CHAPITRE CCCXLV
Comment le duc Charles cuidoit tenir assiège' le conte deWarwycpar son armc'e sur la mer on par terre esparse on quartier de Normandie.
Mes avant que je plus avant procède en ceste déclaration, loist (convient) bien narrer ung peu et faire conte aussi de la disposition du temps d'allors et de son importance. Car estoit le duc Charles alors durement enaigri à Tencontre du roy , pour cause de Warwyc , lequel il soustenoit et en son despit, ce lui sambloit, machinans ensemble la ruine du roy Eduard et de ly. Et combien touttesfbisque le duc Charles par effect cecy veist et parceust bien, avoit merveilleusement le cuer fier, et
220 CHRONJQUB C « 4^9")
gros et petit, en soing et en peur de leur macbi-
nance; ains s'asseuroit et quasi prêsumoil pooir contrester à tous ses mesveillans, et mesmes pooir leur donner des affaires beaucop ; car avoit bien son armée vaucrant en la mer très puissamment, el par laquelle il entendoit tenir assiégié Warvyc en Normandie, sans en oser saillir ; et par terre avoit son armée preste et pratiquiée , la plus puissante qui oneques avoit esté veue en ces terres par deca jusqu'à ce jour, et laquelle, estimée en nombre de quatre ou cinq mille lances, sans les archiers, et desquels il estoit asseuré au jour de semonce ensemble , et des capitaines aveucques ses divers pays. Si se confioit fort en sa puissance par mer et par terre, et ne redoubtoit riens; moins encorre pour ce que le roy Edouard, son serourge ( beau-frère), estoit encore en règne et en throne , et non en apparence de décliner, comme il fît depuis. Et pourtant ce duc Charles ici, qui se confioit en sa haute fortune et en son pooir d'alors , non craignant nul vent de France , et là où on lui machinoit grief, ce savoit bien , fit tant moins d'estime et de réputation de l'ambassade du roy et de son rapport ; car ne maintenoit nulle teneur de vérité en icely , ains abus et menées de paroles vuides et sans fruit ; car lui imputoit pleinement faute et romplure en son serment solempnellement fait à Péronne entre ly et ly , sur les articles de leur traitié fait entre eux deux , et parquoi, après telle rompture el telle faute commise en un si grand
( 1 4^9) DK GEORGES CHASTELLÀÏN. 22 1
cas, pooit arguer justement, ce disoit, icely estre moins créable et recevable en ung moindre novel survenant affaire ; et pourtant, moitié par deffiance qu'il mettoit en ses paroles, et en partie par mal talent qu'il avoit conceu contre 1 y , par le port qu'il bailloit au conte de Warwjc , et en son contraire en tous endrois et en tous affaires qui touchoient le roy, se montra aigre et dur, et peu amiable, et révérend en ses paroles envers ly; car estoit devenu de toute aulre nature que franclioise, et tout à sa cause; et ainsi doncques eux deux, en ung royaume terribles et périlleuses pestes , et ensievans leur propre appétit plus que d'autrui , tindrent en ce temps cy les hommes de ça et de là en soing et en peur de meschief, et en attente de guerre et de mal avenir. Dont, et se cestui duc Charles ici peu amoit le roy son souverain, toutefois, tous Franchois en pareil héoient de mort, et le despitèrent , pour cause que si fort s'estoit déclairé Anglois encontre le salut du royaume.
