NOTA DE BELLO AQUATICO
Très cher fitz, nous pensoms bien que vous estes désirons assavoir bones noveHes de nous et cornent il nous est avenuz puys nostre aler d'Engleterre , si vous fesom savoir que le joedi après ceo que nous départîmes du port Dorewelt, nous sîglames tut le jour et la nuyt suannte, et le vendredi , entour hour de nonne, nous venismes sur la costere de Fflanndres, devant Glankebergh , ou nous avioms la vewe de la fflote de nos enemys qi estoyent tut amassez ensemble en port del Swyne, et pur ceo que la tyde n'estoit mie adonqes pour assembler a eux, nous y berbergeasmes tut cel noet Le samady , le jour de seint Johan , bien après boure de nonne, a la tyde, nous en nonn de Dieu et en espoire de nostre droite querele, entrâmes en dit port sur nos ditz ennemys qi avoyent assemble lours niefe en moult fort array et lesqieux fesoient mult noble defens tut cel jour et la noet après, mes Dieu par sa puissannee et un-
racle nous octroya la victorie de mesmes noz enemys , de qai nous mercioms si devoittement corne noas poems. Et si , vous fesoms savoir qe le nombre des gentz larmes et autres gentz armez amonnta à xxxv milles , de quele nombre par eswe, cink milles sont eschapees et la remanannt, ensi corne nous est done a entendre par ascuns gentz qi sont pris en rie , si gisent les corps mortz et tut pleyn de lieux sur la costere de Fflanndres. D'autre part totes nos niefs c'est assavoir : Gristofre et les autres qi estoient perdues a Middelbnrgh, sont ore regaignez et il y onnt gaignez en ceste navie trois ou quatre auxi granndes corne la Gristofre. Les Fflemengs estoient de bone volente davoir venuz a nous a la bataille du commencement tantqe a 4a fin. Issint, Dieu, nostre seignour, ad assez de grâce moustre de qei nous ettoutz noz amys sûmes tut ditz tenutz de lui rendre grâces et merciz. Nostre entent est a demorer en pees en le ewe tanntqe nous eoms pris certeyn point ove noz alliez et autres nos amys de Filandres, de ceo qe seit affaire. Très cher fitz , Dieu soit gardeyn de tous.
Done souz nostre secree seal, en nostre nief Cogg-Thomas, le mescredy en la veille seint Piere et seint Poul.
CXXXI1I. 57 jrijto 1340?
Lettre d'Edward III à Philippe de Valois .
Archives de la mairie de Londres; reg. F; fol. 39". Nouv, Rymer, t. II, p. 1131. Robert de Avesbury, p. 59.
CXXXTV. 27 jaaiet 1340.
Lettre de Philippe de Valois à Edward III.
Archives de la mairie de Londres; reg. F, fol. 39". Nouv. Rymer, t. II, p. 1131.
