MONS^ DE BEAU JEU
Le Plessis du Parc , samedi 12 avril.
A MON COUSIN y MONS' DE LA TRIMOILLE.
Mon cousin , je me recommande bien fort a vous. Le Roy vous envoyé le cappitaine Raoul , par lequel il vous fait savoir ce qu^il luy semble que devez faire touchant le siège de Qiasteaubriant. Et afin que en soiez mieuk adverti , le<fit seigneur vous en escript de rechef comme pourrez veoir ; et pour ce, mon cousin, je vous prie que vous y gouvernez saigement a Tonneur et proulBSt du Roy : vous estes tous bons et saiges pour bien vous y savoir conduire. Au surplus , mon cousin , advertissez souvent le Roy des nouvelles et de ce qui surviendra par delà. En priant a Dieu qui vous doint ce que plus desirez.
Escript au Plessis du Parc le xi)"' jour d'avril.
Vostre cousin,
PIERRE
Les Montils lès Tours, dimanche i3 avril, -
A NOSTRE CHER ET FEAL COUSIN LE S' DE LA TREMOILLE
De par le Roy.
Cher et féal cousin , nous vous envoyasmes dès hier cinq ou six cens Suysses et les deux cappitaines qui les mènent, et seront aujourduy a Angiers. Et pour ce envoyez a eux tel homme que
verrez estre a faire pour les recueillir et leur faire ordonner ce qu'ilz devront faire, et ainsi que les autres Suysses viendront nous les vous envoyerons.
Donné aux Montilz lez Tours le xii)"* jour d'avril.
CHARLES
Robineau.
Le Plessis du Parc, mardi i5 avril.
A NOSTRE CHER ET FEAL COUSIN LE S' DE LA TRIMOILLE, NOSTRE
LIEUTENANT
De par le Roy.
Cher et féal cousin , nous vous envoyons présentement nostre amé et féal conseiller et chambellan le seneschal de Carcassonne qui vous mené trente ou quarante lances qui estoient par deçà, qui ne servoient de gueres, afin que soiez tousjours plus fors ; et faisons la plus grant diligence de vous envoyer gens que faire povons. Nous avons donné charge audit seneschal vous dire de noz nouvelles bien au long ; si vous prions que le vueillez croire et souvent nous faire savoir des vostres et de ce qui surviendra par delà.
Donné au Plessis du Parc le xv™" jour d'avril.
CHARLES
Damont.
Le Plessis du Parc , mercredi 1 6 avril.
•Ulire olographe. a MON COUSIN DE LA TRYMOYLLE, S' DE CRAN *.
Mon cousin , je vous usse mandé la chute de vostre piUier se se ne fut de peur du deul qu^aviés hehu qui anpechat mon servisse ; mes , mon cousin , de peur qu^an megrissés et ausy pour vous rejouyr y je vous mande qu^arés zx home d^armes de crues ansin que m^ecrivites. Et pour vous remonter des chevauls que brûlâtes, je vous anvoyes ung par mons' de Monmorrillo3m j qui vous maynne de mes gensdarmes qui ne servent de rien ycy ; et pour ce je vous prie que les tretés bien et me les fête bien vayllans. Au surplus, mon cousin, vous savés qu^etes mon parant et que * Armoiries des tenés de la bande de gueules * ; par quoy veu les servisses que me Bourbon. fetes toutjours, lequelxs je n^oblyré jamés ■, que je vous an recom-
^ A)o\xiezcroy s. ^^^^j.^ j^jg^ ^ ^^ y^^g faudré poynt. Et ancoure je vous prie
fet moy savoyr des novelles le plus souvant que pourés. Adieu mon cousin, que je prie a Dieu qui vous doynt vous désirs tous accomplis.
Escrit au Plesys du Parc ce mecredy xv] jour d^avril , a ) hure après mydy.
CHARLES
,r Xl^^^^ r?
* De Beaujeu. Au demourant Madame * partit hyer pour aller en Bourbon-
noys ; elle n^arrestera que xij jours ainsi qu'elle dit. Et sy devez savoir que mess" de Gant, puis six jours en çà , ont fait encores coupper les testes a quatre des gros du pays qui ont servy le duc d'Autriche ; et autant de testes qu'ilz font coupper ilz les lui présentent vifz a vifs de ses fenestres au marché de Bruges.
Au seurplus le Roy vous envoyé le roolle de ceulx qui ont esté a Vannes, où il y a beaucoup de gens qui se veuUent bien recomparïcer de leurs pertes. Il me semble que vostre fait ne gist que en dilligence ; vous en estes assez advisé y par quoy je me passe de vous en faire plus longue escripture. Primaudaye est party pareillement , qu'il va faire le paiement tant de gens de pyé que de gens de cheval. Pour ceste heure je ne vous escrips plus si non que je vous di a Dieu icy endroit , mons' de la Trimoille, a qui je pri qu'il vous doint tout ce que plus desirez.
Escript au Plessis du Parc le xj"' jour d'avril.
A NOSTRE CHER ET FEAL COUSIN LE SIRE DE LA TRIMOILLE ET NOZ AMEZ ET FEAULX CONSEILLERS ET CHAMBELLANS LES S" DE CHAR- LUZy DE BALSSAC SENESCHAL d'aGENNOY ET DE SAINT ANDRÉ.
De par le Roy.
Cher et féal cousin et vous noz amez et feaulx , depuis les lectres que nous vous escripvismes hier, le mareschal des Querdes nous a escript commant il a esté adverty que secrètement le duc d'Autrische avoit escript unes lectres de sa main a aucuns de ses gens qui tiennent encores des places ou pays de Flandres, comme Terremonde et autres, qu'ilz ne les rencUssent point a ceubc de Gand et qu'ilz auroient bien tost du secours ; mais le message
qu^il les portoit a esté prins de ceulx de Bruges, et sont venuz a grant nombre dudit Bruges luy monstrer ses lectres et lui ont juré que si, dedans huit jours après qui lui ont eu dit ses parolles, tous ses gens ne rendoient les places entre les mains des troys membres de Flandres , le lendemain de la faulte ilz bailleroient sa personne a ceuk dudit Gand, qui est la chose ou monde quHl doubte le plus.
Au seurplus nous avons esté advertiz que mardi derrenier ilz tindrent ung conseil a Nantes ; et après que le conseil fut failly, Ten dit que le s' de Dunoys dist tout hault que si vous mectiez le siège a Chasteaubryant il essayeroit a vous lever j et ne peust il finer que ij* hommes. Vous savez ce que nous vous avons mandé par le cappitaine Raoul , qui est en effect que vous debatiez bien ceste matière et que vous y gouvernez saigement sans y entreprandre riens chauldement; car d'icy n'en povons nous riens dire si non suyvre voz oppinions. Ledit s' de Dunoys dit qu'il ne sauroit avoir pys qu'il a et qu'il ne luy chault de tout avanturer ; sy font beaucoup d'autres qui sont avecques luy. Faiaes bien voz reveues affin que vous ne soyez point trompez du nombre de voz gens y car l'en nous a dit qu'il y en a par les villaiges, jusques auprès du Lude , qu'ilz font tous les maulx du monde. Entre cy et six jours nous aurons icy le gouverneur de Bourgongne et Jaques Galliot et faisons haster leurs gens tant que nous povons.
Aujourduy le s^ de Candalle nous a escript que le roy de Castille a respondu au s' d'Albret, qui estoit allé devers lui pour lui demander des gens , qu'il ne prandra point picques a nous pour lui ne pour ses alliez , et qu'il ne veult point changer une paix si ancienne, et qui si longuement a duré, a une guerre perpétuelle contre ung roy d'un tel royaume comme cehiy de France en l'aage de dix huit ans.
Pour abréger penser bien en vostre affaire, et nous faictes souvant savoir de voz nouvelles et nous vous ferons savoir des nostres.
Donné au Plessis du Parc le xi)"* jour d'avril , a xj heures de nuyt.
CHARLES
Damont.
