AU ROT NOSTRE SOUVERAIN SEIGNEUR

Sire, derrenierement vous avons çscript comme estions arivez en ceste ville ; et depuis toute la diligence qu'il a esté possible de faire, tant de faire tirer Tartillerie que d'approuches, nous avons fait, et pour ung jour en a esté fait ce qu'il s'en peut faire et tant qu'on les a mis en si grant sugection qu'ilz n'osent plus tirer comme ilz avoient accoustumé. Sire, moy de la Tremoille, pour ce que j'avoye quelque congnoissance avec mons' d'Audon ', je y envoyé hier le bailly de la Montaigne, messire Pierre d'Aux, le sommer et praticquer ; et aujourduy doit envoyer icy deux de ses gens pour faire response, et me semble qu'il a bonne voulenté de vous faire service.

Sire, des galiotes que vous avions escript l'en a fait si bon guet sur l'eaue et tiré artillerie qu'ilz s'en sont retournez de Audon ; et ne sçavons s'ilz sen sont allez de paour ou pour mieulx leur equipper et retourner, par quoy, Sire, est neccessaire ,' si c'est vostre plaisir, nous envoyer force basteauk : car le principal de ceste besongne est de les garder de entrer, a quoy nous mectrons toute la peine que nous pourrons de les en garder.

Sire, si c'est vostre plaisir vous nous ferez venir grant force foings et avoynes, car cest la chose qui soit de quoy nous avons plus grant neccessité. Sire, nous prions Nostre Seigneur qui vous doint très bonne vie et longue.

Escript des faulxbourgs d'Ancenis le xvf^ jour de may, a X heures au matin.

Voz très humbles et très obeissans subgectz et serviteurs,

L. DE LA TREMOILLE; CHABANNES; G. DE MONFAUCON; ROBBERT DE BALSAC; GUICHART DALBON.