MARGUERITE A MAXIMIUEN

Elle fait des vœux pour la réussite des affaires de son père. Elle est d'avis qu'il ne faut pas envoyer d'ambassadeur en Angleterre. L'argent manque pour le vojage du président de Bourgogne. Légitimation de mademoiselle de Savoie et son mariage projeté avec le seigneur d'Epinoi. Prébendes vacantes à Soignj et à B^ thune. -^ (Minute,)

Mon très redoubtë seigneur et père , très humblement à vostre bonne grâce me recommande.

Monseigneur^ j'ay receu yoz lettres et par icelles entendu de voz bonnes nouvelles desquelles j'ay esté bien joieuse et serey tousjoiu*s étendre d'icelles, priant Dieu qui TOUS doint grâce de tellement exploitier toz bonnes emprinses que en puissiez venir à chief , et me semble que debyez sur toutes choses diligenter yosdites emprinses f affin qne en temps et lieu puissiez faire vok affaires.

Monseigneur, quant à ce que m^escripyez despesclier l'ambassadeur pour aller en Angleterre ayec voz instructions que avez pieça envoyez, il me semble , Monseigneur, si vous estez bien remis du contenu en icelles n'estre nul besoing d'envoyer à présent icelle ambassade; car, tout le contenu desdites instructions est estainct, tant par l'alliance que le roy d'Angleterre a nouvellement fait en France , que par l'absolucion que le pape a accordé aux Vénéciens , pour quoy ne seroit que despence perdue , si ce n'estoit que voulsissez i^nouveller lesdites instructions.

Quant a l'allée du président de Bourgogne en Espai- {jiie, Monseigneur, si le sieur de Melun eust volu entre-

ET DE MARGUERITE SA FILLE. — 1510. 307 prendre le Toyage^ il n'eust tenu oudit président^ maiz aient nouvelles de plusieurs excès que se faisoient en Bourgogne pour y donner ordre ly ay donné congié y aller ; toutesfois je croy que, quant vous le voudrez, il laissera toutes choses pour obéir à voz commandemens et déjà ly ay escript se faire prest, maiz je ne sçay quant l'on trouvera argent pour le despécher ; car il n'y a point moyen de trouver ung solz en noz finances.

Aussi il semble n'avons que le sieur de Vc seroit bien propice pour ledit voyage, ainssi vous y pourrez penser et en faire vostre bon plésir.

Et touchant le fait de Gheldres dedans aucuns jours ensuivant vous en ferey savoir des nouvelles et de la dispencation de la matière.

Au surplus, Monseigneur, je vous supplie vouloir iaire depescher la légitimation de ma seur, la bastarde de Savoie, de laquelle j'escrips à maistre Jaques de Bannissiis vous soliciter ; car je traicteroie voulentier le mariage d'elle et du sieur d'Espignoy, et si vostre plaisir estoit en escripre une bonne lettre de renonciation à la dame d'Espignoy , sa mère , qu'est de ceulx de Luxembourg, l'afiaire eu pourroit estre de mieulx, eêtre redressié.

Monseigneur, il a vacqué une prébende à Soigny et une des petites à Béthune par le trespas de sire Pierre Le Fevre, dont assavoir de celle de Soigny, j'ay en vertu de Toz lettres pourveu le frère de mon secrétaire Marnix , lequel j'entretiens aux estudez , et celle de Béthune ay donné soubz vostre bon plésir à ung chantre de monsieur l'Empereur, vostre père, qu'est du lieu et qui en avoit la promesse du feu roy, mon frère. Sy vous supplie , Monseigneur, en estre content, vous

recevant très humblement l'accord que avez fait a mondit secrétaire ^ lequel est continuellement prest à vous bien et loiallement servir.

Mon très redoubté seigneur et père , etc.