COMÉDIE DES INNOCENTS

DIEU, commence. Mon œil divin, qui voit l'in-

terieur,

Devant lequel nul corps exterieur Ne peult donner aucun empeschement, Regarde en bas jusqu’à l’inferieur, Bien qu'il soit hault comme superieur, Mais ma bonté l’abbaisse doucement :

Or a il veu ce que secretement Herodes veult faire de mon Enfant; Mais ma puissance en dispose autrement, Qui le Petit contre le Grand defend.

En moy n'y a nulle mutation, Rien de charnel, ne point de passion:

De tous les faitz de là bas je me joué, Celuy qui est mon Filz d'adoption Se confiant en mon election, Remply d'amour, incessamment me loué.

Mais l’infidele adorant terre et bouëé, Ne fait sinon penser à me destruire.

En me moquant d'eux, fais tourner ma roué, Et mon soleil sur bons et mauvais luire.

Je voy le cœur d’Herodes fort trembler, Et son conseil contre moy assembler; Car le retour des Roys il a bien sceu.

Il fait du Dieu, et me veult ressembler, Cuydant povoir oster ou, r’assembler La vie au corps; mais il en est deceu.

Les sages Roy ont bien mon Filz receu, Mais ce tyrant par grande cruauté

| Le mettre à mort dens son cœur a conceu, 30 Pour conserver sa vaine royauté.

Roys de là bas, escoutez promptement ;

Et vous aussi, qui soubs moy puissament Jugez la terre en vostre obeïssance:

Or apprenez mon saint enseignement

35 Et me servez craignant reveremment :

Resjouyssez voz cœurs par congnoissance, Et en tremblant voyans ma grand puissance, Baisez mon Filz, et luy faites hommage, Et vous aurez de m'embrasser licence;

40 Ou autrement ce vous sera dommage:

En le baisant pour Seigneur et pour Roy,

En l’adorant homme et Dieu par la Foy, Soubsmettant cœur et corps à son empire, Par lui pourrez du dur faix de la Loy

45 Estre tirez, et jointz avecques moy; Tant que chacun aura ce qu’il desire.

Mais ce cruel qui tous les jours empire, De cruauté, aura sa recompense.

Bien loing sera son effect de son dire,

E 50 Car moult remaint de ce que le fol pense.

4 Anges, allez à Joseph mon amy,