Ces deux volumes parurent en

des autres affaires plus urgentes et l'absence du prive conseil, d'autant que Monsigneur le chancelier faict difficulté d'admectre l'impression d'aucun livre que le congé n'en ait premièrement été donné audict conseil privé. Ce qui me faict moins croire ce que un mien amy libraire demourant à Brusselles et tenant sa boutique dedans la cour du Palais, nommé Pierre de la Tumbe ', m'a rescrit hier, c'est que Bogard ^ libraire à Louvain, luy auroit monstre un Bréviaire du nouvel usage de Rome, de l'impression de Manutius % duquel il venoit, par le moyen d'un Signeur espagnol nommé Castille (car ainsi m'escrit-il), d'impétrer le privilège de la Cour de Brabant, adjouxtant qu'il sçavoit bien que, par la faveur de V. 111"^ et R"^ S'^j'avois obtenu le privilège de Sa Saincteté et le congé de Manutius et du peuple Romain, mais que, nonobstant cela, il l'aloit imprimer et faire imprimer. Et de faict, jà deux personnages d'auctorité, chanoines de ceste ville, m'ont dict en avoir veu, passé huict jours, par deçà, et quelqu'un m'en a offert un à vendre, duquel il demandoit 20 escus. Mais, d'autant que je n'ay encore le privilège de Sa Saincteié ni le consent de Manutius, sans quoy je ne veux m'advancer d'imprimer ledict Bréviaire ni autres livres desquels Sa Saincteté ait baillé tels privilèges et faict telles défenses, je ne l'ay voulu achapter, encores que j'en eusse autrement volontiers autant payé.

Ce que j'escri à V. lll""^ S., afin qu'elle puisse d'autant mieux faire entendre à P. Manutius que, suivant