XCIV. 15 janyjer

Ordonnance d'Edward II sur la vente des vins de Gascogne à Londres.

Archives de la mairie de Londres ; reg. D, fol. 117 '•.

Ordinatio de venditione vinorum , tempore Richeri de Reschina majore, anno IV*.

Edward, jjar la grâce de Dieu, Roy d'Englcterre , seigneur d'Irlande et ducs d'Aquitayne, au maire et as viscontes de Londres , salutz.

Corne en amendement de la chierté de v.yn qe piecea ad este en la cite de Londres et ore est, pluys qe unqesmes ne soloit, al honour de nous et por le proGst de nostre poeple soit ordiné par nous et par nostre consail que nul , q'il qi soit, prive ne estrange, de nos customers

des vyns, n'autre butiller de grant seignur, n'autre, sauve nostre butiller, n'aille contre les vyns venantz devers la cite par terre ne par ewe, pur les affoerer, ne acbatier, jusques au* tannt q'il soient deschargez et herbergez en celer de la ville et qe nostre butiller riens n'achate for qe à nostre oeps, ne nul homme par luy. Et avant ceo q'il soyent berbergiez, soit chescon tonel, merche al un bout et al autre, du merke du gauge, issint qe l'achatour puisse apertement veer la defaute dutoneL Et après ceo qeles vyns seront herbergez, demoergent en pees par trois jours, issint q'il ne soyent mustrez ne mys a vente dedens les troys jours, s'il ne soit as grantz seignurs et as autres bones gentz, pur lur estor ou pur lur user. Et après les troys jours vendent as totes gentz qi achatier lesvodront et deveront solonc ceo qe anncienement soloyent faire. Et qe nul grossour de vyn ne soit taverner, ne nul taverner ne soit grossour, sur payne del vyn perdre. Et qe nul taverner ne mette son vyn a vente a détaille, a la q'il soit assaye par les assayours, à ceo eslutz et jurez, et qe les assayours eyent mys la foer, en la forme qe s'en suyt. C'est a savoir : qe le maire et les andermans feront eslire oyt ou duze prodeshommes et' loiaux, qi mielz se omissent en vyns et les feront jurer de bien et loialment assayer les vyns en totes les tavernes de Londres et en le suburbe de la franchise, et feront mercher les toneaux, chescun à sa value» du merche qe a ceo serra ordine, c'est à saver : du meillour vyn, le galon à cynk deners, e le meillour après a quatre deniers, et du remenant, le galon à trois deners, a cest anée, quant à la vente de vyn, e qe chescun vyn soit a son foer, saozmedlure. Et soit le tonel merche au bout devannt, issint qe le achatour puisse apertement veer le feor de vyn, e qe chescun achatur puisse veer son vyn trere, issint q'il ne soit deteir. E qe nul marcbannt, grossour des vyns, netiegne taverne par lui ne pas autre priveement ne apertement, sur forfaiture del vyn perdre, ne qe taverner ne soit grossour de vyn sur mesme la payne. Et que les remenantz de vyns q'en taverne demoerent baas sur la lye desvenduz , soyent mys en les vyns de plus baas pris. Et qe les degotailles de vyns soient oustiez issint q'il ne soient mis a nul boyvre qe doit entrer en corps de homme, sur payne d'enprisonement et de grève rannceon. Et à ces poyntz bien et loiaument tenir, soient les taverners et leur vadlez jurez ensemblement , ove autre grevouse payne qe homme y mettra. Nous voloms qantqe en nous est, et vous mandoms fermement enjoignantz qe mesmes les ordinances facez pupplier en la citée et le suburbe avantditz et fermement gardier en touz les pointz desusditz forspris tannt qe nous ne voloms mye , qe nule criée se face del feor vyn cest an , mes qe vous facez garder mesmes le feor en vente, solom le pris des vyns de cest anee. En temoygnance de queu chose nous avoms fait faire cestes nos lettres overtes. Tesmoygne : Johan de Gandale nostre tresorer, à Wesmonster, le quinzime jour de janvoier, l'an de nostre reigne quart