MARGUERITE A MAXIMILIEN

Marguerite recommande à son père le roi et la reine de Navarre , pour être compris dans les traités qu'il pourrait conclure. Le roi de France se montre hostile à la Navarre. — {Minute.)

( Breda , le 23 novembre. )

Mon très redoubtë seigneur et père, très humblement à vostre bonne grâce me recommande.

Monseigneur, combien que sçay avez bonne afiection aux aifaires des roy et royne de Navarre, et que les désirez traicter en toute faveur, ce néantmoing, congnoissant le bon vouloir qu'ilz ont à vous, leur désire faire tout honneur et service. Par quoy, j'ay voulentier prins charge vous en ramenteroir et escripre , vous suppliant. Monseigneur, que si l'oportunité se ordonnoit, et quelque bon traicté de paix ou amitié se feisoit, vostre plaisir soit les y comprendre et les avoir en bonne et singulière recommandacion , comme voz bons parens, amyz et aliez qui désirent la prospérité et accroissement de vostre magesté, et vous faire tout plésir.

Mon très redoubté seigneur et père , je prie à tant nostre Seigneur vous donner bonne vye et longue,

Escript à Breda, le xxiii* jour de novembre xv« xi-

P. S. Monseigneur, lesdits seigneurs roy et royne vous feront informer bien à plain et par certaines escriptures sur ce faictes et envoyées à leur ambassadeur, estant devers vous , du tort que le roy de France se parforce leur faire. Au moyen de quoy, Monseigneur, aurez meilleur ochoison, entendant leur droit et devoir où ilz se vueillent mettre, les avoir pour recommandez.

Défaite du seigneur de la Palisse en Italie. Expédition des Véoitiens contre le duc de Ferrare et le Frioul. L'Empereur se dirige vers ce pays pour leur livrer bataille, s'ils la veulent

attendre. — ( Original. )

(Doblach, le 24 novembre.)

Très chière et très amée fille , après que les Vénîssiens ont congneu que les gens de nostre armée qui avoîent esté en Friole, s'estoient retirez avec le seigneur de la iPalisse' ou quartier de Yéronne contre nostre commandement y le tout par l'enhort et moyen dudit seigneur de la Palisse, comme vous avons nagueres escript, car s'il eust encoires voubu demeuré et venir devers nous a Servalle, ainsi que luy avions escript y et que sur ce nous avoit fait responce , . nous eussions sur tout mis si bon ordre que toute la Gadouer, ledit pays de Friole et autres fussent cest y ver esté bien asceurez desdits Yénissiens, et qu'ilz ont aussi congneu que nosdits gens se retiroient et départoient l'un de l'autre pour eulx aller refTaire en leurs maisons des maladies et pouretez qu'ilz ont euz et supportez

' Jacques de Cbabaniies, depuis maréchal de France, tué à la bataille de Pavie.

Teste passé , iceulx Yënissiens ont party leur armée en deux , et ont envoyé une partie d'icelle contre nostre cousin, le duc de Ferrare, et l'autre partie ouditpays de Friole, pour, à l'assistance d'aucuns rebelles d'icellui pays , le reprandre à leur obéissance ; et desjà y ont prins, par le moyen desdits rebelles et maulvais paysans, pluiseurs villes; mais nous avons a diligence fait rassembler nouvelle armée et atout bon nombre de gens nous tirons présent^ent sur les frontières dudit pays de Friole pour rebouter lesdits Yénissiens et leur donner la bataille, quelque part qu'ilz soient, si attendre la vueillent; ce que espérons de faire à l'ayde de Dieu, deans huit jours au plus tart; et de la bonne fortune que Dieu nous donra , vous advertirons , luy priant à tant , qu'il vous doînt sa grâce.

Escript àDouplach, le xxiiii^jour de novembre. Tan xv*^ xi.

P. S, Nous vous envoyons avec cestes une lettre au roy de Denmarck, que désirons que luy vueîllez envoyer par homme sceur et n'est point fort hastive.

Per Regem. — Plus bas, Botechou.

Perte de l'assaut devant Venloo. L'Empereur se propose d'aller réparer cet échec l'été prochain , et s'y montrer le meilleur capitaine. Il faut tenir la main à ce que le blocus de Waghemmigen soit fait suivant les ordres transmis , afin d'affamer Nimègue et de donner facilité aux bateaux de Cologne et du haut pays de venir en Hollande. — {Original. )

(Mtiode, le 29 novembre.)

Très chîère et très amée fille , par voz dernières lettres du xiir de novembre vous nous escripvez entre

autres choses comment noz gens de guerre de par delà ont perdu ung assault devant Yennelo y et que , pour adviser que sera affaire cest yyer en la guerre de Gheldres, TOUS avez fait assemblé les grans et notables personnaiges de par delà ensemble les estas.

Très chîère et très amée fille, il nous desplaist Inen de la perte dudit assault et encoires plus des bons et vertueux personnaiges qui y sont demeurez ; maris ce sont fortunes de guerre que prenons comment Diea les nous donne; et estoit bien tousjours nostre advis que nosdits gens ne prouiEteroient guères devant ledit Yennelo ; car nous nous congnoissons quelque peu en telz affaires.

Nous sçavons bien qu'il n'a pas tenu à vous ne à autres gens d'honneurs et de vertus qui sont este empeschez en cest affaire que n'ayons eu meilleur fortune, et, moyennant l'ayde de Dieu, nous espérons de, sur l'esté advenir, réparer et recouvi'cr le tout et aller par delà en personne , le plus tost que pourrons pour estre le chief et le plus féable capitaine que tous sçaurions ordonner ny envoyer en cestedite guerre, vous requérant non prandre à cueur ladite fortune, ains ensuyvant vostredit bon advis , et surattendant nostredite venue, mectre quelque bonne ordre en ladite guerre de Gheldres, que, durant cedityver, noz bons subgectz de par delà ne soient foulez ou adommaigez desdits Gheldrois, leurs ennemis, et en faire tousjours pour le mîeulx , comme avons nostre fiance en vous.

Nous avons fort agréable l'assemblée desdits bous personnaiges et estas de par delà; car nous espérons qu'ilz vous conseilleront et assisteront en cedit affaire comment bons vassaulx et loyaulx subgectz ; et nous

ET DE MARGUERITE SA FILLE.— iôll. 453

plaist aussi bien le gracieux département que avez donné aux Angloys.

Tenez tousjours la main que le blochuys devant Waghemmighen ' soit fait comment autreffois vous avons mandé, affin de par ce eflTamer ceux de Nymeghen et tenir les rivières sceures que les basteaulx de Goulongne el du hault pays puissent descendre en Hollande sans dangier. A tant, très chière et très amée fille, nostre Seigneur soit garde de vous.

Escript à Munde, le pénultième de novembre, anno xv« xi. Vostre bon père Maxi. — Plus bas, Botechou.

Maximîlîen recommande â sa fille Franqoîs de Gosmans, espagnol^ qui désire être admis au service du prince. Charles. — ( Ori^. )

(Munten, le 30 novembre.)

Très chière et très amée fille , de la part de François de Gosmans , espaignart , pourteur de cestes , nous a esté exposé qu'il est en Testât de nostre filz, l'archiduc , et qu'il désire aller par delà pour le servir, nous requérante ceUe cause vous en escripre. Et pour ce qu'il nous a bien et honnestement servy en Ytalye soubz la charge de nostre cousin , le sieur de Reux , nous l'avons en singulière recommandation; et vous requérons que , quant il viendi^a devers vous , vous le vueillez aussi avoir pour recomimandé, et en sondit estât et auti^ement luy faire toute l'adresse et entrete-

' Wagheningen, petite ville sur les confins de la seigneurie «rUtrecht et dn duché de Gueldre , près du Rhin.

454 LETTRES DE MAXIBULIEN

nement que pourrez. En quoy (ai&ant^ nous fem càïOêt agréable. A tant, très chière et très amée fiUe, nostre Seigneur soit garde de tous.

Escript à Munten , le dernier jour de iKrrembve, Tan x¥^ XI. Per Regem. — Plus bas, Boiechou.

Nota, Semblable lettre à la même date pour Alfoilee Modtcsnîn , Pierre de V^îgo, et Pierre de Fonaecque , gentilshommea eifiegools.