JUL. BOURNEF, LOYS REGNART

2i3 - HENRI VII ROI D'cANGLETERRE

. Windsor, mardi 27 mai.

• Copie annexée Très hault *, très excellent et très puissant prince, très chicr et "^' très amé cousiny nous croyons que estes bien souvenant que par ung des chevaucheurs de vostre escuierie, nommé Michdet , qui naguieres a esté devers nous, vous avons escript a cause du bruit qui estoit par dellà et oerdffié que aulcuns de noz subgectz n^estoient allez en Bretaigne ; et cela estoit vérité, car nous avons £ait défendre sur peine de la vie que nul n^y allast.

Toutesfoiz nous avons a ceste heure esté adverty que les ambaxadeurs de Bretaigne qui derrenierement sont venuz par deçà, en intencion d^avoir ayde et secours de nous , voyans qu^ilz ne pouvoient obtenir leur intencion ne sur ce avoir aucun confort, se sont tirez en Tisle de Wict devers sire Edouart de WideviUe chev', soy disant s' de Scalles, qui illecques faisoit sa résidence et là où de longtemps avoit charge de par nous pour la garde d^icelle ; et par leurs subtilz moiens et praticques Tont tellement enhorté et séduit que, a nostre très grant desplaisir, il s'en est allé avec euk en Bretaigne et a trouvé moien de mener avec luy jusques au nombre d^environ troys cens hommes, dont il a tiré la pluspart dUceuk hors des franchises où ilz avoient esté plusieurs années par leurs delitz et maléfices , desquelz la pluspart sont allez sans hamoiz et habillement de guerre. Et s^est fait Tamas d'icelles gens audit ysle , qui est tout environnée de mer, si très secrettement et hastivement que oncques n'en avons peu avoir congnoissance sinon jusques après leur département.

Il est bien certain que ledit sire Edouard nous avoit a plusieurs foiz demandé congié pour y aller, et jamaiz ne luy avions voulu consentir mais luy avions expressément défendu qu'U n'y allast sur tant qu'il doubtoit encourir nostre indignacion , et n'eussions jamaiz cuydé qu'il eust ozé enfraindre nostre commandement. Il y avoit aussi ung jeune chevalier, frère du conte d'Arondel, qui

faisoit son appareil pour y aller après ledit sire Edouart , maiz incontinant que Pavons sceu nous Pavons fait arrester avec son navire et tous ceulx de sa compaignie.

Et pour ce, très hault , très excellent, très puissant prince, très chier et très amé cousin, que sommes certains que ces choses viendront a vostre congnoissance et que ne savons comment ne en quelle façon les pourriez prendre ne interpréter , car touchant telles matières se font souvant plusieurs rapportz, nous vous advertissons voulentiers de la vérité, vous prians bien a certes que touchant ceste chose ne vueillez prendre aucune suspicion ne ymaginacion qu^il y ait de nostre coulpe ; car nous vous certifions sur nostre honneur que ce a esté fait sans nostre sceu et consentement et contre nostre prohibicion et défense, et en sommes autant desplaisans que de chose qui nous soit advenue depuis que sommes en ce royaume. Car pour riens qui soit ne vouldrions permectre aucune chose estre faicte en vostre préjudice ou desplaisir ; et croiez de certain que, avant qui soit long temps, Ton congnoistra par effect ledit sire Edouart et les siens non avoir esté bien conseillez d^avoir fait une telle et si folle entreprinse.

Et afin que de ces choses et de nostre intencion sur ce soiez plainement et entièrement adverty, nous envolons a présent devers vous nostre roy d^armes Gartiere ', par lequel pourrez savoir la * Jarretière, vraye vérité, vous priant le vouloir croire et adjouster foy a ce qu^il vous dira et par luy nous faire savoir de voz bonnes nouvelles ; avec s'il est chose que desirez que faire puissons et nous Tacomplirons de très bon cueur, aydant le benoist filz de Dieu qui, très hault , très excellent, très puissant prince , très chier et très amé cousin , vous ait en sa saincte garde et doint Tentier acomplissement de voz bons désirs.

Escript en nostre chasteau de Windesore le xxvij™ jour de

may.

Vostre bon cousin ,