LE BAILLI DE LA MONTAGNE

Fougères , vendredi 3 1 octobre.

A MON TRÈS REDOUBTé SEIGNEUR MONS»^ DE LA TREMOILLH, VICONTE DE THOUARS ET COMTE DE BENON.

Mons<', le seneschal de Carcassonne passa lundi par icy, et s'en va par devers mons^ de Roan, et me bailla unes lectres du Roy lesquelles je vous envoyé. La créance est que le Roy envoyé ledit seneschal pour dire a mons' de Roan qu'il ne se die plus duc de Bretaigne, mes que s'il y a droit il luy sera gardé. Et m'a dit que le Roy prétend droit en la duchié, et a ceste cause fait revenir douze cens Souysses et fait mectre sus deux mille arbalestiers et des gensdarmes le plus qu'ilz en pourront trouver ; et a ce que m'a dit ledit seneschal , sont délibérez d'aler en basse Bretaigne et mener artillerie quant y eulx^ et si les estrangiers ne sont vuidez « Etiiyer. d'assaoier * de les faire vuyder par force. Mons' de Champaroux,

le seneschal de Carcassonne et le seneschal de Thoulouse ont la charge. Ledit seneschal m'a dit que il avoit grant vouloir que vous l'eussiez , mes il y en a qui ne l'ont pas voulu. Vous n'y perdes gueres, car s'ilz y vont mal acompaignés ilz s'en pourroient bien repentir.

Je avoys envoyé une trompeté a Vennez, faignant chercher des prisonniers, qui arriva yer et a demoré cinq jours avecques eulx, qui m'a dit qu'il a veu bien deux mille Espaigneux, que de pié que de cheval , qui sont logez tout autour Vannez , et y a des AUemans logez dedans Vannes ; et dit en s'en venant [qu'il passa] * a Malestret où il trouva bien mille AUemans, et dit qu'il rencontra leur payement que en leur menoit. Je ne scé conunent ilz l'entendent de faire la guère et mener l'artillerie, car si les autres se mectent en troys ou quatre places , ilz feront chauffer la cire tout au long de cest yver et a paine tiendra l'on gensdarmes s'ilz ne sont lougez a couvert. Ilz font leur compte de mener cinq ou

six cens hommes d'armes, mes d'ycy a deux moys n'en saroyent tirer troys cens au champs. La trompeté dit qu'il vit fondre ung gros canon et une grosse coulevrine, et qu'ilz avoyent des moles pour en fondres des autres ; et a ce que je puys entendre ilz ne sont point délibérés de faire riens si ce n'est a leur avantage, s'ilz ne tè font par force.

Il arriva yci une poste du Roy qui apourta unes lectres lesquelles je vous envoyé. Je mande a dix hommes d'armes de vostre compaignie, qui avoyent heu congié, qui s'en reviengnent , car les autres sont si loing que on ne les porroit recouvrer de grant pièce.

Les reparacions de ceste ville sont faictes, pour ceste saison ce qui se povoit faire, et s'en va lundi messire Menaust. Touchant le chasteau , il est bien acoutré et n'y fault plus riens et acheva l'en d'y besoingner yer ce qui estoit a faire ; et y fait l'on bon guet et bonne garde en façon que yconvenient n'y viendra point, au plaisir de Dieu, auquel je prie, Mons'**, qu'il vous doint bonne vie et longue.

Escript a Fougères ce vendredi derrenier jour d'oaobre.

Nous sommes fort persécutez de mortalité, tant au champs que a la ville ; et si Dieu n'y mect remède je fays doubte qu'il y morra beaucoup de gens de bien, car il y en a desjà beaucoup où elle a encommencé. Y n'y a uncores nulz gensdarmes mortz. Dieu mercy, ne malades.

Vostre très humble et très obéissant serviteur,

PIERRE DAUX

a33 — LE Sr DE CREULLET

CreuUet, vendredi 7 novembre.

A MON TRÈS REDOCBTé SEIGNEUR MONS*' DE LA TRIMOILLE,