I. Deux imprimeurs de Paris

que ce sera faict qu'il vous contentera et qu'il vous escriveroit ce pendant. Quant à Jan Foucher, il m'a dit qu'il n'avoit poinct de ces livres et que ce n'estoit poinct de cqs sortes. J'ay receu de Jaques Dupuis * et Hercules ' certains livres lesquelz je vous envoie avec ce qu'ay peu recouvrir, de quoy je vous envoie aussy le cathalogue, et, ensuivant vostre mandement, j'en ay retenu aucuns desquelz, si en avés affaire, mandés et je les vous envoiray sans faillir. Plus ay, receu du compère Gassen 4 rames de papier d'Auvergne, avec deux paquetz, dont les 4 rames de papier sont demourées, parce que j'avois attendu quelque temps à faire le pannier pour l'attendre. Voiant qu'il ne venoit et que estois pressé de livrer ladicte voicture, j'ay pacqué en ce petit pannier là où elle n'ont seu tenir. Voilà la cause du retardement desdictes 4 rames. Davantage vous trouvères ung paquet de matrisses que mon cousin Hotin ' vous envoie. Vous trouvères aucuns livres de Frédéric Morel *, desquelz n'ay pris le mémoire, mais je vous envoie la lettre de facture dudict Morel. J'ay receu vostre dernière lettre, avec la procuration touchant Pierre Jovant, laquelle ay délivrée à la mère dudict Jovant. Ensuit les livres que je vous envoie :