LARCHEVÊQUE DE BORDEAUX
ET LE Sr DE MORVILLIERS Nantes, dimanche 25 mai.
A MONS' DE LA TRIMOULLE, LIEUTENANT GENERAL DU ROY
Mons'y nous nous recommandons a vous tant que faire povons. En ceste ville de Nantes nous a esté remonstré comme , contre toute usance de guerre , aucuns de la garnison de Beaupreau depuys environ trois sepmaines ont prins, a la Regrepiere^ a prisonnier ung jeune enfant , filz de Jehannot de Pagieres , qui est de Taage de deux ans et trois moys ou environ. Et comme pourrez veoir par Fadvertissement qui nous en a esté baillé , lequel vous envoyons , avons esté requis de vous prier que vueulliez ordonner et commander a ceulz qui détiennent ledit enfant qu'il aient a le mettre sans delay a plaine délivrance, sans renson, car telle prinse est contre la raison et ne se peut bonnement soustcnir. Sy vous prions, mons', que ainsy le vueulliez faire ; et a tant prions a Dieu qu'il vous doint ce que plus desirez.
Escript a Nantes ce jour de Penthecouste.
Mons% nous escryvons unnes lectres au Roy lesquelles vous prions luy envoler, par les postes , le plus diligemment que faire se pourra ; et se ledit seigneur nous escript , que semblablement
nous vueulliez a diligence envoier ses lectres. Nous ne savons auitre chose que ce que par Agenez vous avons aujourduy mandé.
Les touz vostres ,
LARCEVESQUE DE BORDEAULX RAOUL DE LANNOY
98 — LqAMIRAL
La Menitré, mardi 27 mai.
A MONS*" DE LA TRIMOILLE
Mons' de la Trimoille, je me recommande a vous tant comme je puis. J'ay receu deux lectres que vous m'avez escriptes, Tune touchant le gouvernement de la Rochelle et l'autre touchant ce qu'il vous semble des lectres que le Roy vous a escriptes. Et au regard dudit gouvernement , le Roy a veu le consentement de la lectre que vous en avez escripte a Madame, de ce que vous disyez que vous en rapportyez a luy et a elle. Ledit seigneur Ta consenty a mons"" des Querdes, mais soiez sceur que vous estes plus près de Tavoir que vous ne feustes oncques ; et plus ne vous en dy pour ceste heure, mais soiez sceur que vous en trouverez ce que je vous en escrips.
Le Roy a commandé ce qui est en vostre chastellenie de Craon ainsi que vous le m'avyez esçript ; et au regard de voz vingt lances n'en faictes nulle doubte, selon que je vous escripviz par le cappitaine Raoul. Au demourant , touchant vostre derreniere lectre, le Roy vous escripra entre cy et ung jour ou deux ceulx qu'il vouldra qu'ilz viennent devers luy. Et a Dieu vous di , mons^ de la Trimoille, a qui je pri qu'il vous doint tout ce que plus desirez.
Escript a la Menistré le xxvij"" jour de may.
Le tout vostre ,
LOYS DEGRAVILLÊ
Angers, mercredi 28 mai.
A NOSTRE CHIER ET FEAL COUSIN LE S' DE LA TRIMOILLE j NOSTRE LIEUTENANT, ET A NOZ AMEZ ET FEAULX LES CAPPITAINES ESTANS EN SA COMPAGNIE.
De par le Roy.
Chier et féal cousin et vous noz amez et feaulx, nous avons receu la lectre que vous nous avez escripte, laquelle contient qu^il vous semble et avez advisé que pour nous bien advenir du contenu d'une lectre que puis nagueres vous tivons escripte , qu'il seroit bon que Pun de vous ou plusieurs vensissent jusques devers nous afiin de nous advertir sur le tout bien au long et mieulx qu'il ne se pourroit faire par lectre. Vostre advis nous a semblé bon, et aflSn que vous ne soyez empeschez de nonuner ceulx qui ilz vendront , nous avons advisé que ce sera le seneschal d' Agenestz , mess* Claude de Montfaulcon et le s' de Saint André ; et pour ce faiaes qu'ilz soient icy demain a disner , car nous les aurons incontinant dcpeschez pour les vous renvoyer vendredi au matin.
Au regard du payement des gens de guerre dont vous nous 1
avez aujourdui escript , nous ferons demain partir Primaudaye et les clercs des trésoriers quant et quant, pour en faire le payement selon que par lui vous ferons advertiz. Mandez nous souvant de voz nouvelles et nous vous ferons savoir de ce qu'il nous sourvendra.
Donné a Angiers le xxviij"* jour de may.
CHARLES
De Saint Martin.
100 — L'qAMIRAL
Angers, mercredi 28 mai.
A MONS' DE LA TRIMOILLE
Mons' de la Trimoille , je me recommande a vous tant comme je puis. J^ay receu a ce matin la lectre que vous m^avez escripte. Et au regard de la première article , qui parle du payement de voz nobles et de voz gens de pié , Primaudaye s'en va demain pour faire le payement ; et sera besoing que vous ayder a faire contenter chascun. Et en tant que touche ce que vous dictes que ce n'est que ung amusement de ceste trêve , c'est la vraye vérité et ne fault point que vous faciez de doubte du contraire ; et sy vous dy que si vous ne faictes quelque exploia entre cy et troys sepmaines, je croy que vous ne ferez de ceste saison gueres grant chose ou quartier de deçà, et ce que je vous escrips ce n'est point sans cause. Touchant voz chevaulx de vivres, vous n'en aviez que vingt et cinq charretes, ce ne sont que quatre vingts ou cent chevaulx ; vous les recouvrerez quant vous vouidrez.
Le Roy vous escript pour ceulx qu'il veut qu'ilz viennent devers luy ; et eulx retournez , qui sera vendredi , vous pourrez venir vendredi ou samedi veoir le Roy et vous en retournez incontinant. De tout le seurplus de la lectre que vous m'avez escripte il ny aura point de faulte, selon que je vous ay escript. Merlin vous dira le seurplus, par quoy je me passe de vous escripre plus au long ; et vous dy a Dieu icy endroit , mons"" de la Trimoille , a qui je prye qu'il vous doint tout ce que plus desirez.
Escript a Angiers le xxvh)"' jour de may.
Le tout vostre cousin ,
LOYS DE GRAVILLE
