CCXLI. 1er juillet
Endentube entre Edward III et son fils le roi de Castille sur les conditions auxquelles celui-ci s'engage à servir son père en Aquitaine.
Archives du duché de Lancastre; reg. du duc Jean, C. C. 12, fol. 12.
Ceste endentare faite par entre nostre seignour le Roy, d'une part et monseignour le roy de Castille et duc de Lancastre , d'autre part , tesmoigne que le dit roy de Castille est demoorrez devers nostre dit seignour le Roy pur ly servir en sa guerre, sur et pardelà la meer, par un an entier, ovesqes cynk centz hommes d'armes et cynk centz archiers, des queux hommes d'armes; serront le dit roy de Castille, cynk banreitz, cent chivalers, et trois centz quatrevintz et quatorze esquiers, deinz le nombre des queux gentz serront compris monseignour Hugue de Calvyley et ses gentz et prendra le dit roy de Castille, si bien pour ly meisme corne pur ses gentz d'armes et archiers avantditz gages de guerre accoustumez , et pur ly et les ditz gentz d'armes , regard accoustumez double, commenceant le dit an le jour que le dit roy de Castille et sa retenue avant dit serront primerement a la meer sur leur passage. Et serra paiez le dit roy de Castille du dit regarde pur ly et ses gentz d'armes avantditz ère bastement en main pur la moitié du dit an et a la venue du dit roy de Castille et de sa dite retenue a la meer, il sera paiez des ditz gages pur lui et meismes sa retenue avant la main» pur un quarter du dit an. Et des gages semblables pur lui et sa dite retenue pur le second quarter de meisme l'an, il avéra bon et sufficeant assignèrent. Et pur le second demy an de Fan avant dit, il serra prestement paiez et assignez en la manere qe dite est de semblables gages et regarde, pour ly et sa retenue avantdite. Et voet et grant nostre dit seignour le Roy, que si pees finale ou trievs pour un an entier se preignent par entre lui et son adverseiri de Ffrance et les roialmes d'une part et d'autre , par outre ceste proschein viage de guerre ordenez d'estre fait par nostre dit seignour le Roy et son poiar roial soit défait, delaiez ou destourbez, adonques en ce cas, le dit roy de Castille ne serra tenuz de faire restitution a nostre dit seignour le Roy, en tout ne en partie du regard quel le dit roy de Castille avéra receu devant la main, pur ly et ses gentz corne dit est ; mees si la guerre dure sanz peas ou trievs, ou si trievs se prignent par entre nostre dit seignour le Roy et son adversair susdit a durer meins que par un an, combien qe par celles trievs , le dit viage soit delaiez ou destourbez, delors serra le dit roy de Castille tenuz de servir ovesque sa dite retenue, a nostre dit seignour le Roy, a son commandement, en sa dite guerre , par attant de temps pur combien le dit roy de Castille avéra receu paiement de regard pur ly et ses gentz, corne avant est dit, ettoutdyssi bien en l'une cas corne en l'antre, de les deniers queux le dit roy de Castille avéra receu par paiement ou asaignement, corne dit est, pur gages de ly et sa dite retenue, luy seront allouez gages pur luy et meisme sa retenue, pur le temps qu'ils avérant demourréz, sibien a la meer sur leur passage, comme sur la meer ou pardela a cause de viage susdit. Et ne demandra le dit roy de Castille, pour ly ne pour nul de ses gentz, restor des chivals perdus en dit viage. Et avéra le dit roy de Castille suffiseante eskippeson pour passage et repasse de la
186 m* srtctE,
■Merde luy et de sa retenue avandtte et deleiirchèrabetharaeisesa^^astage^aosiredkaftH gnour le Roy en manere acustumee Et si pat cas le dit vfage se prigne ve» Aquitaine, nostsa dit seignour le Roy ferra au dit roy de Castille tien regard pour lui et sa dite retenue outre les gages et regard avantditz , qe le dit roy de Castille soy en devera fesonableinent agréer.
Et voet (e) grant nostre dit seignour le Roy, qe les chasteux , villes , seigneuries et terres quelles le dit roy de Castille pur le temps qu'il et sa dite retenue serrant ensi en le service nostre dit seignour le Roy» en dit viage, purra coaqnere sur les enemys Ifranceys, deii» le roialme de Ffrance, par manere comprise en l'estatue ont fait, il eit et tiegne solonc la bonne de meisme la statue.
Et s'il plest a nostre dit seignour le roy que en eide a l'exploit de sa dite guerre, le dit roy de Castille, s'en aille vers Espaigne, si demoure pour cel viage meisme le roy de Castille devers nostre dit seignour le Roy avantdit ovesque sys ccntz hommes d'armes et sys centz archiers
pour un demy an a commencer le jour q'il et meisme celle sa retenue serrant
primerement à la meer sur leur passage, des queux sys centz hommes d'armes serrant le dit roy de Castille, sys banereitz, cent et vint chïvalers et quatre centz sessante et treize esquiers,. denz le nombre de queux gentz serrant compris le dit monseignour Huguc et ses gentz, pri-? gnant le dit roy de Castille sibien pur Iy'meisines corne pur meisme ses sys ccntz hommes d'armes et sys centz archiers, gages de guerre accoutumez et pur ly et pur ses ditz hommes d'armes regard accustumez double, des queux regard et gages il serra paiez et assienez pur ly et meismes ses gentz et avéra sufficeante eskippeson pur passage de la meer de ly et de eux et de leur chivaux et harnois as coustages de nostre dit seignour le Roy, par la manere qe desus est expresse, pur le dit roy de Castille et les cynk centz hommes d'armes et cynk centz archiers susditz. En témoignant dequelles chose, a la partie de ceste endenture demourrant devers ledit roy de Castille nostre dit seignour le Roy ad fait mettre son prive seal.
Donne a Westmonstre, le primer jour de juyl , l'an du règne de nostre dît seignour le roy cTEngleterre xlvi et de Ffrance xxxni. .
