A TRÈS REDOUBTÉ SEIGNEUR MONS*' DE ROHAN

Très redoubté seigneur, a rostre bonne grâce très humblement nous recommandons. Le jour d^er arriva en ceste ville Guingamp le poursuyvant, quel avions envoyé devers vous ; et a sa descente de cheval fut par Jacques le Moyne y grant escuier de Bretaigne, quel lundi au soirestoit arrivé en cestediae ville, prins du corps : luy arrache son esmail et luy oste les lectres et saufconduiz que par luy nous aviez envoyez. Et ce matin s'en est party ledit escuier et a emporté ledit esmail , lectres et sauconduiz sans les nous avoir auchunement communiqués , par où ne povons sçavoir Teffea d^iceulx. Dont suymes grandement desplaisantz et courroucez ; et a celle cause envoyons devers vous Hervé de Boeseon , porteur de cestes, en vous suppliant, très doubté seigneur, que vostre bon plaisir soit de le croire de ce qu'il vous dira de par nous, et par luy nous faire sçavoir votz bons aggreables plaisirs pour les acomplir o Tayde de Nostre Seigneur qui , très doubté seigneur, vous ayt en sa saincte garde.

Escript a Guingamp ce mercredi xx"^ jour d'aougst.

Voz très humbles serviteurs les gens de Lantreguer , Guingamp et Lannyon ,

PIERRES HELYAS