Lacune

(**68) de GKOKGKS CHAS TSiLLAIN.

lui en pooit dire. Car en christienté à celle heure , n 'avoit , ce croy-je , qui tant fust plein et dru de tous biens comme ly, par succession de son père.

Se contretint toutefois en excès de boubans à ceste feste, et ne monstra pas ses rices trésors ne avoirs , que son père autrefois avoit monstres à festes samblables; car approchoit le jour de ses nopces , là où le desploy et le tout monstrer avoit lieu trop plus licitement que icy , combien que ce qui s'en monstroit estoit si grant , que ailleurs à peine en nul royaulme on ne trouvast si bien ne mieulx. •

Longuement tindrent chapitre ces chevaliers de Tordre sur les colliers qui estoient à donner . et sur lesquels multitude de hauts et de vaillans chevaliers s'attendoient , et trop plus qu'il n'en besoignoit : car n'en y avoit que seipt vacans : et en trouvoh>on bien, par bon juste conte, une cinquantaine qui tous le valoient, et qui en estoient digues. Car à merveille y avoit alors de beaux personnages et de grans seigneurs et de bons chevaliers ; messire Philippe de Savoie, frère à la reine de France, estoit l'ungdes esleus, et lequel, par mal content du roy Loys de France , du mortel dangier en quel l'avoil tenu longuement en prison , s'estoit entièrement rendu et adjoint à ce duc Charles , pour vivre et morir aveucques ly , et pour estre de sa maison. Si en fist le duc grant feste, et s'en tenoit à bien paré ; car estoit chevalier de grant vertu et de grant fait , et le seul de la maison de

9 3 CHRONIQUE (i468)

Savoie , digne de réputation. Le seigneur de Montagu, et Toyson-d'Or aveucques ly, lui porta le collier , qui, haultement le recheut et à grant honneur. Pareillement en porta ledict seigneur de îMontagu, deux autres en Bourgoigne, à deux seigneurs, l'ung au seigneur de Couces, ung vaillant noble chevalier , et de grant maison , et un aultre à messire Jehan de Damas, seigneur de Clessy , ung bel jeune chevalier bien adressié et «le bonne parade ; mes n'y avoit pas tant de mérite jà acquis pour si haut avenir , comme il y pooit avoir d'espoir sur le temps futur de bonne chevalerie : car jeusne estoit et n'a voit gaires veu encorres. Mes son personnage le fist avancier, aveucques faveur que le duc y avoit mise, et que l'apparence y estoit grant en l'omme , aveucques bon sens. Encores en restoit deux autres à donner : mes encore on les tint secrets ; et ne scavoie à qui à l'eure de cestui escrire ; parquoi je n'en parle plus avant, de peur que je ne faille, et qu'il ne loistf convient) soy fonder sur opinion non attainte.