LETTRE CI
Peiresc au P. Agathange de Morlaix
4 AOUST 1636 (Ibidem, folio 424).
M' mon R. P., suyvant vostre désir j'escrivis et fis escrire au R. P. Thomas Graniat (sic) y gardien des Recollets de Marseille, pour vous faire bailler les 3 volumes de son Origanus^ ou du moins le 3^, si M. Cassaigne vous remetloit les deux premiers. Il a respondu au gardien de ceste ville ce que vous verrez en la lettre cy joincte ; de sorte que, si n'estiez desja en la pleine disposition desdicts livres, vous le pouvez aller voir, et luy monstrer sa propre lettre, et luy dire que ses livres sont entre vos mains [sic], car je me suis chargé de les luy remplacer, et vous deschargera envers celluy de la main de quy vous les avez receuz. J'ay eu lettre du Cayre du 29 may, portant que le R. P. Agathange de Vendosme estoit party pour Sainct Ânthoine, et pour y faire du sesjour, ayant laissé en sa place le R. P. Cassien de Nantes, Sur quoy, me trouvant pressé, je finiray, demeurant, Monsieur, vostre. De Peiresc
A Âix, ce 4 aoust 1636.
LETTRE Cil
Peiresc au P. Agathange de Morlaix
6 AOUST 1636 (Ibidem, folio 424).
M' mon R. P., je receus hier vostre lettre du 3, où je fus bien ayse d'apprendre le retardement de vostre des-
part, puis que la négociation çles livres d'Origan n^avoit pas encore esté finie à vostre contentement. Vous aurez, depuis, veu la lettre du R. P. Gardien des Recollets, bien différente de ce que vous me mandiez^ et l'aurez bien mis en bredouilles si luy avez portée. Car^ puisque vous estes saisy de ces trois volumes, il ne peult pas se desdire de les vous laisser emporter, sauf d'avoir par aprez tout à loysir le consentement ou licence de son provincial. Que si vous jugez que ce soit un prétexte pour s'en desdire, il faxit les laisser là, et ne pas faire de difficulté de recourir encore à M' Cassagne, qui est plus honneste qu'il ne dict et qu'il ne veult paroistre,et j'ay trouvé de quoy rindemniser, par un autre exemplaire mieux rellié que les siens ; mais je n'en ay, pour encores, que le dernier volume, dont il se sert le plus, et me charge de luy faire avoir les 2 premiers dans la sepmaine prochaine^ de sorte qu'il ne sçauroit plus se desdire de vous bailler tous les siens. Au reste, j'ay esté bien estonné que ces autres bons PP. missionnaires qui sont passez par icy, ne m'ayent esté addressez, tandis qu'ils y estoient et qu'ils y eussent trouvé encore M. Gassend, qui partit hier d'icy, rappelé à son église de Digne, à mon grand regret, puis qu'ils ont prins la peine de m'aller chercher, comme vous dictes, à Boisgency. Ils pourront bien revenir de Marseille icy comme vous, s'il leurplaist, et comme je les en supplie et vous prie de les en supplier de ma part, espérant que nous leur ferons voir Venus toute corniie beaucoup mieux que nous ne la peusmes faire paroistre à vous. Enfin, au regret d'estre à charge à leur convent de ceste ville, ils pourront venir tout droict chez nous et y demeurer tant qu'il leur plaira, tandis que je ne pense pas que leur embarquement soit si prest pour Alep. Je receus hier la lettre du R. P. Chrysostome du Puy, vostre gardien de Marseille , et fis tenir à Bordeaux par le courrier de hier au soir celle qui
y estoh "addressée par le R. P. Grégoire d*Avîgnon. Je vous prie de l'en adverlir , ne pouvant luy escripre dans la presse où je suis, et de Tasseurer de mon humble service, ensemble le bon Frère Pierre de Morlaix vostre collègue. Demeurant, Monsieur mon R. P., vostre, etc.
De Peiresg.
A Aix, ce 6 aoust 1636.
LETTRE cm
Peiresc au P. Agathange de Vendôme
8 AOUT 1636 (Ibidem., folio 424, yerso.)
Monsieur mon R. P., j'ay receu par le navire flamand abordé à Ligourne, et par les addresses du S*" de Beaulieu venu dessus iceluy, une lettre du S' Magy du 19 et 29 may portant advis que les Epistres de S. Pol estoient embarquées sur le mesme navire, dont j'ay esté infiniment ayse, et encores plus d'apprendre que vous estiez parly du 18 pour S. Ânthoine avec pouvoir d'y sesjourner. Ne doublant nullement que ce sesjour ne vous y soit de très grand fruict et à l'Eglise de Dieu , et espérant aussy par vos charitables offices quelque bon livre de ces déserts, dont le public se prévaudra quelque jour, et dont je vous seray humblement redevable. Ledict S' Magy me mande que vous m'aviez escript, et que le R. P. Cassien me vouloit aussy escripre par la mesme voye ; mais je n'ay pas receu vos lettres, qui seront demeurées ez mains de ceulx auxquels vous en aurez faict l'adresse, à autres (sic) que vos RR. PP. de Marseille, auxquels je les ay faict demander en vain, car ils ne les ont pas receus. Je les ay aussy faict demander aux S" Bremonds; mais je n'en ay pas encore la responce, et, le navire de Chailon voulant faire voille, par qui je vous avoys jà escript, je n'ay pas vou-
leu différer de vous faire ce petit appendice, et vous y
réitérer les assurances de mon très humble service en
tout ce que je pourray, vous estant tout desvoué, comme
le vous dira plus particulièrement le R. P. Agathange de
Morlaix, qui s'est chargé de mes précédentes, et à qui
j'addresse la présente, estant de tout mon cœur, Monsieur
mon R. P., vostre, etc.
De Pbiresg.
A Aix, ce 8 aoust 1636.
