III -- L'qAMIRAL

Angers, jeudi S juin.

A MONS*^ DE LA TRIMOILLE

Mons' de la Trimoille, je me recommande a vous tant comme je puis. Vous m'avez fait savoir que vous vendriez ung tour icy voullentiers ; je le dys au Roy de l'eure que vostre message le m'eut dyt. Toutesfoiz il ne ce peut faire plus tost que les ambaxadeurs de Bretaigne qui viennent pardeça ne soient passez a venir icy ; mais tout incontinant qu'ilz seront en ceste ville le Roy vous fera savoir que vous le venez veoir ung tour. Mons' de la Pallu s'en va devers vous pour vous advertir de ce qu'il semble au Roy qu'il se doit faire a la passée desditz ambaxadeurs ; vouz le sçaurez bien faire selon sa vouUenté. Il vous envoyé cy dedans enclos les noms de ceulx qu'ilz doibvent venir ; et pour conclusion sy ceste compagnie icy ne fait quelque chose de bien ce voiage , je ne m'atens pas qu'ilz en facent jamais point. Je vous prye, donnez aujourdui congié au cappitaine Adrian de venir sa personne jusques icy et je le vous renvoîray incontinent.

Je croy que le duc d'Autrische et les Flamans s'entrebatront bien , car il est venu nouvelles que mons' Phelippes de Ravestain s'est joinct avec les Gantoys ; mais il ne fault faire nulle doubte que ledit duc d'Autriche ne tendra point la promesse qu'il a faite a ceulx de Flandres. Vous en sçaurez plus au long vous venu. Mons' de la Trimoille, je vous di a Dieu icy endroit, a qui je prye qu'il vous doint tout ce que plus desirez.

Escript a Angiers le cinquiesme jour de juing.

Le tout vostre cousin ,