CHAPITRE CGC
Comment les esta» délibérèrent envoyer ambassade devers le duc Charles de Bour^o^ne pour le amollir.
Nient-moins pour fuir encore les dangiers de la guerre le plus longuement que Ton pourroit , et pour mettre appaisement en ceste très difficile question qui esloit entre ces deux frères pour ce partage, fust avisé en cestui parlement et conclu , que mesmes les Irois estas de ce royaulme, à leurs communs frès, envoieroient notable et pesante ambassade devers le duc de Bourgogne , comme principal porteur et conforteur de monseigneur Charles de France , et en qui plus pendoit le fort de ceste question ; et en leur nom lui seroit signifié le haull et notable devoir que le roy avoit signifié devant eulx par toutes manières de remonstrances et de sages paroles que ung roy peut faire pour le bien et salut de son royaulme, mettant devers ly également son tort s'il y pooit estre comme son droit, et soi accusant non estre sage assez, pour deflinir d'ung si hault affaire comme cestui estoit , ne
quelque bon droit qu'il y pooit avoir, sans s'en submectre en la consultacion du général corps de France ; lui seroit signifié aussi l'avis et le décret de toute L'intégrité de ce royaulme , qui là avoit esté déclairé et prononcié en la présence du roy ; et promis et juré de le maintenir et de le bouter oultre, en confortant le roy en cestui endroit, quand l'opportunité s'y trouveroit ; et que nullement le roy ne pouvoil décliner de sa roideur, en cestui refusé partage, ne eulx, ne pied de eulx y consentir ne y prester conseil, sans mesprendre envers honneur et droiture. Dont pourtant mieulx lui imprimer et l'aire sentir la pité de ce très agu et estroit affaire , et dont tout ce noble royaulme pendoil en péril d'ung grant mal, fust avisé de le faire approcier et persuader par toutes nobles remonstrances et avertences , comme premier per et doyen des pers de France , le plus puissant membre de la couronne , et aveucques^ richesses et puissance sans nombre. Si estoit-il en jeusneeage, jugié et congneu abonder en sens, et en vertu sur tousaultres princes ; par quoi l'espoir devoit estre en eux; et considéré aussi qu'il estoit du royal tronc, et que la couronne , par possible , pooit tourner sur lui, que par pité du royaulme et de la royale dignité , il lesseroit ung peu doucement couler ceste alliance prinse aveucques monseigneur Charles de ï^rance , et trouveroit voie et manière de l'amollir et l'aire estre content de raison et desouflisant partage, tel que
( 1 4G8) DE GEORGES Cil A STELLA IN. 1 07
tluit à ung fils et frère du roy ; et par cestui moyen -et le roy et son royaulme, et eulx tous poroient estre affrancis des dangiers de la guerre et des ruines et tribulacions qui , à cause d'elle , se poroient movoir et essourdre. Et furent eslus et députés pour ce faire , l'évesque de Langres , inessire Guillaume Cosinot , et au I très bons personnages, desquels et de leur relacion je ferai le conte de brief cy-après , quant ils seront arrivés à Bruges, et là où ils s'acquittèrent devant le duc
de ce qu'ils avoient en charge.
