Communication de M. Doincl. (Vov. Introduction
vous feistes saisir et empescher dix-huict mines de bled seigle sur le prieur de mon abbaye Sainct-Benoist et que pour en avoir main-levée vous l’avez renvoyé à M r le général Chazeroy, je vous ay bien voulu prier, monsieur l’advocat, qu'en vous faisant par ledict prieur, sur qui je me repose de tous les affaires que j’ay audict Sainct-Benoist, apparoir du droit qu’il a de prendre par chacun an ladicte quantité de grain sur les terrages de Lorriz appartenant au Roy, comme il m’asseure l’avoir faict, vous veuillez soit à luy bailler vous mesmes ladicte mainlevée, si cela dépend de vous, soit à en mander votre advis audict sieur général, et l’expédier le plus tost et favorablement que vous pourrez pour l’amour de moy, qui vous veulx bien asseurer que de la bonne expédition qu’il y recevra de vous vous ne trouverez, en ce que vous me vouldriez employer, en bonne volonté de m’en ressentir et d’avoir bon cueur; que cependant me recommendant à vous, je supplieray vous donner, monsieur l’advocat, sa saincte et digne grâce.
De Chastillon, ce in° jour de juin i565.
Votre bien bon amy,
Le cardinal de Chastillon.
[Original], Bibliothèque d'Orléans, manuscrits , vol. 394 bis.
A ‘Monsieur, Monsieur le mareschal de Montmorancy , Gouverneur et lieutenant-général pour le Roy en lTsle-de-Francc.
Monsieur, ayans monsieur l’amyral mon frère et moy prié le sieur de Gauseville, présent porteur, de vous compter de noz nouvelles, je vous supplieray seulement par ceste-cy de le vouloir croyre de ce qu’il vous en dira de nostre part, et au demourant de me despartir des vostres le plus souvent que vous pourrez et par toutes les commoditez que vous en aurez. Cependant, après m’estre bien humblement rccommcndé à
vostre bonne grâce, je supplieray Dieu vous donner, Monsieur, en parfaicte santé heureuse et longue vie.
De Chastillon, ce vm e jour de septembre i565.
(man. propr.) Vostre humble et melleur cousin,
Le cardinal de Chastillon.
[Original J, B. N., /. français , 3071. fo 49.
A ‘Madame, Madame la duchesse de Ferrare.
Madame, envoyant monsieur l’amiral mon frère et moy le sieur de Sarragosse, présent porteur, à Chastillon et de là à Paris devers monsieur le mareschal de Montmorency, nous n’avons voulu faillir de le charger par mesme moyen de vous baiser les mains de nostre part et vous faire entendre l’occasion de son voyage dont il vous plaira le croire comme nousmesmes, qui, nous en remettant à sa suffisance, ne vous en ferons ceste plus longue que moy pour vous présenter mes très humbles recommendations à vostre bonne grâce et supplier de vous donner, madame, en très perfaicte santé très heureuse et très longue vie.
De Moulins, ce xxiv c jour de janvier i566.
Vostre très humble et très obéissant serviteur, (man. propr.) Le cardinal de Chastillon.
[Original], B. N., /. français , 3259 , f» 28.
