A MON TRÈS REDOUBTÉ SEIGNEUR MONS' LE COMTÉ

DE TAILLEBOURG *. «Charles de Coé-

tivy.

Mon très redoubté seigneur, très humblement je me recommande a vostre bonne grâce. Encores que je sçay que par vostre homme estes a plain advisé des nouvelles de court/ne vouldroyc me imputassiés paresse de ma par pour non vous donner advis.

Les embassadeurs de Bretaigne furent despeschés jeudi de court et s'en partirent samedi , pour tourner en Bretaigne faire venir autres plus sumptueulx embassade et gens de plus grant autorité pour parler et conclure sur les articles dont par cy devant a esté traité. S'en espère tout bien. Vous avés bien sceu la prise de Chasteaubriend ; le cappitaine Odet n'est pas fort eureulx en garde de places. Luy et aucuns autres sont tenus a la délivrance des prisonniers qui furent pris a Vannes. D'autre nouveaulté ne se parle en nulle par de ce royaulme que l'on sache.

Aucuns de mons^' le gouverneur de Guyenne * m'ont com- ' Le comte d'Anmandé aller devers luy, ce que je foys, pour aucunes matières où ^^ "^î^ 'q^ ^^ je auray plaisir vous y avoir trouvé. Je croy que de brief soy Coetivy. délibérera aller en cour , qui sera son grant honneur et prouffit ; et me sembleroit que le plus brief en seroit le meilleur.

Mon très redoubté seigneur, commandés moy voz bons plaisirs pour iceulx de bon cueur acomplir au plaisir Nostre Seigneur , qui par sa grâce vous doint acomplissement de voz nobles désirs.

Escript a Maistas ce premier jour de may.

Vostre humble serviteur l'ospitalier de Rohdes ,