CCCXXI1I

LE PRINCE D'ORANGE A LA DUCHESSE DE PARME

Il lui rend compte de sa négociation avec les états de Hollande, à la Haye, et demande de nouvelles instructions. \

La Haye, 10 février 1860(12161, n. st.).

Madame, suivant le contenu des lettres de Vosire Allèze, me suis trouvé à la Haye en Hollande, le vij" de ce mois de febvricr, aiant escript auparavant à monsr le président de Hollande de faire retenir les estatz d'iceluy pays, qui se debvoient rassembler au iijp dudict mois, pour ma venue lors incertaine, ne me povant plustost passer, à cause de la dégelée et rompement des glaces , qui m'ont donné beaucoup de painc d'y passer, pour le dangicr qu'il y avoit. Et , estant venu audict lieu de la Haye, le vijc du présent, y ay trouvé les estatz dudict Hollande encoires rassemblez, lesquelz, après leur avoir ramainteu {') les deux principaulx poinetz de la demande de par le Roy à culx tant de fois proposez, avecq les moiens et raisons y duisans, selon le contenu de 1 instruction envoiée à moy et audict Sr président, enfin m'ont aujourd'huy donné pour responce que, quant au point du haulclicment des vijm liv. sur les xxvm liv. par eulx présentez et par Vostre Altèze, par provision, acceptez, qu'ilz persistoient en leur responce, et qu'ilz ne povoient aucunement bauleber ladicte somme, d'autant que oneques, en temps de guerre, n avoient plus consenti et accordé ; disans, en temps de paix, en estre moins obligez, pour les raisons qu'ilz remonstreroient

(') Hamai iiltti, rappelé.

plus amplement à Vostrc Altèze, à laquelle, touchant ce point, les ay remis, après leur avoir dit expressément que je n'avois nulle charge de les déporter dudict haulchement : ce que me prioient loulcsfois de voulloir faire, et les déporter d'en faire plus de rapport. Et, quant au second et principal point de la demande, faite en la présence de Sa Majesté Koyalle, de xvm I. par an, au rachat le denier xij, qui montent à c. iiij xxm 1., et après changée en six vingtz mil livres, sur quoy ilz avoient présenté soixante mil livres comptant, une fois, ont dit que, puisque Vostrc Altèze n'a t accepté ledict ofl're de lx,n 1., et qu'ilz n'eussiont aussi sceu trouver moien pour trouver si promptement ladietc somme, ont les nohles mis en avant ung autre moien, pour démonstrer raiïcction qu'ilz ont de continuer le service de Sa Majesté, comm'ilz pensent avoir fait jusques ores, savoir : d'accorder à Sa Majesté cent mil livres, promptement trouver à rentes le denier douze, suivant la première proposilion, sur l'obligation et seau des cslalz de Hollande, à racheter par eulx endedans trois ans, en trois parties, par esgalle portion, moiennant que Sa Majesté portasse le cours de rente d'iceulx cent mil livres, et, oultre cela, moiennant aucunes autres conditions raisonnables, comm' ilz disoient, sans les nous avoir déclairées, puisque s'estoit seullemcnt une ouverture, sans le sceu de leurs maislres. Et, comme la résolution de ceey gist au rapport des villes, m ont requis lesdicts députez relraictC pour le premier jour de quaresme; lequel ledict Sr [ résident et moy leur avons accordé, moiennant qu'ilz lissent rapport pour les six vingtz mil livres, et nous en rapportassent une bonne responce, et aussi sur ledict haulchement de vij™ 1., pour trois ans : à quoy toulesfois avons bien peu d espoir qu'ilz ne passeront lesdicts cent mil et ne haulcheront lesdicts vij'" I. sur les xxv"1 1. : auquel cas je supplie à Vostrc Altèze me mander incontinent comme je me auray à régler et conduire , seavoir: de l'accepter, ou non. Cependant

j'actcndrai en co lieu, pour advancer lediet afraire, tant requis et nécessaire pour le service de Sa Majesté, et advenir Vostre Allèze du succès de tout.

Madame, après m'estre très-humblement recommandé en la bonne grâce de V ostre Allèze, je prie Dieu donner à icelle santé, heureuse et longue vie. De la Haye, en Hollande, le \c de février 1560.

De Voslrc Allèze très-humble serviteur,

Guillk dr Nassau.

Svscription : A madame madame la duchesse de Parme. Plaisance, etc., régente, etc.

Original, aux Archives du Royaume: Lttlres de et «i UHittaumedc \astau, t. IV.

LA DUCHESSE DE PARME AU PRINCE D'ORANGE

Réponse à la lettre précédente. — Elle donne au prince des instructions sur les deux points qu'il a traités avec les états de Hollande.

liMUELLES, ti> FBVniEK lî>G0 ( liîGJ, n. st.).

Mon bon cousin, j'ay bien vouluntiers entendu, par vos lettres du x° de ce mois, non-seullcment vostre arrivée à la Haye, pour la paine en laquelle j cslois, pour la difficulié du passaige, à cause du desgeilet romplure des glaces, mais aussi le bon et dilligent office qu'aviez fait envers les eslatz de

Hollande, pour leur ranientevoir des deux poinetz des aydes à eulx tant de fois demandez, assavoir : de rehaulcher la somme de xxvm livres, qu'ilz avoient présenté pour l'entretènement des garnisons, d'aultres sept mil livres, et l'aullre, quant à la demande leur faiete, en présence de Sa Majesté, de xvm livres par an, aurachaptdu denier xij, montant à cent iiijxxm livres, et après changié en vj« mil livres : sur quoy ilz avoient présenté lxm livres comptées une fois, et que, quant audictrehaulchement des vijm livres, ilz persistoient en leur première responce, nepovans ieelle changer, ny faire ledicl rehaulchement, d'auslant que, comme ilz disoient, ils n'avoient oneques, en temps de guerre, plus contribué : par où en debvroient estre moins obligez en temps de paix. Et avez très-bien fait de ne les avoir depporté dudicl haulchement, comme aussi ne treuve que Ton le doye faire, pour non entrer en ceste diminution, et, par ce, donner le pied à aultres estatz, selon les conditions apposez en les accords, requérir le semblable. Et vous tiens souvenant des raisons qui leur sont esté, par plusieurs fois, remonstrez, en responce et solution de ce qu'dz allèguent. El de vouloir dire qu'ilz contribueroient plus que en temps de guerre, il leur fault aussi considérer qu'il y a maintenant besoing de plus grande garde, que paravant, poulies nouveaulx fortz depuis érigez pour la deffence d'eulx et du pays, et affin de non tumber plus ès ineonvéniens de surprinse subite, comme est advenu ; lesquelz fortz requièrent aussi tant plus de garde. Et ne s'est trouvé, par advis des principaulx seigneurs de par deçà, comme vous peult souvenir, que le pays fût, en ce temps de paix, guardable à moindre nombre que de trois mil ij° testes , ainsi que leur a esté déclairé; y ayant desjà consenti les aultres estatz, lesquels toutesfois contribuent aussi plus que du passé, pour la mesme considération dessus mentionnée. Et, se faisant en ce quelque changement en l'endroit desdicts de Hollande, lesdicts aultres estatz en pour-

roicnl avoir juste ressentiment. Ce que vous prie leurmectre derechef en avant, à leur retour, et que ne voys que, en façon quelconque, ilz se puissent excuser de faire ledict haulchement : car, encoires que ilz peuvent dire que la somme qu'ilz souloient ci-devant payer en temps de guerre, semble estre par ce quelque peu augmentée, si fault-il que, à rencontre ce, ilz considèrent que ce vient quasi tout ung, pour le rehaulchement du pris que, depuis, a pris l'argent, avec ce que, comme toutes choses sont aussi depuis augmentées en valeur, tout ainsi est aussi augmenté leur richesse , selon laquelle la raison veult qu'ilz assistent à cest requis pour là chose publicque, et à la deflence et protection, tant d'eulx, que généralement des aultres pays de par deçà; oultre ce que, comme ilz veullent défalequer xviijm livres pour les anchiennes rentes, il advancera peu de leur accord pour le payement desdictes garnisons.

Quant est de laultrc point de la vendition de rente pour xvm livres, au rachapt du denier douze, pour lequel ilz avoient cy-devant présenté soixante mil livres une fois, et maintenant après, par vostre sollicitation et persuasion, avoient les nobles mis en avant, par forme d'ouverture, d'accorder à Sa Majesté cent mil livres, à trouver promptement par vendition de rentes, le denier douze, à racheter par eulx endedans trois ans, en trois parties, par esgalle portion, moyennant que Sa Majesté portasse le cours de rente d'iceulx cent mil livres , sur quoy leur aviez baillé retraicle , pour le premier jour dequaresme prochain, moyennant qu'ilz feissent rapport pour les vj»™ livres, et vous rapportassent fructueuse responce, tant sur ce point, que sur ledict haulehement des vij™ livres pour les garnisons, je vous prie scmblablement, mon cousin, que, au retour desdicts depputez, veilliez insister, tant qu'il sera possible, pour obtenir lesdicts vj**1" livres, en prenant Sa Majesté à sa charge de payer le cours des rentes,

pour trois ans, par esgale portion, et, si avant que vous sentez que ne les povez mener plus avant que ausdiels cent mil livres, que, les accordans lesdicts estatz, ilz veullent aussi prendre à leur charge ledict cours des rentes , et, comme le payement desdictes rentes se doibt faire des deniers d'Espnignc, que, en leur délivrant iceulx deniers, ilz les veullent recevoir sur lesdicts xviij"1 livres des anchiennes rentes, et en bailler telle quictance que on trouvera convenir.

Et, où dictes que lesdicts depputez ont fait mention de quelques conditions qu'ilz vouldroient apposera l'accord du second point, je vous prie aussi, mon cousin, tenir la main, austant que possible sera, à ce qu'ilz se depporlent de apposer à leurdict accord aucunes conditions, mesmes nouvelles, ains, s'ilz ont à proposer quelque chose, qu'ilz le facent par requesie; leur offrant donner toute assistance, afin pour sur icelle leur faire avoir gracieuse responce; leur remonstrant aussi, entre aullrcs, que, en tant des allées et renvoys, ilz consument plus que ne porte ce que. de la part de Sa Majesté, l'on les requiert, et, par leur tardance, sont cause que aultres pays, ayant bonne voulenté et affection remédier aux nécessitez publicques, se reculent, et que partant, estant la chose de si petite importance, qu'ilz veullent monstrer la mesme dévotion, à l'endroit des points cy-dessus touchez, qifeulx et leurs prédécesseurs ont tousjours monslré ès semblables nécessitez précédentes. Et, comme il n'est besoing vous faire mention ce qu'il emporte pour le service de Sa Majesté, que Ton viègne tost au boult avec lesdicts de Hollande, quant à ces pointz. puisque vous mesme scavez l estât des affaires, et que cognoissez le miculx les humeurs de eeulx avec lesquelz l'on a affaire, je confie entièrement et vous prie, mon cousin, de bien bonne affection, de encoires vouloir continuer les bons offices que dcsjà y avez fait, pour induyrc iceulx estatz à prendre telle briefve et bonne résolution (pie Sa Majesté en puist recevoir eonlen-

tement, et eulx et tout le pays le service que tous debvons désirer. A tant, etc. De Bruxelles, lcxv°de febvrier 1560.

Minute, aui Archives du Royaume : Lttlrtt Ut rtiï Guillaume Je \astau, t. IV.

LA DUCHESSE DE PARME AU PRINCE D'ORANGE

Elle le charge de déléguer un des membres de la chambre des comptes de Hollande, afin de s'assurer que ceux de Gorcum remplissent les conditions auxquelles elle leur a affermé le droit appartenant au Roi sur les assis et moulins de cette ville.

Bruxelles, il mars 1560 (1561, n. st.).

Mon bon cousin, comme, en accordant présentement à eeulx delà ville de Gorcum nouvelle ferme du droit que compète au Roy, mon seigneur, aux assis et moulins d'icelle ville et du pays d' Arcle, et désirant obvycr aux abuz que Ton a trouvé en l'administration du revenu en icelle, leur ay fait donner certaine instruction, selon laquelle ilz se auront à conduire à l'endroit de ladietc administration, contenant, entre aultres choses, qu ilz seront tenuz faire apprester les comptes d'icellc ville, encores non oyz ne cloz, jusques à la fin de cest an xvc soixante incluz, pour icculx povoir rendre, à la St-Jehan prochainement venant, pardevant commissaire de la chambre des comptes en Hollande que à ce pourrez députer, comme ilz seront aussi tenuz de faire d'ores en avant de leur adminis-

tration susdicte, quatre mois après l'expiration de chascun an, et ce en présence du drossât et de ceulx de la loy d'icclle ville. Dont, mon cousin, vous ay bien voulu advenir, afin que suivant ce veuillicz députer, à cest clTcct, quelque commissaire de ladicte chambre des comptes, en luy donnant charge expresse de prendre bon et soingneulx regard si lesdicts de Gorcum auront baillé à ferme lesdicts assis , moulins et aultres droiz, selon le contenu de ladicte instruction, et, en cas que non, qu'il le face passer en sa présence, pour trois ou 1 six mois, comme il verra le mieulx convenir, afin de mettre b chose en train ; luy enchargeant semblablemcnt de s'informer, de plus près et plus particulièrement, du droit qui compète à Sadictc Majesté èsdicts assis et aultres droiz susdicts, et aussi vous advertir et ceulx des finances de Sadictc Majesté de ce qu'il en aura trouvé , ensemble de lestât d'icclle ville, pour, en après , estre fait et ordonné comme l'on trouvera pour le mieulx convenir. A tant , etc. De Bruxelles, le xjc de mars 1560.

Minute, aux Archives du Royaume : Lcltrtt de n à Guillaume dt \a$tau, l. IV.

CCCXXÏI.