I. Maître des postes

plus doctes en la congnoissance des langues hébraïque, chaldéenne, grecque et latine, et doué des plus rares vertus qui doivent estre estimées qui soyent de ce temps. Lequel estant arrivé ici depuis mon partement, m'a revocquc en diligence, et baillé à mon retour les lettres qu'il a pieu à Sa Majesté m'en faire escrire et soussigner soy-mesmes et monstre les ordonnances de Sadicte Majesté, par où il ordonne que je mecte incontinent la main et que on me délivre 6 mille ducats pour m'y aider. Par quoy, s'il plaist à Vostre Illustrissime Signeurie de nous faire prester les exemplaires de la Bible en grec qu'elle a faict conférer à Rome, il en est plus que temps, d'autant que nous sommes résolus d'y commencer avec l'aide de Dieu, dedans la fin du mois présent.

Ce que faisant la république sera tenue à la libéralité de Vostre Illustrissime Signeurie et l'honneur deu pour telle grâce ne sera celé à la postérité.

J'ay, retournant de Paris par Brusselles, receu les lectres de Vostre Illustrissime Signeurie, avec les annotations et fragments du Signeur Fulvio Ursino sur Csesar et les imprimeray le plus tost que je pourray. Le semblable feray je aussi du Lactance, qui, depuis mon partement d'ici, est encore es mains de Messigneurs les docteurs de Louvain pour visiter avec les annotations que j'imprimeray avec. Dieu aidant. [12 juin 1568]