Vlantin au Cardinal de GranvelU

Le 17 septembre 1569.

A Monsg' le Cardinal de Granvelle.

Très Illust. et R"« S'.

Depuis mes précédentes, pour toutes diligences que j'aye sceu faire, je n'ay peu retirer la copie des vers du S' Gambara des mains du Secrétaire, jusques au 14* du présent, que j'en ay faict commencer la composition et, les jours ensuivant, l'impression, que j'espère de continuer^ chaicun jour une feille, jusques à la fin et aussi d'envoyer les feilles, selon que je les auray poursuivant.

J'ay esté en diverses doubtes de l'élection du format, et finablement me suis résolu, pour l'avoir plus tost achevé, de le faire in-S**, ainsi que V. I"« et R"* S*« peut veoir par ces premières feilles. Qjie si la forme et lectre ne luy agrée, en estant adverty, je ne faudray de les imprimer, tout incontinent, d'aussi grand format et charactères qu'il luy plaira m'ordonner.

Messeigneurs les Révérendissimes de Gimbray, d'Ârras, de Toumay, d'Ypre, de Guend et plusieurs autres, tant prélats qu'autres Signeurs Ecclésiastiques, m'ayants plusieurs fois rescrit que je leur imprimasse des Bréviaires en deux temps, de plus grosse lectre que les premières, j'ay faict ceste espreuve que j'envoye ici à V. Ill°* et R°* S", afin que, si d'aventure elle s'en contente, il luy plaise m'en faire advertir pour luy en envoyer tel nombre des feilles, par chaicun courrier, qu'il luy plaira m'ordonner.

Ledict Bréviaire se relieroit en deux parties, asçavoir celle d'hyver et celle d'esté, desquelles chaicune contien-

droit environ 40 ou 45 feilles au plus, de sorte que Tune ni l'autre ne seroit si espesse que l'entier imprimé en moyenne lectre , et ne me semble trop incommode pour tenir à la main. Au reste, j'avois de long temps faict marché avec un libraire de France d'imprimer le Cours Canon et luy en livrer 500 ung certain prix, auquel voyant que je perdray *

(Manque la fin.)