Tlantin à Jean de Moliiia. ' Par la Poste

Signeur Jehan de Moliiia, Suivant vos advertissemcnts par deux lettres que m'avès envoyées à diverses fois, j'ay faict relier quelques sortes des livres que j'ay imprimés et le temps venu que les Birckmans vous envoyent quelques casses de livres, je vous ay aussi faict appareiller le tout et pacquer aussi en une petite casse, dont voyés la facture enclose en la présente, et ay mis le prix des livres en blanc comme je les vens ici aux libraires, et les relieures au me?me prix que je les ay payés, afin que voyiés par ce peu si fcrés proffit d'en mander davantage. Quand au rabat^ je n'en sçaurois rien rabattre, s'il me convenoit attendre un an le paiement, à cause des relieures qu'il fauldroit avancer. Mais si vous voulés avoir des livres en blanc et les paier contant, je vous rabatray de six ung, c'est-à-dire que de 120 f. n'en payerés que cent à l'argent comptant, et à terme d'un an je vous rabbatteray lo pour cent. Mais, si preniés quantité à terme d'un an, je voudrois avoir asseurance par deçà de quelqu'un qui me paiast ici en cas qu'il pleust à Dieu (ce que je luy prie qu'il n'advienne) vous appeller de vie à trespas. Car, quand est de vostre personne, j'en ay si bonne relation que je suis prest de vous fier tout mon bien durant sa vie. Mais j'ay desja esté tant de fois intéressé par le trespas de plusieurs, qui durant leur vie m'avoycnt fért bien payé, que je crains de m'y remettre. Car il advient fort sou-