Triant in à Fulvius Ur sinus

24 juillet 1568.

Monsigneur,

Il me desplaist que nous ayons commis quelque faute en vostre livre des fragments, et encore plus de ce que j'entends, par les vostres du 19 juin, que n'avés pas encores receu le livre entier, lequel j'espère que pour le moins le pourrés maintenant avoir receu.

Qpant à Commentaria Caesaris, je n'ay sceu, pour certaines raisons, encores y besongner, ce que j'espère faire dedans 3 semaines.

J'ay rescrit à Paris au signeur Guido Lolgîo qu'il m'envoye la copie du livre de Monsigneur Hieronymo Mercuriale, avec espoir de le commencer incontinent après l'avoir receu.

Au reste, je vous remercie très grandement de la bonne affection qu'il vous plaist me porter et du bien que me procurés en advertissant Vostre Signeuric que, quand, à sa commodité et bon loisir, il luy plaira m'envoyer le livre d'Achile Statio, avec l'autre inscrit Ta iroifieviKa, que je les conjoindray ensemble et ce d'autant plus volontiers qu'elle a le désir de les dédier à Monsigneur le Cardinal de Granvelle, auquel je me sens et confesse volontairement grandement obligé, mais non tant que je ne désire de l'estre encores journellement de plus en plus, ainsi que le semblable j'accepte aussi volontiers de Vostre Signeurie, laquelle je prie à Dieu etc.