Plantin à Kjmbert de Malpas

A Mons' Malpas, Maistre d'hostel de Monsg*^ riUustriss. Cardinal Granvelle.

Monsigneur, Ayant receu une preuve du Bréviaire, avec les lectres de V. S., je Tay, au mesme instant, envoyé à Brusselles pour en obtenir le privilège, espérant de commencer incontinent et ensuivre du tout vostre ordonnance et advis, à quoy je ne faudray,tout incontinent que j'en auray peu obtenir le congé du conseil, auquel, deux ou trois jours auparavant que ladicte partie du Bréviaire fust de ma part présentée à Monsg^ le Président par son Secrétaire, il avoit esté exhibée une licence de Sa Saincteté à un nouveau et jeune libraire de ceste ville, nommé Phillebert Tomcsius \ de pouvoir imprimer ledict Bréviaire, ce que par sa requeste il demandoit luy estre octroyé. A quoy, par la responce et remonstrance de ce que, par la sollicitation et faveur de V. S., s'est passé à Rome envers le Sig' Paul Manutius etc. faictes par Monsig' le Prévost d'Aire, sur ce requis par ordonnance dudict conseil, fut apostille que ladicte requeste me fust communiquée. De quoy je fus incontinent advisé par ledict S*" Prévost de ce que je devois faire pour prolonger l'affaire, cependant que V. S. renvoyeroit le reste dudict Bréviaire avec la licence de Sa Saincteté,sans laquelle, veu les choses demandées, il ne m'est possible de rien faire, veu que tant de divers compétiteurs se manifestent.

Ledict libraire ne m'a point encore faict insinuer sadicte requeste ni parlé aucunement, et ay bon espoir