CHAPITRE CCLXXIV
L*entrée de monseigneur l'archiduc en Louvain , où il fit le sermeni
comme duc de Brabant.
Lb roy des Romains , monseigneur Tarchiduc ^ Tarchevesque de Mayence , Frederick , duc de Saxen^ électeur, ensemble plusieurs notables personnages de Germanie , de Milan , de Flandres , de Liège, de Picardie et de Haynault, arrivèrent en la ville de Louvain^ laquelle diligenta fort de recepvoir monseigneur l'archiduc , comme duc de Brabant et seigneur naturel , en forme et manière que avoient faict les villes dessusdites; et advint que le dixiesme de septembre y à trois heures au jour, et partirent de Louvain le roy des Romains ensemble les princes de sa compagnie , et menè^ rent monseigneur Tarchiduc d'Austrice Philippe^ hors de la ville, en ung monastère de femmes, que aucuns nommoient le ban, et illecq trouva de • quatre à cinq cens hommes bannis de ladite ville , lesquels il ramena à son entrée. Et estoient venus au devant» à notable procession , les ordres men-
('494') DE JBAfI MOIilNGT. 11
dians , les collèges et suppos de l'université ; les seigneurs de la justice ^ maire et officiers, bourgeois et marchansy gens de mestiers et habitans, portans eu main torses de chire ; et quant il fut arrivé snr le marché , accompaignié du roy son père et autres personnaiges dessus nommez, il descendit de son cheval pour entrer en l'esglise Sainct- Pierre , environ six heures sur le soir; et illecq l'actendoient maistre Nicolas de Ruter, prévost de ladite esglise , et le doyen d'icelle. Et lorsqu'il fut descendu de son cheval , pour faire son entrée, ledit maistre Nicolas de Ruter, lequel, depuis, fut évesque d'Arras, print son cheval sellé, housse et bridé , comme faire debvoit et povoit , à cause de sa prévosté , en luy baillant de son surplis, le mena en l'esglise, devant l'autel Sainct- Pierre^ présent le roy et les dessusdits personnages, et mondit seigneur l'archiduc se mit à genoulx devant l'autel, sur ung quarreau de velours, lequel lui fut préparé. Puis ledit maistre Nicolas luy fit lire en latin et jurer d'entretenir les droicts, privilèges , statutz et libertez de l'esgli se , en telle manière que ses prédécesseurs, ducs deBrabant, avoient accoustumez de faire , et fit mectre uûg drap d'or sur ledit autel , comme il est d'usaige. Ces mystères accomplis, le seigneur de Marbes, * namurois, se jecta à genoulx devant sa face, luy bailla une espée, priant que luy plaisist donner l'ordre de chevalerie. Mondit seigneur l'archiduc print ladite espée , la présenta au roy son père ,
d lequel père luy rendit , s'en donna deux ou trois cops sur ledict seigneur de Marbaze. Semblablement fut faict chevalier de sa main ung gentilbomme nommé le baillj d'Abbeville*
Quant mondit seigneur l'archiduc eut faict son devoir en ladite esglise de Sainct- Pierre, maistre Jehan de Hante , chancelier de Braisant , le mena sur ung grant eschafFault, richement paré, estant contre la maison de la ville , où le roy , les princes d'AUemaigne et autres, lurent présens, comme l'archevesque de Majence, le duc Frederick de Saxen, le duc de Brunswich, allemant; le duc d'Iorck, d'Engleterre ; Charles d'Egmont, le duc Albert de Saxen , le duc Henry son fils , le prince d'Orange, le prince de Ciiimay, le marquis de Baden, le marquis de Rothelin, lé conte de Vendosme , le seigneur de R'avestain , le conte de Nassou , le grant Polhain , le conte de Sorme ^ le marissal de Juliers, le marissal de l'empire, les seigneurs du Fay, de Beures, de la Bastie, de Berselle, de Fiusmes, messire Hugues de Meleun, raessire Martin Polhain , messire Banduyn de Lannoy , chevalier de la Thoison-d'Or ; le seigneur de Myngoval, grant maistre d'hostel du roy ; messire Bauduyn, bastard de Bourgogne; le bastard de Sainct-Pol, le seigneur de Bredrodt, le seigneur de Culembourg , messire Qaude Vauldrey et autres ' de divers marches et provinces; devant lesquels ledit seigneur archiduc fit publiquement serment solempnel d'entretenir les privilèges de la ducé de
('494) DE JEAN MOLINET. l3
Brabant 9 lesquels bien au loing luy feurent leuz en langaige Thiois ; en la fin desquels^ pour resjoyr le peuple circonstant , trompettes et clarons firent ung merveilleux resveil. Dont pour nouvelleté et souvenance de cesle noble et très désirée réception , fut semé or et argent devant Thostel de la ville; et illecq monseigneur de Ravestain fit hommaige à mondit seigneur l'archiduc et relief de toutes les terres qu'il avait en Brabant. Et quant mondit seigneur l'archiduc fut retiré en son logis , il fit canchelier Claude de Carondelet , président de Bourgongne^ baillj d'Omont, et fils de messire Jehan de Carondelet , chancelier ^ seigneur de Solre.
Le dimence suivant , alors septième de septem-
bre , trespassa de ce siècle le seigneur de Berghes , vertueux chevalier , très élégant personnaige , homme bien entendu , fort plaind et regretté des estrangiers et marchans , lesquels se trouvoient à la foire de Berghes , et auxquels il montroit subside, libéralité et cortoisie. Il espousa, en son vivant, madame Blanche de Sainct-Simon , de la* quelle il eut notable lignée, dont Dieu et les princes furent grandement servis. Messire Jehan de Berghes , son fils , seigneur de Walhain , succéda à la seigneurie , combien que monseigneur Henry , évesque de Cambray , estoit son aisné fils.
l4 CHRONIQUES (>494)
OBvaopiMaiBBEBSBCBiBBii^BBSBBaeaaHHBBBsaBBaiBCanBvaea
