CHAPITRE CCCVl
POUR l'ait i5oo.
Le baptesme de Philippe de Croy i fib de monseigneur le prince de Gbimay, ensemble les entrées que fit monseigneur l'archiduc en aucunes de ses villes.
Madame Loyse , fille du grant seigneur d'Albrecht, sœur au roy de Navarre , et espouze de très hault et puissant Charles de Croy , prince de Ghimay , s'accoucha audit Chimay d'ung enfant masle , le mardy des festes de Pasques , environ dix heures du jour ; dont , pour célébrer la solempnité du baptesme , vint illecq monseigneur l'archiduc , acconipaigné des nobles de son hostel , où estoient plusieurs dames et damoiselles , fort mignonnes et en bon nombre. L'enfant fut porté à baptesme par
mademoiselle Marguerite deCroy, vestue d'uog habit bastu en or , et la couverture de l'enfant de mesme ; et fut-icelle dame à dextre de monseigneur Farchiduc, et senestre de monseigneur Henry de Berghes , évesque de Cambray , qui le baptisa ; et fut tenu sur fons par mondit seigneur l'archiduc , qui lui donna nom de Philippe ^ se lui donna deux quennes d'argent et six tasses/ Monseigneur de Cambray, qui le baptisa ; lui fit présent d'une couppe d'argent doré , et madame la grant douaigière de Bourgongne, espouze du duc Charles^ que Dieu absoilve, laquelle fut sa marine, lui oflPrit une couppe cristalline aornée de pierreries , eslevée de pied et demy de haulteur. Monseigneur le prince recoeillyt et festoya fort magnifi.cquement les parins et marines, seigneurs, dames et damoiselles , au chasteau de Chimay ; se desfraya eulx et leurs familiers , et tint court ouverte l'espace de trois jours.
De la ville de Chimay , se tira monseigneur l'archiduc vers le chasteau de Solre , où il fut festoyé de messire Baulduyn de Lannoy, seigneur de Molembais ; et le lendemain vint à Aymeries, où il fut reçeu par le seigneur du lieu ; et d'illecq amena au Quesnoy - le - Conte , madame Marguerite d'Austrice , sa sœur germaine , princesse et douaigière de Castille. Du Quesooy , vint mondit seigneur en Vallenchiennes , où il séjourna deux jours ; et peu de temps après fit son entrée en sa ville de Béthune , où les habitans d'icelle lui présentèrent
('^H DB JEAN MOLIAET. 129
deux flascons d'argent. Puis , le vingt-septiesme jour du mois de may, il fit son entrée en sa ville de Sainct-Omer, laquelle il désiroit grandement veoir , tant pour la recouvrance et réduction d'icelle , que pour la beauté des esglises , et -somptueulx ruaiges' et esdiffices des maisonnaiges estant illecq. En ladite entrée fut notablement accompaigné tant de ceulx de son bostel^. comme d'aulcuns chevaliers d'Arthois , desquels il récent les houimaiges ; et lui fut donné par ceulx de la ville, la fabricàture et imaige de Sainct-Omer^ fabriquée d'argent , ensemble le dent d'icelluj, fort richement enchâssé. D'illecq s'en alla à Cassel, cil lui fut présenté par ceulx de la chastellenie de cent livres de gros en argent. De Cassel vint à Berghes-Saincl-Winoc , où lui fut donné ung bachin et une aighière d'argent ; et ceulx de la chastellenie ungflascon de mesme. Puis il fut receu à Duncquerque^ où lui furent donnez douze gobelets d'argent dorez , pesant treize marcz.
Chroniques. T, jï'Zf//.— J. Molihet. V.
l3o CHRONIQ0ES (ooSi)
