LIEUTENANT EN L^ARMÉE DE BRETAIGNE, ET AUX AUTRES CAPPI

TAINES ESTANS AVEGQUES LUT. I

Cher et féal cousin et vous noz amez et feaulx, il y a ung jour 1 ou deux que nous avons receu voz lectres , escriptes a Saint- Aubin le 111)*°* jour de ce moys d'aoust, par lesquelles nous faiaes | savoir vostre partement et le lieu là où vous tirez et de la som- [ macion que avez faicte a ceulx de Rennes ; et nous semble que t

avez bien advisé de le prendre ainsi. Et au regard des vivres que demandez qui vous suyvent , nous en avons escript partout aux commissaires tellement que vous n^en aurez point de faulte ; mais en tant que touche de mectre des gens a Dol pour la seureté de vosditz vivres, il fault que cela viengne dVntre vous et que y donnez provision telle qu^elle vous semblera estre affaire par delà.

Touchant les paiemens tant de gensdarmes des ordonnances que des autres , nous en avons parlé a Angiers aux gens de noz finances et aux trésoriers des guerres et s^i fera toute dilligence possible en manière que de brief ilz seront paiez , et desjà s^en est allé la pluspart devers vous. Aussi des lances et des autres choses que vous demandez par vostre mémoire que Merlin nous a baillé , on vous en envoyé et n^aurez faulte de riens que nous puissions. Nous vous avons fait envoler Partillerye que demandiez et croyons que de ceste heure elle soit devers vous ; mais au regard des pyonniers nous n'y povons pourveoir d'içy et fault que que les faiaes amasser par delà, car vous en finerez assez quant on y fera bonne dilligence.

En tant que touche les gensdarmes qui s'en estoient venuz par deçà, nous avons fait crier , sur peine de la hart, qu'ilz s'en retournent trestous en nostre ost , et si vous avons envoyé de noz pencionneres , et a mesure que les autres seront prez et qu'ilz viendront les vous envoyerons tous les jours ; et fault que les cappitaines facent savoir aux autres gensdarmes de leurs cornpaignies qui s'en sont allez sans congié qu'ilz s'en retournent incontinent a leurs enseignes ou autrement on mectra des gens en leurs places, car lesditz cappitaines doivent savoir où ils demeurent et où ilz sont allez mieux que nous ne faisons, et eulx mesmes en doivent respondre actendu qu'ilz y sont en personne.

Au regard de l'article que vous meaez en la fin de vosdictes lectres qu'il y a plusieurs gens de delà, tant de nostre frère d'Orléans que d'autres, qui s'en veulent venir rendre en nostre obeis^ sance, escripvez nous les moyens comme ilz l'entendent et la manière qu'ilz veuUent venir et quelz personnages ce sont, car il y en a d'aucuns que noua vouldrions bien qui feussent par deçà

et aussi beaucoup d^autres que nous aymerions mieulx de delà ; et quant vous nous en aurez ^dverty nous vous y ferons responce. Au surplus faictes nous savoir tousjours souvent de voz nouvelles et nous vous manderons des nostres.

Donné a la Menystré le a** jour d'aoust.

CHARLES

Parent.

La Menitré, samedi 9 août.

A NOSTRE CHER ET FEAL COUSIN LE SIRE DE LA TRIMOILLE , NOSTRE