V AMIRAL
Angers, dimanche 20 juillet.
A MONS' DE LA TRIMOILLE
Mons"* de la Trimoille , je me recommande a vous tant comme je puis. J^ay receu la lectre que vous m^avez escripte et veu le contenu de vostre composicion dedans les leares du Roy, laquelle me semble très bonne veu ce que m^a compté ung homme qui vient de par delà. J'en remectz le surplus quant je vous verray. Vous m'escripvez touchant la garde de ladiae place. Si j'estoye vous j le Roy ne me sauroit tant donner que j'en voulsisse prandre la garde; et quant je vous en diray les raisons je croy ^ )
que vous les trouverez bonnes. Toutesfoiz j'en pourchasseray ce que vous vouldrez, car a ce que j'entens ilz ne sont pas délibérez de soy haster de donner les offices de céans , pour les raisons que je vous diray ; car je croy que le Roy s'approuchera de vousy et ne fust ung peu de froit qu'il print l'autre jour, dont il est tout saint guery , il fiist party d'icy passé a six jours.
Ledit seigneur vous envoyé ung mémoire des choses qu'il fault que vous faciez faire la diligence , en actendent ce que vous aurez conclud de l'affaire advenir. Mons"* de la Trimoille , je ne vous escrips plus pour ceste heure si non que je vous dy a Dieu icy endroit, a qui je prye qu'il vous doint tout ce que plus desirez»
Escript a Angiers le xx*"' jour de juillet.
&)mme je vous escripviz hier, Targent part demain pour aler payer les gens de pié. Je croy que vous povez bien depescher un peuple qui est venu sans baston et sans habillement, et en retenir des plus parens.
Le tout vostre cousin ,
LOYS DE GRAVILLE
Angers j lundi 21 juillet,
A NOSTRE CHER ET FEAL COUSIN LE SIRE DE LA TRIMOILLE , NOSTRE LIEUTENANT GENERAL EN L^RMÉE DE BRETAIGNE.
De par le Roy.
Chier et féal cousin , vous savez que vous avez esté adverty qu'il estoit besoing de renvoyer en leurs maisons plusieurs des gens de pyé des derreniers venuz, des mal empoint et qui ne sont pas pour servir. Et pour ce que tout a ceste heure le trésorier des guerres envoyé le paiement des autres gens de pyé, se vous n'avez envoyé les autres dessusditz envoyez les incontinant avant que Targent arrive par delà, car vous entendez bien que ce seroit une merveilleuse cryerye et ne se pourroit faire qu'il n'y eust argent perdu , dont pour le présent n'est pas besoing.
Donné a Angiers le xxj"* jour de juillet.
CHARLES
Robineau.
igO CORRESPONDANCE DE CHARLES VIII
1 70 - L'qAMIRAL
Angers^ lundi 2\ juillet
A MONS' DE LA TRIMOILLE
Mons"* de la Trimoille y je me recommande a vous tailt comme je puis. Le Roy vous escript a ceste heure unes lectres que j^ay veues : touchant les gens de pié qui ont esté assemblez qui ne sont point armez , que vous vous en deffaciez. Il ne vous en escript pas la manière mais il me semble qu'il se doit faire honnestementy tant pour ce qu'ilz sont venuz jusques là que pour leur manière de retourner. Car si vous ne les contantez gracieusement y et aussi que vous ne leur donnez des commissaires pour les remenez en leurs maisons , ilz vous feront tous les maulx du monde en eulx retournent ; par quoy il est besoing que vous le faciez veoir^ le tout en bonne façon. Vous avez des nobles du païs qui sont de près delà pour vous en deffaire peu a peu. Je croy que ce seroit le mieulx^ car vous estes une bonne puissance sans eulx et, si vous n'y donnez ordre, que les gens qui ne pevent de gueres servir mangeront l'argent que ceulx qui pevent très bien servir doivent avoir.
Maunourry et iii) hommes d'armes de mons' d'Orval furent l'autre jour prins devant Maisiereâ, par ceulx de Luxembourg qui estoient venuz faire une course devant la place. Mandez moy de voz nouvelles car il y a xxiiij heures que nous ne n'avons point eu. Mons' de la Trimoille, je vous dy a Dieu, a qui je prye qu'il vous doint tout ce que plus desirez.
Escript a Angiers le xxj"* jour de juillet, a mydi.
Le tout vostre cousin ,
LOYS DE GRAVILLE
Angers, mardi 22 juillet.
A NOSTRE CHER ET FEAL COUSIN LE SIRE DE LA TRIMOILLE , NOSTRE LIEUTENANT GENERAL EN l'aRMÉE DE BRETAIGNE , ET AUX CAP- PITAINES ESTANS AVECQUES LUY.
De par le Roy.
Cher et féal cousin et vous noz amez et feaulx , depuis que derrenierement vous avons escript pour vous respondre a la première lectre que nous aviez escripte de la prinse de la ville et chastel de Fougères, a ce qu'il s'en devroit faire, nous y avons depuis pensé et fait penser pour entendre ceste matière et ce qu'il s'en doit faire pour le mieulx, et trouvons ladicte matière d'abatre ou remparer ladicte ville très difficille pour plusieurs raisons. Et nous semble, premièrement que avant tout euvre, qu'il est besoing de regarder se, a la situacion de la place, elle est plus pour grever le duché de Bretaigne, remparée entre noz mains, ou pour grever noz pays de Normandie et du Mayne entre les mains du duc, s'il la recouvroit par quelque moyen. Et se ainsi estoit qu'elle ne peust de gueres grever ledit duché de Bretaîgne et que nous eussions d'autres places plus voisines du pays que ceste là pour leur faire la guerre, se besoing en estoit, veu ce qu'elle coustera a garder il vauldroit trop mieulx abatre la fortifification de la ville et fortiffier le chasteau , pour tenir la seigneurie en subjection, qu'il ne feroit de remparer la ville puissante et qu'elle se trouvast plus pour grever nosditz pays que ladicte duché ; aussi que par quelque moïen elle peust retourner entre les mains dudit duc.
Toutesfois, quelque chose que nous en debations icy, nous n'y povons asseoir quelque bonne conclusion sans en avoir premièrement voz adviz , tant de ladicte situacion que de ce qu'elle mectra a estre remparée et aussi ce qu'elle coustera a garder ; car quand il n'y auroit que mil hommes, si cousteroit elle VL^ frans par aui Et si vous dictes que vous y mectrez des ordon-
ig2 CORRESPONDANCE DE CHARLES VIII
nances, comme vous avez fait aux autres places, elle ne coustera gueres le temps présent mais le temps advenir elle est a craindre. Pour conclusion , advisez bien a tout et nous en envolez voz advis et ce qu^il vous en semblera pour le mieulx, toutes choses considérées ; et a toute diligence nous en faictes responce, car tant pour cela que pour vostre deslogement il en est besoing et le tout condurrons selon ce que nous en ferez savoir.
Donné a Angiers le xxi)"' jour de juillet , a x) heures du soir.
CHARLES
Parent.
Angers, mercredi 23 juillet.
• Texte de Dom De par le Roy *.
Morice.
Cher et féal cousin et vous nos amé^ et féaulx, nous avons tout à ceste heure , qui est environ une heure après midy , receu les lettres que nous avez escrites y qui contiennent que ensuivant ce que nous vous avons escrit que vous assemblissiez ensemble pour regarder ce que nostre armée auroit à faire d^huy en avant pour le mieux. Et mettez que vostre advis est que vous n^avez que de trois places Tune à prendre par siège, c^est assavoir Rennes, Dinan et S' Malo; et trouvez vous que Dinan est le plus aisé des trois pour le fournissement de vos vivres qui vous peuvent venir de Normandie par Dol, lequel ainsi que dites pourrez recouvrer à toute heure. Et puis mettez après, par un article, que la puissance des Bretons est au Petit Saint Aubin et à Aubigny, où il n^y a que demy lieue de Tun à Tautre et est sur le chemin de là où vous estes à Dinan ; et que sur cest article Tavis d^entre vous \
trestous est qu'il vauldroit mieux envoyer [voir] par gens de bien le lieu et place où ils sont et comme ils sont fortifiés, et que vous y pourriez trouver tel advantage que du moins vous leur feriez
ET DE SES CONSEILLERS. igS
laisser leurs logis honteusement. Et comme nous vous avons toujours escrit, vous pourrez mieux juger les choses ainsi qu^elles sont de là où vous estes que nous ne faisons d^icy, et nous semble que vous avez très bien débattu ceste matière et que vous en dites ce qui est possible d^en dire ; et pour conclusion vostre dernier advis est , ainsi que vous mettez par vostre dite lettre , [celuy] que vous semble le meilleur , aussi pareillement fait-il à nous.
Et au regard de la provision qui est nécessaire pour la garde de ceste place de Fougères, qui vous semble que ne peut estre moindre que de deux mille hommes^ nous vous en escrivismes hier au soir unes lettres et croyons que vous les ayez eues de ceste heure ; et du contenu en ladite lettre nous nous fions en vous de nous en conseiller, par les raisons qui sont plus au long contenues en icelles, et voulons que vous en faciez vostre advis soit de Tabatre ou de la tenir. Et se ainsi est que vous concluez de la tenir, regardez le nombre de gens que vous verrez y estre nécessaire et de ceux de quoy vous pourrez moins servir à tirer en avant, si ainsi est que vous le faciez. Et au r^ard des capitaines, vous y en pourrez laisser de ceux que vous adviserez , qui sont dedans un brevet que vous envoyons cy dedans enclos, jusques à ce que y ayons autrement pourveu : car pour ce que nous avons espérance estre en cy et cinq ou six jours assez près de vous, nous attendrons en toutes choses de donner la provision à ladite place telle que verrons qui y appartient bien.
Au surplus nous avons tout maintenant receu une lettre que le mareschal des Querdes nous a escrite et une autre que le s' de Piennes escrivoit , lesquelles vous envoyons cy dedans encloses afin que vous voyez la destrousse qui a esté faite sur les Alemans ; et pourrez faire savoir ces nouvelles à vos voisins pour tousjours les resjouir.
Donné a Angers le xx!!)*^* jour de juillet , à sept heures du soir.
Signé : CHARLES. Et plus bas : Parent.
Et sur le dos : A nostre cher et féal cousin le sire de la Tri-
moille , nostre lieutenant général en Tannée de Bretagne, et aux
capitaines estans avecques luy.
194 CORRESPONDANCE DE CHARLES VIII j
173 — MONSr DE BEAUJEU
Angers, mercredi 23 juillet.
A MON COUSIN MONS' DE LA TRIMOILLE
Mon cousin, je me recommande a vous. J^ay bien au long oy parler le Veau, lequel s^en retourne par delà, et luy ay donné charge vous dire aucunes choses. Je vous prie que le vueillez croire de ce qu'il vous dira de par moy et souvant me faire savoir de voz nouvelles et de ce qui surviendra par delà. Et a Dieu y mon cousin, qui vous doint ce que desirez.
Escript a Angiers le xxii)*"* jour de juillet.
Vostre cousin ,
PIERRE
Angers, vendredi 2b juillet.
A NOSTRE CHER ET FEAL COUSIN LE SIRE DE LA TRIMOILLE , i
NOSTRE LIEUTENANT GENERAL EN L^ARMÉE DE BRETAIGNE , ET AUX CAPPITAINES ESTANS AVECQUES LUY. l
De par le Roy. j
Cher et féal cousin et vous noz amez et feaulx , nous avons 1
teceu la lectre que vous nous avez escripte ^ ensemble celle du cappitaine Perrin ; et au regard des diligences que vous fâiaes pour nous faire se service , si vous les povez trouver a point, \
nous vous en mercions et ne faisons nulle doubte que cbascun j
n'en face son devoir. Au surplus nous avons ordonné a tous noz panaionnaif es quU partent demain pour aller a vous ^ car il y on |
ET DE SES CONSEILLERS. IqS
avoit icy une très belle bende ; et aussi pareillement nous avons escript au s' du Fou qu^il vous renvoyé ses gens a toute diligence. Nous avons veu pareillement le nombre de rartillerie qui vous a esté laissée y qui nous semble bon et raisonnable.
Les Bretons ont habandonné le Qos de Rais et Pont rendu entre les mains de leur seigneur. Et au demourant vous estes là tant de gens de bien ensemble par quoy nous nous fions de tout en tout de nostre affaire de par delà a conduyre et en faire ainsy que vous le verrez y par le bon advis d^entre vous faisable ; et de toutes les choses neccessaires dont nous advertirez nous vous y donnerons la meilleure provision et la plus prompte que nous pourrons. Faiaes nous souvent savoir de voz nouvelles et nous vous ferons savoir tout ce qu^il nous sourvendra.
Donné a Angiers le xxv"^ jour de juillet.
CHARLES
Parent.
Le Verger, mercredi 3o juillet.
A NOSTRE CHER ET FEAL COUSIN LE S' DE LA TRIMOILLE , NOSTRE UEUTENANT GENERAL EN L^ ARMÉE DE BRETAIGNE , ET AUX CAPPI- TAINES BSTANS AVECQUES LUY.
De par le Roy.
Cher et féal cousin et vous nos amez et feaulx^ hier environ huit heures du matin arriva içy ung chevaucheur de nostre escuirie , lequel venoit de là où vous estiez , qui nous a dit comme pour tout vray vous aviez deffait les Bretons et que nostre frère d'Orléans y avoit esté prins et le s' d'Elbret tué avecques plusieurs autres , dont fusmez très joieux. Mais de longtemps après n'en vint autres nouvelles jusques a ce que le
ig6 CORRESPONDANCE DE CHARLES Vin
paige de vous , noscre cousin , fust venu , qui arriva devers nous environ quatre heures après midy sans aucunes lectres ; toutesfois il nous en devisa assez bien. Et tantost après , par la poste, receusmes les lectres que entre vous tous nous escripviez, lesquelles nous resjouyrent fort , car par vozdictes lectres en feusmes plus amplement acertenez ; dont et du bon et grant service que nous y avez fait vous remercions trestous tant qu^il nous est possible , car le service n^est pas petit et savons certainement que par vostre bonne et grant conduyte la chose est ainsi advenue. Aussi vous povez estre asseurez que jamais ne le mectrons en obly mais a tousjours en aurons bonne souvenance. \
Et au r^art du cappitaine Jaqmes Galliot , dont par vosdictes lectres nous escripvez qu^il a esté blessé d^un coup de couleuvrine en la jambe , nous en sommes très desplaisans car nous y avons ung bon serviteur et nous desplairoit bien de le perdre. Au surplus vous ne nous avez point escript le nombre des autres prisonniers ne comme il va de tout le demourant ; toutesfois gardez vous bien que on nVn mecte ung seul a raençon ne que on n^en laisse point aller , mais les faictes bien tous garder.
Aujourduy nous despeschons de noz gens pour aller devers vous , par lesquelz vous ferons savoir de nostre intendon sur le tout bien au long.
Donné au Vergier le penultime jour de juillet, environ huit heures du matin.
CHARLES
Parent.
Le Verger, mercredi 3 o juillet.
A NOSTRE CHER ET FEAL COUSIN LE S' DE LA TRIMOILLE , NOSTRE LIEUTENANT EN L^ARMÉE DE BRETAIGNE , ET AUX CAPPITAINES ESTANS AVECQUES LUY.
De par le Roy.
Cher et féal cousin et vous noz amez et feaulx, nous envoyons par delà devers entre vous noz amez et feaulx conseilliers le s' de Morvillier nostre chambellan, et Jaques de Silly cappitaine de nostre garde, tant pour amener nostre frère d'Orléans, le prince d'Orenge, Aymar de Prie , George d'Auxy , Walleran Goujat , Tynteville que autres telz que leur avons chaîné. Si voulons et vous mandons très expressément que les croiez et faiaes ce qu'ilz vous en diront de par nous comme pour nostre propre personne, sans y faire difficulté ; et leur faiaes bailler lesditz prisonniers, entre les mains de qui qu'ilz soient, et gardez comment que ce soit et toutes excusacions cessans qu'il n'y ait point de faulte. Et au surplus advisez ce que aura a faire nostre armée et en faiaes selon que trouverez pour le mieulx, et par eulx nous en advertissez et nous faiaes savoir bien au long de toutes nouvelles.
Donné au Vergier le penultîme jour de juillet.
CHARLES
Parent.
198 GOKXESPONDANCE DE CHARLES Vni
Le Verger, mercredi lo juillet.
A NOSTRE CHER ET FEAL COUSIN LE SIRE DE LA TRIMOILLE, NOSTRE LIEUTENANT EN L^ARMÉE DE BRETAIGNE, ET AUX CAPPITAINES ESTANS AVECQUES LUT.
Cher et féal cousin et vous noz amez et feaulx, Hance de Vaintretour, porteur de cestes, est venu icy devers nous et a amené XXVII) ou XXX Suyssesy nous requérant que les voulsissions faire paier , ce qui ne s^est peu faire par deçà. A ceste cause les vous envoyons ; et pour ce advisez de les recueillir et faire paier, car ilz n^ont point apporté de cerdfBcacion du maistre d^ostel Ymbert de Varey mais d^autres quHl vous pourra monstrer ; et ordonnez au trésorier Primaudaye pour les faire paier.
Donné au Vergier le penultime jour de juillet.
CHARLES
Parent.
