Martin Everaert, littérateur, employé par Plantin

à Augustin '. Mais depuis je n'en ay rien entendu, non plus que de tout ce qui estoit entre les mains dudict Augustin, chose mesmes qui me mect aussi en peine, à cause que j'ay déboursé plus de cinq cens florins, tant pour papiers, cuirs, ancres, ports et advances etc., dont je n'ay onques retiré qu'environ 40 fl. de quelque partie des Apoc. et Rec. * etc.

Au reste, j'espère bien que le S' Jaspar van Zurich ' continuera de manifester, encores qu'à la fois il semble vouloir se retirer de ce faire, comme dernièrement il m'a encores dict (dont je suis rentré en peine et soing très grand) qu'il falloit que je ne faillisse à payer à Franfort la somme de 115 ft de gros de Hierosme Corru, * dont par avant il m'avoit deschargé et dict que je prise courage et qu'il feroit mesmes que j'aurois encores le reste de ce qui estoit à payer de viel, qui estoit, outre cela, encores 900 fl., car en toutes choses il