LE PRINCE D'ORANGE AU PRINGE-ÉVÊQUE DE LIÈGE

Il lui réitère la sommation contenue clans sa lettre du 10 octobre.

Au CAMP, A LOOZ, 12 OCTOBRE.

Monsieur, je vous tiens ménioratif du contenu de ma lettre à vous hier envoyée par le messager de la ville de Tongre; estant bien esbahy que n'ay encoires aucune response sur icelle. Par quoy ay bien voullu faire suivre ceste itérative, avecq copie de ma précédente, pour vous oster toutte excuse d'ignorance de ma sérieuse et dernière resolution, avant que d'entreprendre chose qui pourroit tendre à grand préjudice et intérest de vous et de vostre chapitre, pour venger le grand tort et oultraige que moy et les miens ont receu de vous. Et povez estre asseuré que, avant vingt-quattre heures, verrez par cffect que ne suis d'intention de laisser passer la chose ainsy, si avant que ne vous rengez à la raison, avecq protestation que suis constrainct de le faire pour ma réputation , et que en cecy je n'enlens de riens endommaiger la noblesse, ny les villes de ce pais, sinon seulement ce qui vous pourroit toucher et ceulx de vostre chapitre, comme ceulx qui m'en ont donné l'occasion. Par quoy, en cas que désirez éviter cecy, me pourrez incontinent mander vostre résolution, car autrement povez estre asseuré que suis délibéré de passer oultre, comme ceste contient. Qui sera l'end roict où prieray Dieu vous ,

monsieur, avoir en sa saiiiCte garde. De mon camp, à Biirchloon, cexij^jour d'octobre 1568.

Le bien vostre , GuiLLE DE Nassau.

Sifscription : A monsieur monsieur l'Évesque de Liège.

Copie du temps, aux Archives du Royaume : Lettres de et à Guillaume de Nassau, t. V.

MVIl.