MARGUERITE A MAXIMILIEN

Elle mande à l'Empereur qu'elle a conféré, sauf son bon plaisir, à Louis Maroton , une prébende vacante dans l'église de Namur. ^-^ {Minute.)

(Bruxelles, d^cembrr.)

Mon très redoubté seigneur et père , très humblement à Yostre bonne grâce me recommande.

Monseigneur^ hier au seoir maistre Loys Maraton , serviteur de monsieur de Berghes, lecpiel puis nagaires est revenu devers vous^ vint à moy et m'avertit d'une prébende et chanoynie vacquant en l'église de Namur par le décès d'ung dernier possesseur d'icelle illecq nouvellement trespassé , me requerrant, en faveur de son maistre 9 icelle prébende lui donner et accorder, actendu mesmement qu'elle est de petite importance et petit revenu; ce que j'ay fait, Monseigneur, soubz vostre bon plésir. Et pour ce. Monseigneur, que ledit maistre Loys est ung homme vertueux et lecteré , dont Ton se peult servir, vous supplie. Monseigneur, luy conserver mondit don, et vous me ferez honneur et plésir.

Mon très redoubté seigneur et père, je prie à tant nostre Seigneur qui vous doint bonne vie et longhe.

Escript à Bruxelles, ce. . . jour de décembre xv"" et vu.