CHAPITRE CCLXVI

Comment le duc entra dans Malines , et de la pugnicion qu'il j fit.

Partant donc de Brusselles, vint à Malines à très grand chevaucée de nobles hommes de Braibant, lesquels chevauchent volentiers lout armez d'aubergeons et font porter chapeaux de fer et arbalestres après eux , par quoi ils samblent estre prest à demi pour guerre , toujours allans de ville à autre. Si en estoit le duc tant plus fort et plus quoi , atout (avec) famille seulement de son hostel. Mes si n'y avoit-il noble homme en sa maison qui ne fust armé en couvert sous sa robbe, de peur des aventures ; et avoit encore trois cents combatlans de crue avecques ly du païs de Hainaut, couvertement armés aussi. Entrant donc ainsi en sa ville, y avoit maint cueur d'homme qui trenlbloit de peur par espand des mauvais qui avoient fait la heurée ; car doubtoient fort leur punicion devoir estre dure; et n'y pooient mettre résistance , car la force n'estoit «point en eux. Si se logea le duc en son hostel

ï4 CH MONIQUE (i46;)

apprimes ; et de celle heure en avant fit faire diligente enqueste des esmoveurs et susciteurs des maléfices perpétrés et des noms et des personnes et des actions et causes qui les esmovoient ; et furent le chancelier et tous ceux du grand conseil tant seulement empeschés en cestui affaire ; car le duc y voloit monstrer sa vertu et son jugement, et y aller 'par justice à pois et sans excès. Si fut la chose attainte, avecques ce que les notables de la ville et ceux meismes delà loy les accusoient, qui par avant la venue du prince n'eussent osé mot dire.

Comme doncques ils furent atttains et sceus qui et quels , furent tous appréhendez l'un après l'autre et mis en forte garde ; et après pleine information de leur cas , fut fait leur procès juridiquement, à chacun seloncqson démérite; dont les aulcuns furent condampnez à rechevoir mort , et aulcuns à estre bannis et expulz à toujours, et aultres aulcuns à amendes civiles et pecunièles, en restor et en réparation des domages à qui on les avoit faits. Si furent toutes ces sentences exécutées et mises à effect ; et fut ung hourd dressié en my le marcié , devant le duc , là où les condamnés dévoient morir sus ; et croy qu'il n'y en avoit que ung de tels; lequel, comme il eust les yeux bandés, et estoit mis à genoux à maim joinctes et l'espée tirée hors du fourreau , le duc qui avoit célé son corrage jusques alors , fit contretenir son cop au borreau, et lui escria, disant: «Cessé», qui

0467) DE GEORGES CH ASTELLAIN . l5

ainsi le fit et cessa, et alors ly dist : « Desbendez-ly les yeux et le lièvez ». Si le fit ainsi ; et le cuidant aidier à lever ne peult oncques, tant estoit l'autre mort et ignorant de soi-meismes.

Si estoit merveilles alors d'oyr les bénédictions que multitude de bouces don noient et clamoient au duc de sa miséricorde , fondamment plorans comme tous aultres. Si estoit ici la première singulière œuvre que le duc monstra après estre devenu duc ; et croy, et le tiens pour vray , que se Gantois se feussent bien portés envers ly à son entrée , il leur eust montré bonté encore plus grande et plus singulière , non pas en nature de remission , mes en excellence de largesse et de grâce , pour les gaignieret vaincre. Car à l'avenant que c'est trop plus grand ebose de Gand que de Malines, eust-il convenu faire et monstrer singulière gentillesse. Or firent-ils tout au rebours; dont tout au rebours aussi leur en est pris; et Font bien senti depuis, et en singulière roideur, comme ceux de Malines en douceur non espérée ; et me parceus de lors que le cœur lui estoit en bault singulier propos pour le temps à venir, et pour acquérir gloire et renommée en singulière œuvre.

l6 CHRONIQUE ('467)