CHAPITRE CCCXLVII

Comment les nobles qui cstèreut entour du duc cstoicnt mal édifiez et contens desesbautaines paroles aux ambassades, par grand hauteur de corrage dont il ne se peut refraindre à l'heure.

Ce fut ici l'effect de la responce que le duc fit à Sain t-Omer aulx gensdu roy, et dont la fin ; comme vous oez, estoit dure et estrange à oyr , et non j>as bien prise des gens mesmes du duc, pour ce qu il y avoit de malvais agoust pour commander tacitement un roi de France à tous les cent mille diables. Et sambloit à ceulx qui dueii y prenoient , qu'il ly mesmes JI se fist grand blâme en ces paroles, considéré encore qu'il estoit subject du roy et honoré et paré des armes des fleurs de lys, la gloire et splendeur de son front et le plus cler desestiltres; et en ce, quant il se nommoit Portugalois, fut murmure aussi de ses propres gens, pour ce que tacitement contempnant le nom de France dont il estoit, ne se osa nommer Angles là où le cuer luy estoit ; mes se renom moit de la feue de sa mère , ancienne amie d'Angleterre et contraire à France. Ainsi doneques jà-soit-ce que le temps d'alors portoit ainsi , que cestui duc Charles s'estoit de tous points eslongnié de l'amour et affection envers France . fut complaint toutefois et durement mai pris entre ses propres gens, que tant publiquement

et si irrévérament , il se osa estordre en ses paroles. Car quoique le maistre seeust ne quel ne com fais eulx tous esloient en affection devers France, non pas vers Angleterre, fut faite murmure aussi entre les plus sages , et qui beaucoup veu avoient , de son hault élevé siège qui , par excès de hauteur, passoit mode et riègle. Si lui fut imputé à merveilleuse élation de cuer mal loable, et par espécial parce que c'estoit envers ung roy de France , son souverain et le plus grand de la terre , envers lequel il se voloit extoller maintenant , ce sambloit, sous tiltre d'ennemislé que le roy lui monstroit, en ce qu'il portoit et soustenoit Warwyc encontre ly . Parquoi , comme le roy lui monstroit le dent en soustenir sonennemy en contraire de leur appoinctement , avoit bien loy aussi, ce sambloit voloir, dire de monstrèrson orgueil envers le roy, pensant , en nature d'ennemisté, riens pooir mesprendre, aveuques ce que son pooir sentoit gros et fier, et par lequel il espéroit encores, aveuques Edouard, le roy Angles, tenir ledict roy encore en cremeur et soubz verge ; car ne cuidoit point ne ne créoit que ce deust avenir en Angleterre, qui depuis avint. Et parainsi, partie parchaleur de jeunesse et en son premier haut vol , que jà avoit exsécuté de haultes besognes, partie aussi par soy cognoistre redoubtablement fort et de chevance et d'ommes, et tôut tourné en ennemistéet en haiAe envers cely qui son ennemiportoit contre ly, n'y avoit ne orgueil, ne beuban,ne rude parole,

228 CHRONIQUE U40g)

ne fiers mots qui lui pooient sambler vicieux ne de reprise, parce qu'à son ennemi on se doit monstrer tel pour tel , et qu'en ermemisté n'a point de courtoisie, ja-soit-ce que je ne l'appreuve point ainsi ; mes en cuer ennemi et felle coustumièrment se trouve raison esteinte ; et là où raison faut, là est légier consentement à vice.