I . C'est-à-dire le vin de sa doctrine

ly. — Pierre Gassen à Plantin

Compère et amy. Serés averti que j'ay receu vos dernières du 3' et despuys par Jullien une escripte avec son meith (?) sans date, ensemble un petit paquet et le contenu au mcmoyre, J'ay ûiict vos recomandations aux amis tous, qui en font envers vous le semblable. Je suys grandement joyeux de l'arrivée de vostre Jehan ' pour vostre soulagement, liberté, etc.

J'ay fliict vos excuses envers Boybaux. Je vous remercie bien fort de l'avis des cuyres et exposition des letres et avis de maistre Jaques, duquel vous ayderés en mes affayrcs, tout ainsi et autant que verres estre bon, car, à présent, j'ay bien affayre d'une personne pour entendre à mes affayres par dellà, principallement aux cuirs de les bien merquer et en dilligence les fayre passer et corroyer et solititer.

J'espéroys vous aler veoyr devant pasques; mais, pour n'avoyr letres de Jehan Gassen il y a un moys, m'est besoin atcndre des nouvelles de luy avant que partir pour donner ordre à quelques marchandises, mesmes des cuyres qu'il a chargés que j'atens tous les jours bon nombre. Le 22^ mars, vous en ay envoyés 2 balles par Jaques Huguebert, voyturier de Lisle, là où il y en avoyt 42 douseynes, desquelles balles n'ay nul avis que les ayés encor receux et faites mètre en la chaux, ce que je vous prie de fayre le plus tost que l'on pourra. Car sachez qu'il m en vient bon nombre et sera requis grande dilligence etc., pour auprès et à mesure qu'elles arriveront les fayre comencer à mètre en chaux pour ne perdre mais gaigner le temps et la saison,