CHAPITRE CCCXII

Comment le comte cTErminac , pour refus que lui fist le duc lui donner sa niepee, se retourna contre la maison de Bourgogne.

Le conte d'Erminac aussi, qui avoit esté de la ligue des aultres, et avoit esté à Conflans le plus de tous mal appointable, icely estoit jà tout retourné et changié de eorrage, par argu et par indignacion contre la maison de Bourgogne , pour cause que le duc Philippe, jà trespassé, lui avoit refusé sa niepee , damoiselle Jehenne de Bourbon, belle-seur au conte de Charolloisj et lequel, en pareil cas, en fist refus aussi , nonobstant toutefois que la ducesse de Bourbon , sa mère , et son frère le duc de Bourbon , le voloient et le désiroient. Et à ceste cause avoient envoyé notable ambassade devers le duc, et non moins devers la damoiselle , pour l'enhorter et informer de leur voulenté; laquelle oneques n'y voult condescendre pour se voer plustost à Dieu , en religion , toutte sa vie. Meismes le duc , son oncle , lui avoit dist qu'il la mettoit purement en son franc arbitre , de faire et de lessier , et d'obéir à père et à mère , et qu'en riens ne la voloit rompre ; mes fist d'elle ce qu'elle voulsist; mès de son gré ne par ses

bienfaits, elle ne l'aroit jamès ; mes par faire à son gré et par son conseil, et demorant par de chà, il pourverroit d'elle, si bien que pour suffire. Si en respondist la damoiseile si sagement , et bien au gré du duc et du conte , son beau-frère , qu'ils en eurent joie, et elle honneur; et les auitres furent tous confus. El en à part tentèrent la damoiseile, et lui dirent des dures parolles , auxquelles elle n'accoustoit gaires ; car elle se sentoit avoir bon garant ; et pour morir , ce disoit bien , ne le prendroit. C'est ici doucques la cause pourquoy le conte d'Iirmignac se monstra animé vers la maison de Bourgogne , laquelle il menaça depuis de mainte felle menace, reniant Dieu à bras tournés, qu'il venroit courre le pays de Picardie et de Haynaut , piller, rober, et bouter feu, prendre et tuer et mettre tout à sang, jusques aux portes de Flandres, en despil de tout homme. Mes en son dire n'avoit pas tant de péril ne si grand, fors comme à le mettre à effect. Aussi les menacics par de ça n'en firent gaires grand pois , si non de rire; et le menaceur savoit peu et mai cognoissoit ce dont il se vantoil. Toutefois , s'il eust pu mal faire, et que le trouble fust allé avant, ainsi qu'il se disposoit, il se fust monstré dur ennemy , et eust faict du mal ce qu'il eust peu , que Dieu toutes-fois ne souffrisl poinct pour celle heure , et si n'eust poinct la belle fille.

Ainsi doncques , comme j'ay dict par cy-devanl que tous les princes de France , par ceste année

l34 CHRONIQUE H 68 )

de soixante-buict, estaient tous entrepris et per- r> plex diversement en ceste discorde qui estoit entre

le roy et son frère pour la ducié de Normandie, et entre le roy et le duc Charles , pour cause des terres sur Somme , lesquelles il voloit rappeler , mesmement , et pour ce que le duc Charles adhéroit et confortoit son frère, monseigneur Charles , or estoit le bras de son orgueil , et de son fort , ce lui sambloit, en son conpère. Ainsi doncques le roy estant fort , et les deux autres parties fortes et fières , et que le moyen ne se pooit trouver de nul lez , pour y mestre accord , ne restoit , ce sambloit, fors que l'assamblement se fist de quelque maie aventure, là où toute la gloire de ce royaulme fust tombée en confusion par bataille , et dont le vainqueur, quiconcques eust esté cely, eust porté meismes la malédiction de sa bonne aventure.

N'est pas de merveilles doncques , se les nobles princes dessusdits , mesmement tous les aultres vaillans et preudommes de ce royaulme, voyans telle bruine sourdre et de telle griève importance, qui est commune, avoient les cuers estrains de peur et de soing , là où de tout le sens qui estoit en ce royaulme , ne se pooit trouver ne ouvrir voie par quoy la peur du mal à venir" en eust esté dehors, sinon par Dieu seul.

(t468) DE GEORGES CHASTELLAIN. i 35