UqAMIRAL Angers, jeudi 29 mai

A MONS' DE LA TRIMOILLE

Mons*^ de la Trimoille, je me recommande a vous tant comme je puis. Je vous envoyé cy dedans enclos une lectre qui m^a esté escripte de Harfleu ; et croy bien que mons*" de Scalles soit passé mais il n^a pas amené grant nombre de gens quant et luy, ainsi que par lesdictes lectres vous pourrés veoir. De ce qu'il sourviendra tousjours le vous feray savoir ; et pour ceste heure je ne vous escrips plus si non que je vous di a Dieu , mons*^ de la Trimoille, a qui je pri qu'il vous doint tout ce que plus desirez.

Escript a Angiers le xxix"' jour de may.

Le tout vostre cousin ,

LOYS DE GRAVILLE

io5 — L'ARCHEVEQUE DE BORDEAUX ET LE S^ DE MORVILLIERS

Nantes , vendredi 3o maL

A MONS' DE LA TRIMOULLE, LIEUTENANT GENERAL DU ROY

Mens", mess" le prince , de Dunoys et de G)mininges revindrent hier de devers Mons'' d'Orléans, lesquelz pour resolution demandent abstinence de guerre jusques au xv""* jour de juing , ledit jour includ; et pour ce que n'avions puissance de leur accorder, nous escripvons au Roy pour en savoir son bon plaisir. Sy vous prions lui envoler incontinent noz lettres et a toute diligence nous renvoier la response qu'il nous en fera ; et a tant , mons', prions Nostre Seigneur qu'il vous doint ce que plus desirez.

Escript a Nantes ce vendredi au soir.

Les tous vostres,

LARCEVESQUE DE BORDEAULX RAOUL DE LANNOY

io6 - LqAMIRAL

Angers, samedi 3 1 mai.

A MONS*^ DE LA TRIMOILLE

Mons*^ de la Trimoille, je me recommande a vous tant comme je puis. J'ay receu la leare que vous m'avez escripte a ce matin , touchant les ostages de Vannes et ceulx que vous avez pris a Chasteaubriant et a Ancenys : a quoy le Roy vous respont com-

mant il entend que vous y gouvernez, qui est en effect que puis-

qu^ilz ne veuUent bailler que la moictié de leurs ostages vous ne

* V. n* 212. leur en rendrés que une partie des leur * ; et en tant que touche

voz voisins qu^ilz sont de là Peaue, ilz ont fait que sages de mectre la rivière entre vous et eulx, car s'est le pluà sceur.

Mons' de Bordeaulx et le cappitaine Raoul ont escHpt au Roy que les seigneurs de par dellà demandent xv jours de trêve. Je croy «qu'elle leur sera accordée , afBn que ledit seigneur mecte tousjours la bonne renommée devers lui ; mais durant ledit temps le Roy ordonnera, pour son affaire du temps advenir, ce qu'il lui semblera qu'il devra exploiaer. -Et demain pour vous advenir de tout, et aussi en avoir voz advis , je vous envoyé les gouverneurs de Lymosin et de Bourgongne , mess* Yvon du Fou et le grant escuier , avec mons' de la Qairetiere qu'il congnoist ung peu le pays, par lesquelz vous sçaurez toutes nouvelles, par quoy je me passe de vous en faire plus longue escripture. Sy vouldrois je bien avoir parlé a vous une bonne heure ; toutesfoiz je croy que avant que prandre quelque conclusion je vous verray , et sy vous mectray encores ce mot qui est pour abréger : que icy endroit gist de tous pointz le bon service au Roy qu'il est besoing de lui faire. Au demourant vous n'aurez les seneschaulx ne mons*^ de Saint André qu'il ne soit demain , avec les gens que le Roy vous envoyé, car aujourdui ilz n'ont peu estre depeschez.

Tout a ceste heure le viconte d'Aunay a escript unes lectres au Roy par lesquelles il lui fait savoir que jeudi derrenier il fut adverty que mons*^ de Squalles et les Anglois , qui estoient descenduz a S' Mallo , estoient arrivez a Dignan ; et partit tout incontinant et mena environ vj" hommes d'armes , et y estoit Meritain , et misdrent deux ou troys embûches devant jour et envoyèrent trante chevaulx courre devant la ville, et tous mes Angloys saillirent a vauderoute sur lesditz trante chevaulx et les chassèrent bien demye lieue jusques dedans leur ambusche où ilz estoient le nombre dessusdit. Pour conclusion ilz les ont deffaiz et en ont emmené de prisonniers cent et xiii] , et sur la place en est demouré de mors xij^» et plus. Le Roy en envoyé les lectres a Mons' de Bordeaulx et au cappitaine Raoul.

Ledit seigneur a accordé que vous fassyés voz vingt lances de ceulx que j^ay dit a Merlin pour le vous dire, a commancer leur payement du premier jour de juillet ; mais prenez en des plus parans, affin que le Roy en soit deschargé d^autant. Et icy endroit je vous di a Dieu , mons*" de la Trimoille, a qui je pri qu'il vous doint tout ce que plus desirez.

Escript a Angiers le derrenier jour de may.

LOYS DE GRAVILLE

107 — CHARLES VIII Angers y dimanche i^^juin,

A NOSTRE CHER ET FEAL COUSIN LE SIRE DE LA TRIMOILLE , NOSTRE LIEUTENANT GENERAL EN NOSTRE ARMÉE ESTANT DE PRESENT EN BRETAIGNE.

De par le Roy.

Cher et féal cousin , vous nous avez tousjours requis que vous vousissions croistre vostre nombre des gens de guerre de nostre ordonnance y dont, vous avez charge de par nous, jusques au nombre de. cinquante lances fournies, qui seroient vingt lances de creue ; nous les vous avons accordées et est nostre plaisir que vous ayez ledit nombre des cinquante lances , a conunancer le payement desdictes vingt lances au premier jour de juillet prouchainement venant. Sy vueillez choisir et prendre lesdictes xx lances de ceulx qui nous sont venuz servir et qu'ilz n'ont point d'appoinctement, et que se soient des plus gentilz compaignons ; et ce qui en restera a appoincter, pourvoiez par les autres compaignies en manière que cy après n'en demeure aucuns en nostre charge.

Donné a Angiers le premier jour de juing.

CHARLES

Berziau.

io8 — CHARLES VIII

Angers, mercredi 4 juin.

A NOSTRE CHIER ET FEAL COUSIN LE SIRE DE LA TRIMOILLE, NOSTRE LIEUTENANT GENERAL EN l' ARMÉE DE BRETAIGNE, ET AUX CAP- PITAINES DES GENS DE GUERRE ESTANS EN LADICTE ARMÉE.

De par le Roy,

Cher et féal cousin et noz amez et feaulx, nous avons ordonné que les Suysses soient paiez pour ce présent mois , et pour ce faire y sont les clers du trésorier Jehan Legendre. Pareillement entendons que les autres gens de pie estans avecques vous soient payez pour demy mois durant ceste trêve, affin qu'ilz n'ayent aucune occasion d^eulx absenter et retourner en leurs maisons pour ce que la pluspart d'entre eulx en sont prouchains. Aussi entendons que, ladicte trêve faillie, nous les ferons entièrement payer de tout ledit mois et doresnavant sans ce qu'il y ait en leur payement aucune interrupcion , et voulons qu'ilz tiennent ordre en leurs vivres et qu'ilz payent ; et pour tout leur remonstrer avons advisé que noz amez et feaulx m^ Jacques Berziau et Primaudaye, avecques leurs cappitaines, le sauront bien faire. Et dictes ou faictes dire ausditz cappitaines que, sur leur vie, ilz ne donnent congié a pièce de leurs gens ; ainçois s'ilz en trouvent aucuns qui s'en vueillen^ aller qu'ilz en facent la pugnicion telle que ce soit exemple pour les autres.

Pareillement parlez a tous noz autres cappitaines ayans charge de par nous des gens de guerre de la grant ordonnance que semblablement ilz ne se jouent pas de donner aucuns congiez en quelque façon que ce soit , et que s'ilz en avoient donné a aucuns qu'ilz les remandent hastivement , car nous entendons tenir nostre armée toute preste autant durant la trêve comme durant la guerre ; et qu'ilz n'y facent faulte sur tant qu'ilz doubtent nous

desobeyr et desplaire , car se faulte y avoit nous n'en serions jamais contens d'eulx.

Nous avons entendu que la demolicion du chastel d^Ancenis n^est pas souffisaniment faicte et qu'il en reste encores beaucoup a abbatre qui seroit chose aisée a fortifier et remectre en puissance ; a ceste cause, toutes excusacions cessans, faictes y beson*gner en telle manière que le tout soit si bien rasé et comblé qu'il n'y faille plus retourner et que inconvénient n'en advensist a nous ne a noz subgectz. Au seurplus nous avons veu les mémoires et oy ce qui nous a esté dit de vostre part, et avons ordonné y faire donner la provision telle que au cas appartiendra en ensuivant voz advis.

Donné a Angiers le nij"* jour de juing.

CHARLES

Marcel.

Angers, jeudi 5 juin.

A NOSTRE CHIER ET FEAL COUSIN LE S' DE LA TRIMOILHE , NOSTRE