LETTRE L

Peiresc au P. Épiphane d'Orléans

20 MARS 1635 (Ibidem.)

M. MON R. p., J'avois bien eu quelque vent de Texislence et perfection de voz ouvrages, et de l'admiration qu'ilz laissoient à tous ceux qui estoient capables d'en juger ; mais je n'avois pas encore sceu l'existence et perfection de vostre honnesteté jusques à un tel point que vous affectionniez si tendrement, non seullement voz anciens amis, mais les leurs et les moindres de leurs serviteurs : ne pouvant assez admirer vostre desbonnaireté en mon endroict, sans avoir jamais pu mériter d'estre seulement cogneu devons, pour la seule quallité que je porte, bien qu'indignement, de fidelle serviteur de vostre bon P. Gilles de Loches, qui me faict trop d'honneur de m'advouer pour tel, veu que je l'ay si mal mérité, et que je ne luy en ay sceu rendre aulcunes preuves, que par de simples vœux. Mais, puisque son mérite est si surabondant, et que c'est de cest {sic) costé que vous luy ressemblez si fort, aussi bien que de celuy de la courtoisie, je me promets que vous ne ferés pas de difficulté de recevoir, en supplément de mes deffectuositez, ce qu'il y a en luy et en vostre personne de plus recommandable qu'en la plus part des aultres hommes du siècle, à cette fin de me permettre que je l'employé à ma descharge, et que je vous oblige de l'imputer à ce qui me manque : ne doubtant pas que la moin-

dre parcelle de tant de suprerogation ne soit capable de couvrir mes plus grands manquements. C'est de quoy je vous supplie et conjure le plus humblement que je puis, et d'excuser la mesme suitte la trop grande liberté avec quoy j'ose, sans le tirer pourtant à conséquence, accepter, comme je faicts, les offres qu'il nous a pieu me faire faire de vostre cordiale affection , et qui plus est de quelque petite pièce ou eschantillon de vostre ouvrage, que je souhaiteroys bien pouvoir estre des appartenances de saint François et de vostre ordre sacré, plus tost que d'aultre chose, que ce ne devroit estre que le visage dans vostre habit de Cappucin, accompagné seulement de la poictrine ou des bras , selon vostre commodité, que je vous supplie de prendre, et de ne vous point divertir en façon du monde de voz plus ordinaires divertissements. Car il n'y a rien qui presse ; mais n'oubliez pas de me commander en tout ce que me jugerés propre à vostre service et à vos louables curiosités, comme celuy qui sera à jamais, M. mon R. P., vostre, etc.

De Peiresc.

 Aiz, ce 20 mars 1635.