C, fisent par droite fine forche rentrer

grant hustin à prendre lepont. Là s'aidierent - bien Gossuins li Moines, Arnous d'Armentieres et Gautiers d'Allues : onkes ne s'arriesterent, si vinrent devant le porte, et là lor coururent sus. Gautiers abatit un Lombart devant le porte3, et conquist le cheval; et Ernous d'Armentieres prist le Lombart sans nulle autre deffense, et le fist garder comme prison.

656. Anuis seroit de raconter combien cascuns i gaaigna ; mais tant vous di-jou por voir ke cascuns s'i monstra comme preudom1, ne onkes mais si poi de gent ne se continrent si bien et si biel. Dont lor vinrent doi batailles de nostre gent ki les secoururent; et s'il un poi se fussent plus hasté de venir au pont, bien evussent retenue le plus grant partie de lor gent ; mais il ne savoient mie ke nostre gent se fussent as Lombars mellé. A tant vint Cuenes au pont, et trova ke nostre gent s'estoient tant combatu as Lombars ke il lor avoient fait guerpir le plache.

65j. Et puis ke Cuenes eut passé le pont, Lombart s'enfuirent en leur fortereche, et lor laissierent tentes et pavellons, et quankes il avoient de harnois'. Dont primes vinrent les novieles à l'empereour ke li pons estoit pris, et il en ot si grant joie ke à paines le pot-il croire. « Sire, dist Pieres de Douay, hastés vous de tost ensivir vos deus bail tailles, car en nulle manière je ne vaurroie que nostre gent fussent » descreu par Lombars. »

658. Après le bataille Cuenon de Biethune, passa Ansiaus de Kaeu ; et lorske Lombart les perchurent, li plus isniaus cuida estre li plus lens à rentrer1 ou castiel. Or ne leur prent il mais nulle volentés d'assambler as nostres. Et nostre empereres, ki molt ert joians2, vint au pont. Ki gaaigner veut illuec faire le puet, si comme muls et mules, palefrois et chevaus, reubes et covretoirs, or et argent et autres avoirs. Ke vaut che? Bien furent Lombart adamagié à celui point, par lor folie3, de mil et cinq cens mars de fin