Plantin à Fahritio Galletti

Al mag=° S°'' Fabritio Galletti.

J'ay receu la vostre du 20 juin, par laquelle me donnés advis qu'acceptés les soixante escus, pour le reste de la disme des Bréviaires, par moy imprimés jusques à la Pentecoste, et que, par accord faict, la charge et profict de toute rimprimerie est transférée à vous et au S"" Paulus Manutio, qui aussi le confirme, en la fin de la vostre. Parquoy, je n'en fay, ne feray aucune difficulté.

J'ay bon espoir qu'aurés maintenant receu lesdicts soixante escus, suivant l'ordre que j'en donnais, par mes dernières, audict S'' Paulo Manutio. Depuis, j'ay encores faict une impression de mille Bréviaires in 8° en ung volume, et puis je l'ay recommencé in-i6°, auquel je besongne maintenant. Or ay je bon espoir qu'après la confirmation et publication du Synode provincial, les esglises de par deçà et gens ecclésiastiques prendront l'usage dudict Bréviaire, et qu'alors j'en pourray vendre davantage, et, par conséquent, j'en imprimeray tel nombre que bèsoing sera. Car j'asseure bien V. S. que, depuis que j'ay eu achevé la première impression dudict Bréviaire, nostre maison n'en a esté desgarnie de suffisante quantité. Que si j'eusse veu milleure vente, j'en eusse imprimé davantage. De sorte que, si besoing estoit, j'en pourrois bien imprimer plus de 12 mille par an; mais, voyant que je puis fournir à ce qu'on en peut vendre par deçà, y employant une ou deux presses, il

I. Fabritio Galletti, imprimeur à Rome, héritier et successeur de Parthélemi Faletti.

n'est jà besoing que j'y "en employé davantage. Et de tout ce qui adviendra serés tousjours fidèlement adverty et honnestement satisfaict de nostre accord. Qui sera l'endroict où je prie Dieu, etc.