MONS^ DE BEAUJEU

Le Plessis du Parc, jeudi 24 avril.

A MON COUSIN, MONS' DE LA TRIMOILLE

Mon cousin , je me recommande a vous. J'ay receu voz lectres et veu celles que avez éscriptes au Roy par lesquelles lui faites savoir la prise de Chasteaubriant, dont il vous scet bon gré ; et congnoist bien le Roy le service que vous et autres cappitaines estans avec vous luy avez fait. Il envoyé demain par delà le capitaine Raoul de Launay, par lequel il vous fera savoir son intencion. Au surplus je vous pry que souvent me faites savoir

ET DE SES CONSEILLERS. 6l

des nouvelles et de ce qui surviendra. Et a Dieu, mon cousin, qui vous ait en sa saincte garde.

Escript au Plessis du Parc lez Tours le xxni)"* jour d^avril.

Vostre cousin ,

PIERRE

56 — LqAMIRAL Le Plessis du Parc^ jeudi 24 avril,

A MONS' DE LA TRIMOILLE

Mons' de la Trimoille , je me recommande a vous tant comme je puis. J'ay receu deux paires de lectres que vous m'avez escriptes toutes deux a une foiz , car le tout est venu ensemble par la faulte de voz postes , maiz il n'y a pas grant dangier pour ceste foiz. Sy est il besoing de le leur dire pour une autresfoiz, car a Teure que ledit poste est venu Pambassade de Bretaigne estoit despeschée. Toutesfoiz comme elle sailloit hors de la ville, le cappitaine Raoul de Launay en a sallué Tachediacre de Painthyevre ainsi que le dit achediacre Tavoit sallué de la prise de Vannes. Je sçay bien que vous avez esté bien marry que la composicion n'a esté telle que fut celle dudit Vannes , maiz il en est bien pris , car il ne fut jamais point de sy mauvaise place que deux mille homme feussent aisez a prandre dedans.

Touchant les vingt cinq hommes d'armes qu'ilz ce sont venuz rendre a vous , s'est bien raison qu'ilz soient recueilliz s'ilz sont gens pour servir. Le Roy vous en escript, et aussi le eappitaine Raoul s'en part demain pour vous dire ce qu'il semble au Roy et a tous ceulx. qu'ilz sont par deçà touchant ses matières. Et au regard de Janot d' Assys , ce fut ung gendarme qui a esté plus de dix ans de la compagnie de mons^ de Torcy, et l'année passée il thua ung homme d'armes de ladiae compagnie , son compagnon , meschamment et deshonnestement. Toutesfoiz le Roy lui

donna sa grâce pourveu qu^il feroit satisfaction aux parties, car le gendarme mort avoit une fille ou deux a marier ; je ne scay cornmant ledit Janot en a fait. Il avoit une boeste a Craon là où il y avoit xi)C escuz ; je ne sçay si Merlin a mis la main dessus, maiz il ne m^en chault commant il en aille mais que la chevissance en quoy il estoit tenu soit faicte , sy elle ne Ta esté. De cella pourrés savoir par Adrian ; car si Merlin avoit mis la main sur Pargent avant que la recompance des pouvres enffans , il seroit très mal aysé a retyrer, car je le congnois bien et aussi faiaes vous encores mieulx. Vous y aurez regard et je vous en prye pour le pouvre mort.

Je ne vous escrips plus pour ceste heure se non que je vous dy a Dieu , mons' de la Trimoille, a qui je pry quUl vous doint tout ce que plus desirez.

Escript au Plessis du Parc le xxiii)"* jour d'avril, a sept heures au soir.

Le tout vostre cousin ,

LOYS DE GRAVILLE

Vous ares vous xx hommes d'armes , mais il fault que vous ayez ancore paciance ainssy que j'ay prié au cappitaine Raoul le vous dire.

Le Plessis du Parc, vendredi 25 avril.

A NOSTRE CHER ET FEAL COUSIN LE S' DE LA TREMOILLE, NOSTRE LIEUTENANT, ET NOZ AMEZ ET FEAULX CONSEILLERS ET CHAM- BELLANS LES s" DE CHARLUZ, DE BALSAC, DE MONFAULCON ET DE SAINT ANDRÉ, ET AUX CAPPITAINES DE NOZ GARDES CLAUDE DE LA CHASTRE ET JACQUES DE SILLY.

De par le Roy.

Chier et féal cousin et vous noz amez et feaulx , nous vous avons fait savoir nostre advis sur la pluspart des choses dont il nous est souvenu qu'ilz nous s^mbhnt estre neccessaires par d jllà, par nostre amé et féal conseillier et chamballan le sire d j Morvillier ; maiz nous avyons oublyé , touchant les ostages que vous avez en voz mains, de vous faire savoir le lieu là où vous les mearez. Nous y avons depuis pansé et nous semble qu^ilz seront bien dedans le chasteau d'Angiers ; et pour ceste cause en avons escript au s^ du Plessis Bourré pour les recevoir quant vous les y envoirez, et pour ce faictes touchant ce point selon que vous en adviserez ensemble.

Au seurplus vous sçavez que nous vous avons tousjours escript que nous ne nous povons contanter de noz gensdarmes deffail* lans ; et encores avons sceu par aucuns quHlz sont là àvecques vous quUl y en a très largement de demourez en leurs maisons et sont encores de ceste heure, là où ilz font la cane, et mesmement de ceulx qui derrenierement sont partiz d^icy, lesquelz nous avoient promis qu^ilz se trouveroient devers vous tout incontinant , selon les roolles que nous vous en avyons envoyez. Nous croyons bien, tant des ungs que des autres , quHl n^en fauldra gueres quant vendra au payement^ maiz au service vous sçavez commant il en va.

Et VOUS, nostre cousin , croyons que vous avez souvenance de ce que vous nous en promistes a vostre partement y qu^il fut de ne nous en celer pas ung et que feryez veoir les rooUes et les personnages presens , et ceulx qu'ilz ne s'y trouveroient, par noii et par sceumon, les nous envojrryez. De quoy jusques icy n'avea riens fait ; et pour ceste cause, sy vous voulez que nous soyons contans de vous et que quant vous nous requerrés quelque chose quUl nous en souviengne , donnez telle ordre touchant ce poini que nous ayons cause une autresfoiz d'estre certains de quelque promesse quant vous la nous ferez , et soyez sceur que nous h tendrons a aussi grant service que vous nous en sçauriez poin faire. Sy vous pryons qu'il n'y ait point de faulte que vous ne h faciez sans nulz en espargnez.

Vous ne nous avez point fait savoir sy le viconte d'Aunay vou: a mené des gensdarmes et aussi sy le s' de Saint Bonnet et Jehai du Mayne sont arrivez devers vous. Faictes nous savoir le tou bien au long , ensemble toutes nouvelles ainsi qu'ilz vous sour vendront , et nous vous en ferons savoir de nostre part.

Donné au Plessis du Parc le xxv"* jour d'avril , a v heure: de soir.

CHARLES

Damont.