LETTRE LXXII

P. Gilles de Loches à Peiresc

(Bibl. Nationale, F. F. Colleetion Peirese, tome 5, f^2S6.)

Monsieur, par nostre dernier ordinaire de Paris à Thoulouse, qui passa icy le disiesme du courant, j'eus l'honneur de recepvoir quatre letres de vostre part, du 10, 12, 23 et 24 juillet. Dans le pli estoit celle qu'à vostre instance il a pieu à Monseigneur l'Eminentissime cardinal Barberin me faire escripre, si plaine et si remplie de témoignages de bienveillance, que j'en suis tout confus. Jq vous en ay et en auray d'éternelles obligations ; mais je vous prie ne les accroistre plus, car elles sont arrivées à une telle période, que, si vous continués, elles seroient capables de me causer un excessif ennuy, me voyant privé de l'honneur d'y pouvoir correspondre , mesme de les pouvoir recognoistre par quelque petit service, pour lequel executler, si l'occasion se presenloit, j'employrois jusques à ma propre vie s'il estoit nécessaire, ce que je doibs mis à ma part, puisque Dieu ne me donne les moyens de mettre à chef mes bonnes vollontés.

Je respondrai de point en point et par ordre à vos letres.

A la^preihière , du 10 juillet : je vous asseure avoir veu moy mesme, dans la forest de Pruilly , à Fendroict que j'ay spécifié par mes précédentes, du bois ouvragé , rabolté , faict à fouillages et molleures, pétrifié : ce qui m'a faict croire qu'aultrefois il y eust un bastiment en tel lieu , et que les mines de bois se fussent pétrifiées. J'en apportay plus de trois livres pesant , que je donnay à plusieurs ; mais il y a desjà 13 ans , si bien qu'il ne me souvient à qui. J'ay un frère quia sa maison à trois lieues delà, que j'eusse prié s'y transporter, sinon qu'il est allé à l'arrière-ban. Si Dieu nous le ramené, je luy donneray la commission d'en faire les recherches. Si j'estois à moy^ j'y ferois un voyage pour vostre satisfaction, et, si mon frère tarde, j'y employray un aullre.

Vous dictes , en vostre seconde du 12 du mesme moys de juillet, que les pierres que je vous ay envoyées, qu'on m'a dict estre lapides lyncei^ sont poissons nommés daC'* tyles. Nos appoticaires de ce pays m'ont encores asseuré que ce sont en efiPaict lapides lyncei. J'en ay encores, lesquelles, par dedans, sont toutes de terre non pétrifiée : ce qui me faict croire que ce ne peut estre un poisson. Dans peu, je vous en enverray , avec une aultre pierre quasi en forme de figue, que je rencontray il y a huict jours dans un chemin, estant à la campagne , mais non si bien formée que celles qu'aultrefois j'ay veues à Loches, dans un chemin r.ond, au millieu de deux vignes, dans lequel il y a bien trente ans que je n'ay pas esté. Mais il me souvient que, par le dessus, elles ont une cotte comme celles des .figues, et par le dedans sont luysantes ainsy que des caiN loux solides, et non renfermées comme les amandes sucrées ou les pierres d'aigle, qui portent un noyau en dedans. Ce ne peuvent pas estre figues pétrifiées, n'y ayant ni fueilles ni branches, et les pépins qui sont au dedans , avec les veines et filamentz , ne sont pas de relief en fiorte qu'ilz puissent estre séparés ; mais ^ la figue rom-

pue^ elles se voyent dedans comme taches indélébiles, de la forme des pépins etfiletz qui naissent dans les figues. Si l'occasion se présente de faire quelque voyage en ce lieu là, je ne manqueray d'en faire plus diligente perquisition. Pour ce qui concerne les pierres rectangulaires et burinées, desquelles on m'a parlé à Bourbon^ il ne me fut possible d'en avoir. Si j'en eusse esté adverly quand je passay à Sainct Amand, je m'y fusse transporté ; car ce n'est qu'à trois lieues de là , à un chasteau nommé Eve. L'apoticairo qui m'en avoit promis n'a pu tenir sa promesse, non faulte de bonne volonté, mais pour s'estre fié en personnes lesquelles n'ont eu soing de luy en envoyer. J'escripray demain à Sainct Amand, à Monsieur Le Sarazin, ingénieur de Monsieur le Prince, pour m'en faire trouver. Je luy feray sçavoirque c'est pour vous, puisqu'il vous plait me commander de luy faire estât de vostre amitié. Il est fort ami du Révérend Père Mercene ; il est homme de bien et pieux. Despuis huict jours, je luy ay envoyé les dessaingz de quelques machines qu'il a désirées de moy , qui sont soufflelz à eaue , laquelle seule engendre le vent, sans aultre attirail , et est capable de fondre le fer aux forges, et parce moyen on peut faire mille beaux artifices. J'ay apporté l'invention d'Italie , bien qu'avant d'en avoir veu la pratique , j'en avois veu la théorie. Puisque nous sommes sur les machines, je vous envoyé une lettre qu'il n'est besoing de me renvoyer, par laquelle vous verres un nouvel artifice fort utile.

M. de Bourdaloue ne demeure qu'à sept lieues d'icy. Je luy escripray exprès pour le saluer de votre part. Le R. P. Epiphane parachevé vostre sainct François, pour vous estre envoyé avec ceste letre ce jourd'huy.' Je croy aussy qu'il vous escripra et fera offre de pièces qui vous pourront agréer davantage à l'advenir ; mais, despuis la letre par laquelle vous luy avés ordonné , il a eu mille

empeschementz, aussy bien que moy. Je n'ay point cogneu ce maronitte, nommé Sergio Gamerio, qui a demeuré dix ans à Rome. Il y a neuf ans que j'etois en Alep, quand un jeune maronitte, filz de la belle mère du sieur Gabriel Sionite , s'embarqua pour venir à Paris trouver ledict sieur, qui l'envoya estudier à Orléans ; et despuis il est retourné au Mont Liban, en intention de revenir en France. J'ay cogneu le sieur Isaac SciadreusCy. evesque de Tripoli , homme assés letré ; mais tous tant qu'ils sont de maronittes ne sont gueres versés en livres escriplz par les Turcz, et en ay veu qui interpretoient tout à rebourz telz livres, quoy qu'ils fussent en arabe , le style et escripture n'estant pas guère conformes des uns avec les aultres pour la plus part du temps. Je voudrois avoir assez de capacité pour la translation de vostre beau livre de musique ; mais, oultremon insuffisance, c'est qu'il m'est tellement impossible à rien vacquer de cela pour ceste heure, que ma bonne volonté vous prometteroit tout, et mon peu de loysir me feroit trouver menteur. Et vous puis asseurer que, despuis que je suis sorti du Caire, qui fut il y a trois ans, je n'ay peu prendre le temps de mettre rien au net, quelque bonne envie que j'aye eue de ce faire. Peut eslre qu'à aultre temps, Dieu nous en donnera les moyens et la commodité.

Quant à ce qui touche la troisiesme de vos lelres, j'ay veu la copie de la letre que Son Eminence vous escript, et suis bien aise qu'elle n'aye trouvé mauvais, ains aye loué le moyen duquel je me suisadvisé de luy faire tomber en mains les livres manuscriplz arabiques et les miniatures. Avec le temps, luy et vous serés servis de bien plus excellentes. Quant à l'imprimerie d'Ethiopie, je ne croy pas que jamais les Pères Jesuittesyen ayent parlé ; les Espagnolz ne sont pas trop inventifz en semblables occurences, et, de l'avoir transportée par tant de desertz^

îl est fort malaisé. Je me contenteray, si j'y vas, d'y porter quelques outilz, et de faire là moy mesme , à l'aide de mes compagnons, ce qui sera nécessaire à cet effaict. Je vous suis extrement redevable de la faveur qu'il vous a pieu me faire d'avoir escript à Monseigneur le cardinal Barberin en mon nom, ma letre s'eslant esgarée ; dequoy je loue Dieu à mon possible, et puis m'escrier et dire : <( Félix culpa, quae talem meruit habere reparatorem (1).» Car Pelegance devostre stile, en italien, a suppléé Tineptie du mien , ne m'estant jamais exercé d'escripre en ceste langue. Et mesme , lorsque j'escripvis celle à Son Eminence, je futz si précipité, qu'à peine sçavois je ce que j'escripvois, bien que ce fust à personne de telle considération ; mais j'aimois mieux manquer au bien dire qu'en l'accomplissement du désir qu'il avoit. Je seray fort aise si, par vostre entremise, nous pouvons avoir un bref pour l'Ethiopie, tant pour moy que pour ceux que je voudrois choisir en telles provinces que ce puisse estre, bien que maintenant les affaires d'Ethiopie soient fort embarrassées, ainsy que vous sçavés, et le comprendrés de rechef par une copie de letre que je vous envoyé, sur l'original que j'ay receu du Caire, dont voyci la teneun : « Despuis la mort de Sozennios , qui fut il y a deux ans, les affaires d'Ethiopie ont esté en pauvre estât ; car, comme vous sçavés, son filz, successeur de l'empire, s'est déclaré cophte, à la suscitation de sa mère. Et, non contant de cela , il a faict prendre un sien oncle paternel, nommé Raz Zela Christos, qui estoit la colonne des catholicques, et l'a fait mettre en prison, où il luy veult faire finir ses jours. Plusieurs des grands du pays , qui estoient demeurés hereticques , et s'en estoient fuis pour crainte du défunt, sont revenus en cour, et ont procuré qu'on chassast les Portugais et tous les R. P. Jesuittes. Le Roy donna charge à

(1) C'est la phrase si souvent citée de saint Augustin, et introduite par la liturgie dans le Praeconkim pësoale.

un gouverneur de les conduire jusques à leur vaisseau sans leur faire aucun mal, avec permission d'emporter ce qu'ilz ont voullu de leur bagage. En ce mesme temps là , un chrestien cophte , de la ville de Giergé , arriva en Ethiopie et se dict archevesque, envoyé du patriarche d'Alexandrie pour gouverner les Abyssins, comme onfaisoit jadis, et a esté receu tel, quoy qu'il n'eust point de letres, qu'il fit entendre luy avoir esté ostées par les Arabes qui l'avoient despouillé. Il a interdit tous les prèstrès qui avoient esté consacrés par les Francs, les a tous chassés des églises, et en a establi d'aultres, combien que luy mesme ne fust seullement clerc. Car il s'est trouvé là un aultre cophte, qui, voyant ses manières de faire, tant es messes qu'es ordinations dos prostrés, toutes différentes de ce qui se faict en Egypte, l'a jugé imposteur, et Ta dist à quelqu'un. Tellement que lebruict en est veneu auxaureilles du Roy, qui envoya icy, au patriarche , un ambassadeur pour soavoir la vérité de cet affaire , et pour demander un aultre archevesque, au casquecesluy là ne le fust. . . Le Roy escripvit aussy au pacha de Suaquin, pour le prier de luy faire avoir promptement cet archevesque. Le pacha escripvit au sangiat de Giergé, en la terre duquel estoit le patriarche, et le sangiat, aussy tost, força ledict patriarche a faire archevesque un vieil prestre cophte fort ignorant. Mais Dieu, en disposa aultrement, et ne fut pas envoyé en Ethiopie; mais ce fut un religieux, supérieur du monastère de Sainct Anthoine au désert ^ homme de bon jugement. Il partit environ le 15 d'octobre l'an passé ; il desiroit fort des livres de la Bible pour porter avec soy. — Le religieux abyssin nommé Beciera n'est plus icy; il est retourné en Ethiopie. C'est pourquoynous ne vous le pouvons envoyer ; mais , prévenant vostre demande, nous vous avons addressé un prestre éthiopien nommé Tenel Imanoé , et luy avons donné une letre «pour vous aller trouver. Il alloit à Romme , et, selon

t[Ue les affaires lui permettront , il vous ira voir , ou bien il retournera droict en Ethiopie, et repassera par icy. Il est homme de bien et fort bon catholique, et entend bien Tarabe. Depuis vostre despart de ceste ville, est veneu en ce pays un luthérien, allemand de nation, lequel, ayant appris avec assés de facilité la langue arabique, a tasché de semer son erreur ; mais ses dessaingz aianfz esté rompus^ il a passé en Ethiopie pour voir de pervertir de plus en plus ce pauvre peuple, et empescher que les catholiques n^y puissent retourner. Aujourd'huy sont venues letres des trois Pères Jésuites détenus prisonniers à Suaquin ; ils prient le consul de France de s'employer pour leur délivrance. Ils disent qu'ils estoient vingt, dont 17 se sont rembarques pour retourner aux Indes. On a priz tout ce qu'ilz avoient , qui pouvoit valloir huict à neuf mille piastres, et on a faict esclaves tous leurs serviteurs, qui estoient près de quarante, partie libres, partie esclaves. On les a encores obligés de payer trois mille piastres pour leur cafare, et d'autant qu'ils n'avoient plus rien, on a pris ceste somme de marchands indiens qui sont là, avec obligation aux Pères de la faire restituer, en gage de quoy on les a deteneus tous trois. vAu Caire, ce 9 mars 1635. » Et en la suscription :

« Au R. P. Gilles de Loches, prédicateur capucin^ à Orléans. »

D'icy est aisé à voir le pitoyable estai de cet empire, quant au faict de la religion catholique , et comme il faudroit y pourvoir par remèdes efficaces. Si le bref dont vous nous parlés estoit expédié pour faire le voyage, il seroit besoing de traiter l'affaire pour empescher ce luthérien de faire ses progrés. Mais, pour ce qui concerne ce bref, pour que les supérieurs me dispensent de tout , c'est ce qu'il ne fault pas faire , s'il vous plaict : cela ne

seroît bien trouvé de personne d'eux, et croîroient que je les voudrois faire violenter dans l'exercice de leur charge. Je vous ay autant d'obligation que s'il estoil faict. Touchant l'imprimerie de Rommo, je m'y porterois assés volontiers, et croy avoir assez de praticque pour cela, m'estant estudié à faire poinçons, letres , figures en taille doulce, et recherché beaucoup de gentillesses que beaucoup d'aultres n'ont encores praticquées ; mais c'est une mort de travailler à Ronime, pour diverses considérations que vous pouvés assés sçavoir. Si toutesfois l'obédience vient pour y aller , avec le bref pour l'Ethiopie ou autre pais des infidelles, je m'y transporteray le plustost que je pourray ; mais, estant gardien, je ne le pourray faire si aisément que si je l'estois pas. C'est pourquoy la chose eust esté plus facile auparavant nostre chapitre, où je resistay tant que je peus à ceste charge, prévoyant bien quelle pourroit divertir toutes mes intentions. Touchant les Epistres de sainct Paul en arabe, que vous avés perdues sur un vaisseau pris par les corsaires, je vous reittere que cela ne vous doit beaucoup soucier, et qu'elles sont imprimées à Seyde avec tout le reste du Nouveau Testament, sçavoir les quatre Evangelistes, les Actes, toutes les Epistres de S. Paul et aultres canonicques, et l'Apocalipse de S. Jehan,, Le volume est in-4% divisé en chapitres et versetz, à nostre mode, par Erpenius (1), qui aussyy a laissé les sections, ou § des anciens, pour la commodité des Orientaux. Il est tout en arabe, sans latin à costé ny sur les lignes, de très bon papier et beau charactere. L'original manuscript en est venu à Joseph Scaliger (2) du monastère de Sainct Jehan en Thebaïde ; mais, comme il estoit calviniste, il a corrompu

(1) Thomas Van Erpen, célèbre orientaliste hollandais, né à Gorkum en 1584, mourut de la peste, à Leyde^ le 13 novembre 1624.

(2) Joseph Jules Scaliger, le plus grand philologue du xti« siècle, naquit à A^en le 4 août 1540, et mourut à Leyde le 21 janvier 1609.

fk

^ lôô-

Ô6n original suivant les dépravations de Genève, si bien que, là dessus, Erpenius, aussy calviniste, Ta imprimé. Le style en est beau et élégant. De mesme, et par le mesme, en semblable volume et manière, avec aussy les corrections hereticques, a esté imprimé le Penlaleuche de Moyse ; mais le style ressent la barbarie, et les motz sont assez differentz du commun d'Egypte et aultres lieux où la langue est plus polie. J'ay eu ces volumes là plus de dix ans entre les mains, et enfin je les ay laissés au Caire quand j'en partis, et, estant à Seïde, j'en donnay unàl'emir Phacardin, et un jour, à Tripoli de Syrie, j'en donnay un à Jehan Heoronitte, pour lors evesque de là, auquel par mort a succédé le sieur Isaac Sciadreuse, qui est à présent à Romme. Vostre dernière letre du 24 juillet est une recapitulation des précédentes, à laquelle je ne puis dire aultre chose, sinon que je vous suis très obligé; et, pour correspondre au mieux qu'il me sera possible à telle obligation, je vous serviray toutes et quantes fois qu'il vous plaira me commander. Je partiray dans deux jours pour aller à six lieues d'icy chercher les pierres, qu'on m'a dict s'y trouver, figurées de formes humaines et d'animaux, ainsy que desjà je vous ay escript, il y a trois semaines. Avec le S. François que le R. P. Epiphane vous envoyé icy joinct, il y a un petit échantillon de taffetas qu'il a taint à la façon de la Chine, qui m'a semblé fort beau : c'est ce qui m'a obligé de le vous envoyer , pour qu'il vous plaise juger si la curiosité n'est pas gentille. Pardonnes, s'il vous plaist, à ma prolixité; nos entretiens sont si doux, qu'imperceptiblement on y passe le temps avec tant de contentement , que les heures ne semblent que momenlz. Je m'oubliois de vous dire, au cas que le bref vint de Romme, que, l'envoyant à Monsieur Aubery (1), il vous plaise luy recom-

(1) Aubery, qui fut un des mille correspondants de Peiresc, avait un emploi dans la chancellerie romaine, ce qui lui permettait de rendre forces services à ses amis de France.

mander de me l'envoyer icy par homme exprès : nous ne sommes distantz que de trois journées de Paris. 11 ne sera besoing de spécifier ce que c*est, si ce n'estoit que vous la jugeassiés à propos pour quelques considérations; mais, pour mon chef, je me suis tousjours bien trouvé de ne communiquer les affaires qu'à ceux ou qui en eussent interest ou qui les pouvoient advenir ; car, pour amis que soient les aultres, les choses leur estant indiferentes, aussy ne se soucient pas de les sçavoir. Il y auroit danger que , faisant aultremenl, et les envoyant par la poste, elles allassent jusques à Thoulouse, car nostre ordinaire va jusques là, et ne faictque passer par icy, où peut eslre il s'oubliroit de nous laisser les letres. Enfin, je finis avec paine. Je vous prie que mon affection excuse ma longueur, et me commandés, s'il vous plaict, en ce que vous me jugés propre pour voslre contentement, et je vous serviray d'aussy bon cœur, comme je croy estre obligé de le faire à la personne que j'honore le plus, estant, Monsieur, vostre plus petit serviteur.

F. Gilles de Loches, capucin.

Romorantio, 14 septembre 1635.