le roy Charles de France , huicUesme de ce nom 9 à vingt-quatre ans de son eage. Il avait régi triumphament Tespace de treize ans ; et jasoit qu'il fusist petit de structure et corpulence, si estoit-il prins au plus grand hardement que n'avoit esté nul roy francliois , depuis long-temps paravant, et fut advestu et doé de propriétés vertueuses^ car il estoit doux , gracieux , libéral , très vaillant aux armes ; prince très catholicque» et qui pugnissoit aigrement lès blasphémateurs du nom de Nostre-Seigneur. Il donna telle audace , force de gens et d'argent au conte Henry de Hichemont , qu'il descendit en Engleterre , vinsquit le roy Richard en bataille, et se fit coronner roy des Englez. Iceluy roy Charles concquesta, par armes, la ducé de Bretaigne, et espousa madame Aune, fille du duc Franchois, de laquelle il eut trois en fans qui trespassèrent fort josnes. Il rendit au roy d'Espaigne la conté et ville du Roussillon; il pacifia ses voisins du royalme de France, comme Bour-' guignons, Englez, Piccars et Flamens , et comme

('497) DE JEAW MOLIÎiET. 85

inspiré de grande proesse , se partit à grande et puisslante armée » laissa la rojne , monseigneur le daulphin et son rojalme en la garde du Créateur, passa les Alpes , fit inciser . et percher aucunes roches et montaignes^ pour mener ses engiens; et fit trembler de vaut sa face les orgueilleux Italiens ; et entra en la cité de Rome^ fit hommaige au pape, qui lui ordonna certain nombre de cardiualz ; il conquist le royalme de Secille, entra en la cité de Naples 9 où il fut coronné et obéy par aucun temps ; et à son retour fut aggressé et assaillj des Vénitiens , Milanois et Lombart, jusques au nombre de trente mille testes armées, fleur de gens d'armes^ fort accoustrez , et tous faicts à la guerre; et combien qu'il eusistfortà souffrir par iceulx^ et fust en grand dangier d'estre prins ou pérj , il retourna sain et saulf en son royalme , et délivra le duc d'Orléans qui estoit assiégé dedans la ville de Novarre; et puis fina ses jours, comme dict est, fort regrettez et plaind par toute France. Et fut honorablement porté à Sainct-Denis, et magnifîcquement tumulé , en tenant les cérémonies pertinentes à la royalle majesté ; et pour singulière chose , non veue, la réputation et figure d'iceluj roy estoit, par art subtil et pictures exqui$es, tant bien tiré après le vif, qu'il sembloit proprement estre résuscité, plein d'esprit et vie.