Planlin à Michel Fenegas

(Même sujet que la lettre précédente.)

Michaeli Venega; Hispano, patria Abulensi, C. Plantinus.

Tuis, vir doctissime et eloquentissime, ad me nonis juniis Salamanticc^ datis et a me 11 kal. augusti receptis, nisi illico respondissem, iniquiori ferrem animo priores tuas^ Abul^ 15 kal, maii ad me scriptas, hodie tam sero, nempe 7 kal. augusti, primum redditas mihi fuisse. Dici etenim non potest quanta aviditate expectem tuorum operum quicquid mittere placuerit ; ob id vereor ne serius meae tibi reddantur quam ego et tu, quantum ex tuis epistolis intelligere licet, vellemus.

Paucis itaque hisce meis verbis pectus meum ingénue et candide, ut exigis, apertum rursus introspice. Aveo ego tua in vulgus producere, agere, emittere et publica facere. Mitte itaque, mi Venega, mitte quamprimum poteris quicquid edendum nostris typis, vel coujunctim vel separatim, judicaveris. Conditiones nullas, quantum ex unguibus leonem possumus, pr^escribes, quas libenter recusem.

Quod si fortunam, ut tuis verbis utar, matrem expertus unquam fuero, efficiam ut me non ingratum scntias; sin novercam (quod non existimo) gratius erit quam si cxcmplo nonnullorum nostri sîeculi importunorum hominum lucra non parum facerem.Mihi etenim mea inest cupido quod placet imprimendi, ut aliis aliquid aliud quid faciendi, ncque facile quod alacri fecerim et prompto animo displicet. Habco vero gratias relaturus si vires adfuerint, unquam quod me tanto honore dignatus sis^

ut tua teque totum mihi immerenti et haud taie quid jam expectanti offerre dignatus fueris. Si quid itaque possim aut alicui rei me non inidoneum judicas, âge, qu^so, indica, imperatum mihi ab eo qui potestatem in me habeat existimabo et alacriter obsequentem me pr^bebo. Vale, domine mi, cum omnibus quibus bene cupis. Vale iterum. Antverpias, 26 julii [1567].