USTENCILLES ET BASTONS DE GUERRE
Une arbalaistre garnie de bendaige qui est rompu.
Ung halecrect-et une escrevisse.
Sept pièces de hoguynes.
Une secrète et deux bonnetz de maille,
Troys hallebardes.
Ung georgerin.
Ung espieu.
Deux escreviches: lesquelz ustencilles et bâtons de guerre contenus aud. inventaire faict par le commandement et l'auctorité dud. archevesque- de Rouen dernier decedé, oud. an quarante, ouquel inventaire, oultre que dessus, ont esté trouvez deux articles, l'un contenant une tappisserie de verdure non bordée faicte à bergerie et à bestes , contenant six pièces aux armaries de feu monsieur le légat d'Amboise, servantes en la chambre du portail du meillieu vers le jardin.
L'aultre article contenant une autre tappisserye sur champ rouge faicte à personnaiges , contenant sept pièces pareillement aux armaries dud. detïunct sieur légat d'Amboise, servantes à la première chambre dud. portail.
Lesquelles deux tappisseryes contenues esd. articles , qui sont en nombre de traize pièces, led. Guère, cappitaine, a dict avoir envoyé à Paris, suyvant certaines missives qu'il nous a exhibez et monstrez à luy escriptes par ledict deffunct cardinal d'Amboise, archevesque de Rouen, dernier decedé, de Paris , le vingt cinquiesme jour d'octobre m v° xlviii , et recepicé d'un nommé Guillaume Chambre , serviteur dud. sieur cardinal deffunct , du vingt-huictieme jour dud. moys d'octobre aud. an v" quarante huit, dont nous, conseiller commissaire , avons ordonné estre faicte mention en ce présent inventaire, en la présence dud. Guère, capitaine, et dud. maistre Jehan Bignes.
Après lesquelz biens meubles cy dessus speciffiez et deciairez par le menu, par nous inventairiez ainsi que contenu y est, et sans avoir rien desplacé, suy vant la teneur de nostre commission; en la présence de nostre adjoint, presens aussi led. maistre Jehan Bignes et led. Bernardin Guère, parcy devant cappitaine dud. lieu place et chasteau de Gaillon , pour autant que nous n'avons peu recouvrer maistre Michel , qui nommé nous avoit
esté pour avoir la garde desd. meubles, d'autant qu'il y en a aud. chasteau de Gaillon , par m^ Michel Lebort, chanoine en l'église cathedral dud. Rouen , par nous commys et estably au régime et gouvernement du revenu temporel dud. archevesque, selon qu'il est amplement contenu en nostre procezverbal sur ce faict, y recours avons par manière de provision et jusques à ce que par le Roy ou nous autrement en ait esté ordonné, commys et establi maistre Jehan Guère, parcy devant et du vivant du feu sieur cardinal d'Amboise, archevesque de Rouen, lieutenant et seneschal dudit lieu de Gaillon, et ledict Bernardin Guère, pour led. temps capitaine dud. chasteau, pere et filz , et de faict à eulx présentement baillé la garde de tous et chacuns desd. biens cy devant contenus, speciffiez et désignez particullierement et par le menu , ausquelz m*" Jehan et Bernardin dictz Guère pere et fdz avons enjoinct et commandé se contenir erf lad. garde et commission ainsi qu'il appartient, leur deffendant ne permettre aucuns desd. biens meubles estre distraictz ne allienez , et à la charge d'en respondre en leurs propres et privez noms, quant, à qui et ainsi qu'il appartiendra : ce que lesd. m^ Jehan et Bernardin Guère ont accepté et promys faire et à ce sont submys par devant nous, présent nostre adjoinct, en la présence aussy et consentant led. m* Jehan Bignes, ou non qu'il précède.
