CHARLES VIII Le Plessis du Parc, lundi 3i mars
A NOSTRE CHER ET FEAL COUSIN LE SIRE DE LA TRIMOILLE , NOS- TRE LIEUTENANT, ET AUX S" DE CHARLUZ ET DE S* ANDRÉ, LE SENESCHAL dVgENOTS , ET A CLAUDE DE LA CHASTRE ET JACQUES DE SILLT CAPPITAINES DE NOZ GARDES.
De par le Roy.
Cher et féal cousin et vous noz amez et feaulx , tout a ceste heure nous sont venu lectres du s*" de la Chasteigneraye , qui est a Qisson pour nous, par lesquelles il nous fait savoir que samedi au soir y arriva nostre cousin de Rohan ' et deux de ses * v. n» «6, frères, le roy d'Ivetot', René Parent, Chanchou Navarre avec- * v. n» aa3, ques tout leur train et leurs chevaulx et harnoys , qui sont en nombre sept cens chevaulx , et tous les gens de pié qui estoient dedans les places de par delà ; et n^ont pas perdu ung homme. Et sera la personne de nostredit cousin avecques les dessus nommez demain au soir icy devers nous.
Nous vous voulons bien advertir de sa venue afiSn que, soubz espérance de luy cuider donner encores quelque secours, vous ne tirrez point plus avant que vous n^ayez noz Souysses et noz autres gens qui se vont jouyndre a vous. Lesditz Souysses sont passez bien délibérez de nous servir et là où vous verrez de beaulx
3o CORRESPONDANCE DE CHARLES VIII
hommes, et les vous meinent GreflBn et Pierre Loys; et le * Sic, pour re- bailly de Dijon, qui est bien leur homme, les reculdra *• Faiaes
nous savoir de voz nouvelles et dictes a vostre clerc qu^il mecte Peure du partement de voz lectres, car, de deux ou de troys paire que nous avez escriptes , aux unes il ne mea que le jour et aux autres il ne mea que Teure.
Donné au Pleisseis du Parc le derrenier jour de mars.
CHARLES
Parent.
Le Plessis du Parc, mercredi 2 avril.
A NOSTRE CHER ET FEAL COUSIN LE SIRE DE LA TRIMOILLE , NOSTRE LIEUTENANT, AUX S*^' DE CHARLUZ, DE SAINT ANDRÉ', LE SENES- CHAL D^AGENAIZ, ET A CLAUDE DE LA CHASTRE ET JAQUES DE SILLY CAPPrrAINES DES ARCHIERS FRANÇOYS DE NOSTRE GARDE.
De par le Roy.
Cher et féal cousin et vous noz amez et feaulx , hier environ troys heures après midi receusmes voz lectres, escriptes a Marcilly le XXX* jour de mars a huit heures du soir, par lesquelles nous escripvez que en allant sur la rivière de Villaine estez alez a Marcilly et avez aprouché la place de si près que ceulx de dedans se sont renduz a nostre voulenté ; et y avez trouvé ung cappitaine qui avoit environ sept ou huit vingts francs archiers en habillement de guerre et cinq ou six gentilz hommes et des plus gens de bien dudit Marcilly, tellement quUlz estoient de xi]^ a ii)C hommes , qui est un très bon service et dont sommes très joieux ; et vous en mercions bien fort , car c^est bon cornmancement de revancher noz gens de Vannes.
ET DE SES CONSEILLERS. 3l
Au regard de ce que par vosdictes lectres vous diaes que advîserez s^il y a nulz François ou autres qui autresfoys nous aient fait le serement et prins noz gaiges , et que s'il s'i en treuve les baillerez au prevost des mareschaulx , ce sera très bien fait que d^eulx et de leurs semblables , quant il en sera prins , on en face bonne justice sans nulz en espargner ; car vous entendez bien que c'est le principal point pour la fin de ceste guerre.
Et touchant Padvis que vous avez prins ensemble d'abatre la dicte place de Marcilly, tant pour les maulx qu'elle a fait comme aussi parce qu'elle povoit nuyre aux vivres, qui vouldroit aler a Qiasteaubriant j nous trouvons vostre advis bon ; et nous semble que toutes telles petites places vallent mieulx estre abatues que demourer debout , car elles cousteroient a garder et si fauldroit laisser des gens dedans dont on se peut bien servir ailleurs , et si n'y demourroient pas asseurez. Toutesfoiz il nous desplaist qu'elle est a nostre cousin de Laval , mais nous l'avons trouvé et trouvons tousjours si bon parent et serviteur que nous sommes seurs que ne luy en desplaira point ; et aussi de ceste perte et des autres qu'il fait pour nostre service nous avons entencion de l'en recompenser en façon qu'il en sera très bien content.
En tant que touche nostre cousin de Rohan, comme nous vous escripvismes dimenche au soir il s'en vient devers nous et l'actendons de jour a autre ; et lui venu vous renvoyerons incontinant noz gensdarmes qu'il a amenez avecques luy. Aussi nous vous envoyons les Souysses ainsi que nous vous avions escript qui sont cienz depuis nostre derreniere lectre, de bien i)^ hommes , et noz gensdarmes qui sont venuz de Vannes montez et armez mieulx que n'estoient avant qu'ilz allassent par delà; et sont bien délibérez de ravoir ce petit qu'ilz ont perdu et de l'autre avecques. Au seurplus faites nous souvant savoir de voz nouvelles et vous donnez tousjours bien garde de vostre affaire en manière qu'il ne vous en puisse advenir inconvénient.
Donné au Plesseys du Parc le ij™ jour d'avril , environ dix heures du matin.
Envolez nous incontinent le cappitaine du charroy de nostre
artillerie et lui chargés bien que avant son partement il donne
bonne provision au fait des chevaulx de nostre artillerie estant
par delà.
CHARLES
Parent.
